பதிவு செய்த நாள்
03 நவ2016
05:20
புதுடில்லி : அதிக அளவிலான கடன் சுமையால், ரியல் எஸ்டேட், கட்டுமானம் உள்ளிட்ட துறைகளின் வளர்ச்சி பாதிக்கப்பட்டுள்ளது. இதையொட்டி, அதிக கடன் சுமை உள்ள துறைகளை கண்டறிந்து, பிரத்யேக ஊக்குவிப்பு திட்டம் மூலம், அவற்றை வளர்ச்சிப் பாதைக்கு அழைத்துச் செல்ல, மத்திய அரசு முடிவு செய்துள்ளது.
ரியல் எஸ்டேட் மற்றும் கட்டுமான துறைகளில், முடங்கியுள்ள திட்டங்களை உயிர்ப்பிக்கவும், கடன் பிரச்னைக்கு விரைந்து தீர்வு காணும் நோக்கில் விதிமுறைகளை தளர்த்தவும், பணப் புழக்கத்தை அதிகரிக்கவும் உரிய நடவடிக்கைகள் எடுக்க, மத்திய அமைச்சரவைக் குழு, ஏற்கனவே ஒப்புதல் அளித்துள்ளது.
நிவாரணம்அதைத் தொடர்ந்து, ரிசர்வ் வங்கி, அதிக கடன் சுமையுள்ள துறைகளின் நிவாரணம் குறித்து ஆய்வு மேற்கொண்டது; இப்பணிகள் தற்போது முடிவடைந்து, அடுத்த, 8 – 10 நாட்களில், ரியல் எஸ்டேட், கட்டுமானம் ஆகிய துறைகளுக்கான ஊக்குவிப்பு திட்டத்தை, ரிசர்வ் வங்கி அறிவிக்க உள்ளதாக தகவல் வெளியாகிஉள்ளது. இத்திட்டத்தின் கீழ், ரியல் எஸ்டேட், கட்டுமானம் உட்பட, கடன் சுமை அதிகம் உள்ள துறைகளைச் சேர்ந்த நிறுவனங்களுக்கு, ஒரே தவணையில், கடனை திரும்பச் செலுத்தும் சலுகை வழங்கப்படும் என, தெரிகிறது.
கடனை திரும்பச் செலுத்துவதற்கான காலவரம்பில் சலுகை, புதிய கடன் பெறுவதற்கான முன்வைப்புத் தொகை வரம்பை குறைப்பது உள்ளிட்ட அம்சங்கள் இத்திட்டத்தில் இடம் பெறும் என, எதிர்பார்க்கப்படுகிறது.
தயக்கம்வங்கிகள், கட்டுமான துறைக்கு, 3 லட்சம் கோடி ரூபாய் அளவிற்கு கடன் வழங்கியுள்ளன. அவற்றில், 45 சதவீதம், அதாவது, 1.35 லட்சம் கோடி ரூபாய், இடர்பாடுடைய வாராகடன்கள் பிரிவில் உள்ளன. இதனால், வங்கிகளின் சொத்து மதிப்பு பாதிக்கப்பட்டுள்ளது. இதன் காரணமாக, வங்கிகள், கட்டுமான திட்டங்களுக்கு கடன் தரத் தயங்குகின்றன. இதுவும், கட்டுமான துறை வளர்ச்சியை பாதித்துள்ளது. ரிசர்வ் வங்கி அறிவிக்க உள்ள திட்டம் மூலம், கட்டுமானம், ரியல் எஸ்டேட் உள்ளிட்ட துறைகள் எழுச்சி காணும் என, எதிர்பார்க்கப்படுகிறது.
‛பொது துறை வங்கிகளின் மொத்த வாராக்கடன், கடந்த, 2015 – 16ம் நிதியாண்டில், 4.76 லட்சம் கோடி ரூபாயாக உயர்ந்துள்ளது. இது, 2014 – 15ம் நிதியாண்டில், 2.67 லட்சம் கோடி ரூபாயாக இருந்தது. ’
‛அனைத்து புதிய கட்டுமான திட்டங்களையும், பிரச்னையின்றி சுலபமாக மேற்கொள்வதற்கு, வழிகாட்டு மையம் அமைக்க, மத்திய அரசு திட்டமிட்டுள்ளது.’
மேலும் பொது செய்திகள்
|
Advertisement
|
Advertisement
|
Advertisement
|
|
|
|