பதிவு செய்த நாள்
30 அக்2016
23:50
பி.பி.எப்., என குறிப்பிடப்படும், ‘பொது சேமநல நிதி’ நீண்ட கால நோக்கிலான முதலீட்டு வாய்ப்பாக கருதப்படுகிறது. ஒருவரின் முதலீட்டு உத்திக்கு நிலையான தன்மையை வழங்குவதோடு நீண்ட கால இலக்குகளை அடையவும் இது உதவுகிறது.
வருமான வரி சட்டத்தின், 80 ‘சி’ பிரிவின் கீழ், பி.பி.எப்., முதலீட்டிற்கு வரிச்சலுகை கோரலாம் என்பதோடு, முதிர்வு காலத்தில் பெறும் தொகையும் வரிச்சலுகை கொண்டது. ஓய்வு கால திட்டமிடலிலும் இது முக்கிய பங்கு வகிக்கிறது. சில ஆண்டுகள் முன்வரை அஞ்சல் அலுவலகங்கள் மற்றும் ஒரு சில வங்கிகளில் மட்டுமே பி.பி.எப்., கணக்கை துவக்கும் வசதி இருந்தது. ஆனால், அண்மை காலத்தில் மேலும் பல பொதுத்துறை மற்றும் தனியார் வங்கிகள் இந்த வசதியை அளிக்கத் துவங்கியுள்ளன. எனவே, ஏதேனும் காரணத்திற்காக பி.பி.எப்., கணக்கை நீங்கள் விரும்பிய வங்கிக்கு மாற்றிக்கொள்ளலாம். சில வங்கிகள் இணையம் மூலம் பணம் செலுத்தும் வசதியை அளிப்பதும் கணக்கை பராமரிக்க எளிதாக அமையும்.
விண்ணப்பம்பி.பி.எப்., கணக்கை மாற்ற தற்போது கணக்கு வைத்துள்ள அஞ்சல் அலுவலகம் அல்லது வங்கியில் மாற்றத்திற்கான கோரிக்கையை சமர்ப்பிக்க வேண்டும். அஞ்சல் அலுவலகம் எனில், இதற்காக எஸ்.பி.-10 (பி) விண்ணப்ப படிவத்தை பூர்த்தி செய்து சமர்ப்பிக்க வேண்டும். கணக்குதாரரிடம் இருந்து கோரிக்கை வந்ததும், வங்கி அல்லது அஞ்சல் அலுவலகம் அதை பரிசீலிக்கும். இதன் பிறகு கணக்கின் மூல ஆவணங்கள், கணக்கு துவக்கிய படிவம், நாமினேஷன் படிவம், மாதிரி கையெழுத்து உள்ளிட்ட ஆவணங்கள் மற்றும் பாஸ்புக் ஆகியவற்றை, கணக்கு மாற்றப்பட உள்ள வங்கி அல்லது அஞ்சல் அலுவலகத்திற்கு அனுப்பி வைக்கும். கணக்கில் உள்ள எஞ்சிய தொகைக்கான காசோலை அல்லது டி.டி.,யையும் அளிக்கும்.
புதிய கணக்குபழைய கணக்கை முடித்துக்கொண்டதற்கான சான்றிதழுடன், புதிய கணக்கு துவங்குவதற்கான படிவம் (பார்ம் ஏ), நாமினேஷன் படிவம் ஆகியவற்றை மூல பாஸ்புக்குடன் சமர்ப்பித்து கணக்கு துவக்கலாம். புதிதாக கே.ஒய்.சி., ஆவணத்தையும் சமர்ப்பிக்க வேண்டும். புதிய கணக்கிற்கு புதிய எண் வழங்கப்பட்டாலும், தொடரும் கணக்காகவே கருதப்படும். எனவே, கணக்கு தொடர்பான அனைத்து வசதிகளையும் பெற முடியும். பணிமாறுதல் உள்ளிட்ட காரணங்களால் வேறு இடங்களுக்கு செல்பவர்கள் தங்கள் இடத்தில் கணக்கை தொடரும் வகையிலும் இந்த மாற்றத்தை பயன்படுத்திக் கொள்ளலாம். இது போன்ற காரணத்தால் கணக்கை தொடராமல் விட்டவர்கள், குறைந்த பட்ச டெபாசிட்டாக, 500 ரூபாய் மற்றும் விடுபட்ட ஆண்டு ஒவ்வொன்றுக்கும் அபராதமாக, 50 ரூபாய் செலுத்தி கணக்கை விரும்பிய இடத்தில் உள்ள வங்கிக்கு மாற்றிக்கொண்டு தொடர்ச்சியான பலனை பெறலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|