நிதி வாழ்க்­கையை மேம்­ப­டுத்திக் கொள்­வ­தற்­கான மாறு­பட்ட, புது­மை­யான வழி­யாக 21 நாட்­களில், நிதி பழக்­கங்­களை மாற்றிக்கொள்ளும், 21 நாட்கள் நிதி விரதம் எனும் புது­மை­யான வழி­மு­றையை, மிச்­சிலி சிங்­லேட்­டரி, ‘தி 21 டே பைனான்­சியல் பாஸ்ட்’ புத்­த­கத்தில் முன் வைக்­கிறார்:
உணவுக் கட்­டுப்­பாடு போல, நிதி கட்­டுப்­பாட்­டிற்­கான வழி­களை, விரதம் இருப்­பது போல மேற்­கொள்ள வேண்டும் என்­கிறார். நிதி விரதம் இருக்கும் நாட்­களில், தேவை­யான பொருட்­களை மட்­டுமே வாங்­கு­வது; அனா­வ­சி­ய­ மான எதையும் வாங்­காமல் இருப்­பது; கடன் அட்­டையை மறப்பது ஆகிய கண்­டிப்­பான விதிகள், இந்த வழி­மு­றையின் அடிப்­ப­டை­யாக அமை­கி­றது.இந்த நாட்­களில், மால்­களின் பக்கம் போகாமல் இருக்க வேண்டும். வேறு எந்த வகையான வீண் செல­வு­க­ளாக அமையக் கூடி­ய­வற்­றையும் கடை­களில் வாங்கக் கூடாது. பொருட்­களை வாங்­காமல் இருக்கும் உறு­தி­யுடன் கூட கடை­க­ளுக்கு செல்லக் கூடாது. ஏனெனில், தேவை­யில்­லாத ஒன்றை வாங்கும் துாண்­டுதல் ஏற்­ப­டலாம். ரெஸ்­டா­ரன்ட்­டு­களில் உணவு சாப்­பி­டு­வதை தவிர்க்க வேண்டும்.
அலு­வ­லக மதிய உண­வுக்கும் இது பொருந்தும். காபி வாங்கி சாப்­பி­டு­வ­தையும் தவிர்க்­கவும். பரிசுப் பொருட்­க­ளையும் வாங்கக் கூடாது. இந்த நாட்­களில், பிறந்த நாள் விழா அல்­லது திரு­மண விழாக்­க­ளுக்கு செல்லும் நிலை ஏற்­பட்­டாலும், இந்த விதி பொருந்தும். இந்த வாய்ப்பை பயன்­ப­டுத்தி, அவர்­க­ளிடம் உங்கள் நிதி விரதம் பற்றி எடுத்துக் கூறுங்கள். பொருட்கள் தவிர, வேறு எப்­படி பரி­ச­ளிக்க முடியும் என, யோசி­யுங்கள். அத்­தி­யா­வ­சிய தேவை தவிர, மற்ற செல­வு­களை குறைப்­பதே, இந்த முயற்­சியின் முக்­கிய நோக்கம்.
செல­வு­களை குறைத்துக் கொள்­வது, இதன் ஒரு பகுதி தான். அடுத்த பகுதி, கிரெடிட் கார்ட் மற்றும் டெபிட் கார்ட் பழக்­கத்தை முற்­றிலும் தவிர்ப்­பது. கார்­டுகள் மூலம் பணம் செலுத்­து­வது வாங்­கு­வதை மிகவும் எளி­தாக்­கு­கி­றது. இது, கடனுக்­கான பாதை­யாக அமை­கி­றது.
இந்த நாட்­களில் செய்­யக்­கூ­டி­யவை: உணவு மற்றும் மருந்து போன்ற முக்கிய பொருட்­களை வாங்­கலாம். தனிப்­பட்ட பொருட்கள், ஆடை­களை வாங்­கலாம். குடும்பம் மற்றும் வீட்­டிற்கு தேவை­யான பொருட்­களை வாங்­கலாம். மற்­ற­படி பொருட்­களை வாங்­கு­வது மற்றும் செலவு செய்­வதை முழு­வதும் தவிர்க்க வேண்டும். இந்த கட்­டுப்­பா­டுகள், நீங்கள் பணத்தை எப்­படி எல்லாம் செலவு செய்­கி­றீர்கள் என்­பது பற்றி யோசிக்க வைக்கும். கடன் அல்­லது செலவு பழக்­கங்­களில் இருந்து விடு­ப­டு­வ­தற்­கான வழிகள் பற்றி சிந்­திக்க வைக்கும். உங்கள் நிதி வாழ்க்­கையின் திருப்பு முனை­யா­கவும் அமையும். இந்த முயற்­சியை வெற்­றி­க­ரமாக மேற்­கொள்ள, உங்கள் அனு­ப­வங்­களை குறிப்­பேட்டில் எழுதி வைக்­கலாம். கட்­டுப்­பாடு முடிந்த பின், அவற்றை படித்து பார்க்கும் போது, உங்­க­ளுக்கு புதிய புரிதல் உண்­டாகும். இது ஒரு சவா­லான விஷயம் தான். நிதி விரதம் இருப்­பதன் மூலம், உங்கள் நிதி வாழ்க்­கையை பாழாக்கி கொண்­டி­ருக்கும் பழக்­கங்­களை உத­றித்­தள்ளி, உங்கள் நிகர மதிப்பை அதி­க­ரிப்­பதை நோக்கி முன்­னே­றலாம்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 24,2016

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 24,2016

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 24,2016

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 24,2016

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 24,2016

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்