பதிவு செய்த நாள்
15 ஆக2016
04:18
உலகின் வேகமாக வளரும் பொருளாதாரமாக இந்தியா விளங்கினாலும், பல்வேறு காரணிகளில் ஆசிய நாடுகளை விட பின் தங்கிய நிலையில் உள்ளது.
மனிதவள வளர்ச்சி அட்டவணை 2015 படி, 2013ல் இந்தியாவின் தனிநபர் ஜி.டி.பி., 5,238 டாலராக இருக்கிறது. இது, ஈரானை விட, 65 சதவீதம் குறைவாகும். மாலத்தீவுகளை விட, 54 சதவீதம் குறைவாகும். இலங்கையை விட, 44 சதவீதம் குறைவாகும்.இந்த அட்டவணையில், இந்தியா, 188 நாடுகளில், 130வது இடம் வகிக்கிறது. ஈரான், 69வது இடத்திலும், இலங்கை, 73வது இடத்திலும், மாலத்தீவுகள், 104வது இடத்திலும் உள்ளன. 2016, மனிதவள முதலீடு அட்டவணையில், இந்தியா, 130 நாடுகளில், 105வது இடத்தில் உள்ளது. இலங்கை, 50வது இடத்திலும், பூட்டான், 91வது இடத்திலும் உள்ளன.
கல்வி மற்றும் வேலை வாய்ப்பு ஆகிய அம்சங்களை அடிப்படையாக கொண்டு இந்த அட்டவணை தயாரிக்கப்படுகிறது.மனிதவள வளர்ச்சி அட்டவணை நீண்ட ஆரோக்கியமான வாழ்வு, அறிவு மற்றும் வாழ்வியல் நிலை ஆகிய அம்சங்களை அடிப்படையாக கொண்டுள்ளது. இந்த அட்டவணைக்கான தரவுகள் பல்வேறு சர்வதேச அமைப்புகளிடம் இருந்து திரட்டப்பட்டுள்ளன. வளர்ச்சிக்கான அம்சங்கள் இதில் கருத்தில் கொள்ளப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|