பதிவு செய்த நாள்
17 அக்2016
07:35
ஷாப்பிங் உங்களுக்கு தெரியும். ஆனால் ஷாப்பிங் மோகம் பற்றி தெரியுமா? அளவுக்கு அதிகமாக பொருட்களை வாங்கும் பழக்கத்தையே இவ்வாறு குறிப்பிடுகின்றனர். தேவையில்லாத பொருட்களை வாங்கி குவிக்கும் இந்த பழக்கம், உச்சத்தை தொடும்போது, ஷாப்பிங் அடிமைகளாக மாறிவிடும் அபாயமும் இருக்கிறது. இ – காமர்ஸ் நிறுவனங்கள் கோடிக்கணக்கில் விற்பனை செய்திருப்பதாக பெருமையுடன் அறிவிப்பதை பார்க்கும்போது, இந்தியாவில் பலர் ஷாப்பிங் மோகத்திற்கு இலக்காகி இருக்கலாம் எனத் தெரிகிறது. பலரும் தங்களை அறியாமலேயே இந்த நிலைக்கு இலக்காகி இருக்கலாம். பலர், தங்களுக்கு பிடித்தமானவற்றை வாங்குவதை கட்டுப்படுத்த முடியாத அளவுக்கு, கட்டாய ஷாப்பிங் பழக்கம் கொண்டிருக்கலாம்.
ஷாப்பிங் மோகம் ஏன்?* ஷாப்பிங் செய்வது சிலருக்கு, வலி நிவாரணி போல அமைகிறது. மோசமான நாளில் இருந்து விடுபட உதவுகிறது.* சுயமதிப்பு குறைவாக உள்ளவர்கள், ஆடைகள் உள்ளிட்டவற்றை வாங்குவதன் மூலம், நலமாக இருப்பதாக நினைக்கின்றனர் * விலை உயர்ந்த பொருட்களை வாங்குவது உற்சாகத்தையும், செலவு செய்யும் ஆற்றல் மிக்க உணர்வையும் அளிக்கிறது* ஷாப்பிங் செய்யும்போது, விற்பனை பிரதிநிதிகள் அளிக்கும் கவனம் சுய, கட்டுப்பாட்டை உணர வைக்கிறது * சிலர் தள்ளுபடியை தவறவிட்டால், மீண்டும் கிடைக்காது என நினைக்கின்றனர். குழந்தைகளுடன் செலவிடாத நேரத்தை, பொருட்களை வாங்கி ஈடுசெய்ய முற்படுகின்றனர்.
அறிவது எப்படி? ஷாப்பிங் மோகத்தை அறிவதற்கான கேள்விகள்* நீங்கள் எப்போதும் ஷாப்பிங் பற்றி யோசிக்கிறீர்களா?* ஷாப்பிங் செய்வதன் மூலம் மனநிலை மாறுகிறதா?* ஷாப்பிங் செய்வது உங்கள் நிதிநிலையை பாதிக்கிறதா?* ஷாப்பிங் செய்வதை குறைக்க நினைத்தும் முடியவில்லையா?* ஷாப்பிங் செய்யாவிட்டால் மோசமாக உணர்கிறீர்களா?* அதே திருப்தியை பெற, அதிக ஷாப்பிங் செய்யும் நிலையா?* இது உங்கள் பணியை பாதிக்கிறதா?இவற்றில் பெரும்பாலான கேள்விகளுக்கான பதில் ஆம் என்றால், நீங்கள் ஷாப்பிங் மோகம் கொண்டிருக்கலாம்.
பாதிப்புகள்ஷாப்பிங் மோகம் ஏற்படுத்தக்கூடிய பாதிப்புகள்* அளவுக்கு அதிகமான ஷாப்பிங் செலவுகள் நிதி இலக்குகளை பாதிக்கும்* ஷாப்பிங் மோகம் அதிகமானால், பணியை பாதிக்கும். குடும்ப உறவுகளிலும் சிக்கலை உண்டாக்கும் * சேமிப்பை குறைத்து, முதலீடும் பாதிக்கும் * வரி சிக்கலையும் உண்டாக்கலாம்.
தவிர்க்கும் வழிகள்அளவுக்கு அதிகமான ஷாப்பிங்கை குறைக்க...* செலவு செய்யும் முன் முதலீடு செய்யுங்கள். சேமிப்பை தானியங்கி மயமாக்கவும். எஸ்.ஐ.பி., திட்டம் மூலம் முதலீடு செய்யவும்* விலை உயர்ந்த பொருட்களை வாங்கும் முடிவை தள்ளிப்போட்டு, அது தேவையா என யோசியுங்கள்* மற்றவர்களை பார்த்து அல்லது மற்றவர்களுக்காக பொருட்களை வாங்குவதை தவிர்க்கவும்* மனச்சோர்வுக்கு இலக்கான நேரத்தில், ஷாப்பிங் செல்ல வேண்டாம்* மாதந்தோறும் சிறிய தொகையை ஒதுக்கி, அதில் விருப்பம் போல ஷாப்பிங் செய்யவும்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|