பதிவு செய்த நாள்
17 அக்2016
07:33
பணி மாறுதலின்போது, ஊழியர்கள் பி.எப்., பணத்தை, புதிய கணக்கிற்கு மாற்றிக் கொள்ளும் நடைமுறையை பி.எப்., அலுவலகம் எளிதாக்கி இருக்கிறது. இதற்கான புதிய படிவம் அறிமுகம் செய்யப்பட்டுள்ளது.பொதுவாக, ஊழியர்கள் பணி மாறும்போது, பழைய கணக்கை புதிய நிறுவனத்திற்கு மாற்றிக் கொள்வதற்கு பதில், புதிதாக பி.எப்., கணக்கை துவக்கி கொள்கின்றனர். பி.எப்., பணத்தை பழைய கணக்கில் இருந்து மாற்றும் நடைமுறை சிக்கலாக இருப்பதே இதற்கு காரணம்.இந்த நடைமுறையை பி.எப்., அலுவலகம் எளிதாக்கி இருக்கிறது. ஏற்கனவே உள்ள படிவத்திற்கு பதிலாக, இப்போது புதிய படிவம் 11 அறிமுகம் செய்யப்பட்டுள்ளது. இந்த படிவம் மூலம் ஏற்கனவே வேலை பார்த்த நிறுவனம் பற்றிய தகவல், கே.ஒய்.சி., உள்ளிட்ட தகவல்களை வழங்கினால் போதும், பழைய கணக்கை மாற்றலாம்.புதிய படிவம் பூர்த்தி செய்ய எளிமையானது என்று தெரிவிக்கப்பட்டுள்ளது. மேலும் பி.எப்., இணையதளம் (www.epfindia.gov.in.) மூலம் இதை தரவிறக்கம் செய்து கொள்ளலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|