பதிவு செய்த நாள்
29 அக்2016
07:37
டி.வி.எஸ்., மோட்டார் நிகர லாபம் ரூ.177 கோடி நடப்பு நிதியாண்டில், ஜூலை – செப்., வரையிலான இரண்டாவது காலாண்டில், டி.வி.எஸ்., மோட்டார் நிறுவனத்தின் நிகர லாபம், 33 சதவீதம் உயர்ந்து, 177 கோடி ரூபாயாக அதிகரித்து உள்ளது. இது, கடந்த நிதியாண்டின் இதே காலத்தில், 133 கோடி ரூபாயாக இருந்தது. இதே காலத்தில், இந்நிறுவனத்தின் மொத்த வருவாய், 21 சதவீதம் அதிகரித்து, 3,089 கோடியில் இருந்து, 3,726 கோடி ரூபாயாக உயர்ந்துள்ளது. விற்பனை, 2,802 கோடி ரூபாயில் இருந்து, 3,393 கோடி ரூபாயாக அதிகரித்து உள்ளது.
பார்தி ஏர்டெல் நிறுவனம் விற்பனை ரூ.16,432 கோடி பார்தி ஏர்டெல் நிறுவனத்தின் விற்பனை, கடந்த செப்., மாதத்துடன் முடிவடைந்த காலாண்டில், 16,432 கோடி ரூபாயாக அதிகரித்து உள்ளது. இது, கடந்த நிதியாண்டின் இதே காலாண்டில், 14,824 கோடி ரூபாயாக இருந்தது. இதே காலத்தில், இந்நிறுவனத்தின் நிகர லாபம், 46.67 சதவீதம் உயர்ந்து, 2,255 கோடி ரூபாயில் இருந்து, 3,308 கோடி ரூபாயாக அதிகரித்து உள்ளது.
தாபர் இந்தியா நிறுவனம் நிகர லாபம் ரூ.357 கோடி தாபர் இந்தியா நிறுவனம், கடந்த செப்., மாதத்துடன் நிறைவடைந்த காலாண்டில், 357 கோடி ரூபாயை நிகர லாபமாக ஈட்டியுள்ளது. இது, கடந்த நிதியாண்டின் இதே காலாண்டில், 340.25 கோடி ரூபாயாக இருந்தது. இதே காலத்தில், இந்நிறுவனத்தின் விற்பனை, 1,955 கோடி ரூபாயில் இருந்து, 1,976 கோடி ரூபாயாக அதிகரித்து உள்ளது.
ஜே.எஸ்.டபிள்யூ., எனர்ஜி விற்பனை ரூ.2,008 கோடிஜே.எஸ்.டபிள்யூ., எனர்ஜி விற்பனை, கடந்த செப்., மாதத்துடன் முடிவடைந்த காலாண்டில், 2,008 கோடி ரூபாயாக உள்ளது. இது, கடந்த நிதியாண்டின் இதே காலாண்டில், 2,463 கோடி ரூபாயாக இருந்தது. இதே காலத்தில், இந்நிறுவனத்தின் நிகர லாபம், 59.27 சதவீதம் குறைந்து, 534 கோடி ரூபாயில் இருந்து, 217 கோடி ரூபாயாக சரிவடைந்து உள்ளது.
இந்துஸ்தான் யூனிலீவர் லாபம் ரூ.1,095 கோடி இந்துஸ்தான் யூனிலீவர் நிறுவனத்தின் நிகர லாபம், கடந்த செப்., மாதத்துடன் முடிவடைந்த காலாண்டில், 1,096 கோடி ரூபாயாக உள்ளது. இது, கடந்த நிதியாண்டின், இதே காலாண்டில், 982 கோடி ரூபாயாக இருந்தது. இதே காலத்தில், இந்நிறுவனத்தின் விற்பனை, 1.34 சதவீதம் உயர்ந்து, 7,596 கோடி ரூபாயில் இருந்து, 7,697 கோடி ரூபாயாக அதிகரித்து உள்ளது.
எக்சைடு இண்டஸ்ட்ரீஸ் விற்பனை ரூ.1,923 கோடி எக்சைடு இண்டஸ்ட்ரீஸ் நிறுவனத்தின் விற்பனை, கடந்த செப்., மாதத்துடன் முடிவடைந்த காலாண்டில், 1,923 கோடி ரூபாயாக அதிகரித்து உள்ளது. இது, கடந்த நிதியாண்டின் இதே காலாண்டில், 1,744 கோடி ரூபாயாக இருந்தது. இதே காலத்தில், இந்நிறுவனத்தின் நிகர லாபம், 16.92 சதவீதம் அதிகரித்து, 155 கோடி ரூபாயில் இருந்து, 181 கோடி ரூபாயாக உயர்ந்துள்ளது.
லக் ஷ்மி மெஷின் ஒர்க்ஸ் நிகர லாபம் ரூ.37 கோடி லக் ஷ்மி மெஷின் ஒர்க்ஸ், கடந்த செப்., மாதத்துடன் முடிவடைந்த காலாண்டில், 38.92 கோடி ரூபாயை, நிகர லாபமாக ஈட்டியுள்ளது. இது, கடந்த நிதியாண்டின் இதே காலாண்டில், 55.54 கோடி ரூபாயாக இருந்தது. இதே காலத்தில், இந்நிறுவனத்தின் விற்பனை, 14.36 சதவீதம் குறைந்து, 662 கோடி ரூபாயில் இருந்து, 567 கோடி ரூபாயாக சரிவடைந்து உள்ளது.
ஹீரோ மோட்டோகார்ப் விற்பனை ரூ.7,670 கோடிஹீரோ மோட்டோகார்ப், கடந்த செப்., மாதத்துடன் முடிவடைந்த காலாண்டில், 1,004 கோடி ரூபாயை, நிகர லாபமாக ஈட்டியுள்ளது. இது, கடந்த நிதியாண்டின் இதே காலாண்டில், 786 கோடி ரூபாயாக இருந்தது. இதே காலத்தில், இந்நிறுவனத்தின் விற்பனை, 14.20 சதவீதம் உயர்ந்து, 6,716 கோடி ரூபாயில் இருந்து, 7,670 கோடி ரூபாயாக அதிகரித்து உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|