பதிவு செய்த நாள்
10 செப்2016
07:34
புதுடில்லி : பிக்பாஸ்கெட், நடப்பாண்டில், 2,000 கோடி ரூபாய் வருவாய் ஈட்ட முடிவு செய்துள்ளது.
பிக்பாஸ்கெட் நிறுவனம், இணையதளம் வாயிலாக மளிகை பொருட்கள் விற்பனையில் ஈடுபட்டு வருகிறது. இந்நிறுவனம், கடந்த, 2015ல், 600 கோடி ரூபாய் வருவாய் ஈட்டியது. இது, அதற்கு முந்தைய ஆண்டில் ஈட்டியதை விட, மூன்று மடங்கு அதிகமாகும். இந்நிலையில், நடப்பாண்டில், பிக்பாஸ்கெட், 2,000 கோடி ரூபாய் வருவாய் ஈட்டுவதற்கு முடிவு செய்துள்ளது.
இதுகுறித்து, அந்த நிறுவனத்தின் அதிகாரி ஒருவர் கூறியதாவது:எங்கள் நிறுவனம், மாதந்தோறும், 10 சதவீதம் என்றளவில் வளர்ச்சி கண்டு வருகிறது. தற்போது, ஒரு மாதத்திற்கு, 10 லட்சம் ஆர்டர்களை டெலிவரி செய்கிறோம். தொடர்ந்து, அதிகளவில் ஆர்டர்கள் கிடைக்கின்றன. இதனால், நடப்பாண்டில், 2,000 கோடி ரூபாய் ஈட்ட திட்டமிடப்பட்டு உள்ளது. விவசாயிகளிடம் இருந்து பொருட்களை கொள்முதல் செய்வதற்கு, 1,100 இடங்களில் மையங்கள் உள்ளன. இதை, நடப்பாண்டு இறுதிக்குள், 3,000 என்றளவில் அதிகரிக்க உள்ளோம். எங்கள் நிறுவனத்தில், உலகின் பல முன்னணி நிறுவனங்கள் முதலீடு செய்துள்ளன. இவ்வாறு அவர் கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|