பதிவு செய்த நாள்
05 டிச2016
01:20
ஸ்மார்ட்போன் மூலம், வங்கி கணக்கில் இருந்து பண பரிவர்த்தனை செய்ய, யுனைடெட் பேமன்ட்ஸ் இன்டர்பேஸ் எனப்படும், யு.பி.ஐ., வசதி வழி செய்கிறது. நேஷனல் பேமன்ட் கார்ப்பரேஷனால் உருவாக்கப்பட்ட இந்த வசதியை, பல்வேறு முன்னணி வங்கிகள் வழங்கி வருகின்றன. அண்மையில் ஸ்டேட் வங்கியும் இதற்கான செயலியை அறிமுகம் செய்துள்ளது.
இந்த வசதியை பயன்படுத்த ஆண்ட்ராய்டு போன், வங்கி கணக்கு மற்றும் வங்கி கணக்குடன் பதிவு செய்யப்பட்ட மொபைல் எண் தேவை. முதலில் யு.பி.ஐ., செயலியை கூகுள் பிளே ஸ்டோரில் இருந்து தரவிறக்கம் செய்து கொள்ள வேண்டும். பிளே ஸ்டோர் மற்றும் வங்கிகளின் அதிகாரப்பூர்வ தளங்களில் இருந்து மட்டுமே தரவிறக்கம் செய்ய வேண்டியது அவசியம்.
விர்ச்சுவல் ஐ.டி.,செயலியை போனில் நிறுவியதும், உங்கள் பெயர் உள்ளிட்ட விபரங்களை சமர்ப்பித்து, ஆறு இலக்க பாஸ்கோடை உருவாக்கி கொள்ள வேண்டும். பதிவு செய்து கொண்ட பின், உங்கள் வங்கி கணக்கு விபரத்தை தெரிவிக்க வேண்டும். அதன் பின் உங்களுக்கான விர்ச்சுவல் அடையாளத்தை உருவாக்கி கொள்ள வேண்டும்.
இ – மெயில் முகவரி போன்ற இந்த அடையாளத்தை கொண்டு பரிவர்த்தனைகளை மேற்கொள்ளலாம். இதற்காக, வங்கி கணக்கு எண்ணின் கடைசி நான்கு இலக்கங்கள் கொண்ட கட்டம் தோன்றும். அதன் மூலம் உங்களுக்கான அடையாளத்தை உருவாக்கி கொள்ளலாம். இது ஒவ்வொரு வங்கி செயலிக்கும் சிறிது மாறுபடலாம். விர்ச்சுவல் அடையாளத்தை எப்படி அமைத்துக் கொள்வது என்பது உங்கள் விருப்பம்.
ரகசிய எண்
அடுத்த கட்டமாக உங்களுக்கான மொபைல் பின் எண்ணை உருவாக்கி கொள்ள வேண்டும். இதற்காக டெபிட் கார்டு எண்ணை சமர்ப்பிக்க வேண்டும். கார்டு விபரத்தை அளிக்க விரும்பவில்லை எனில், ஒரு முறை பாஸ்வேர்டு கோரலாம். இதன் மூலன் பின் எண்ணை உருவாக்கி கொள்ளலாம். இதன் பின் பரிவர்த்தனைகளை மேற்கொள்ளலாம். ஆதார் எண்ணை இணைக்கும் வசதியும் இருக்கிறது.
இந்த செயலி மூலம், வங்கி கணக்கில் இருந்து பணம் அனுப்பலாம். பணம் பெறலாம். செயலியில் உள்ள பணம் அனுப்ப, பணம் கோர போன்ற கட்டளைகளை இதற்காக பயன்படுத்திக் கொள்ளலாம். ஒவ்வொரு பரிவர்த்தனையையும் பின் எண்ணை மொபைலி உள்ளீடு செய்வதன் மூலமே நிறைவேற்றிக் கொள்ள முடியும். தொழில்நுட்ப கோளாறால், பரிவர்த்தனை தோல்வியில் முடிந்தால் பணம் உடனே கணக்கில் திரும்பி சேர்ந்துவிடும்.
எந்த வங்கி கணக்கை வேண்டுமானாலும் இதில் இணைக்க முடியும். உங்கள் கணக்கு இல்லாத வங்கியின் யு.பி.ஐ., செயலியை தரவிறக்கம் செய்து, உறுப்பினராகி, அதில் உங்கள் கணக்கை இணைத்துக் கொள்ளும் வசதி இருக்கிறது. அதே போல எத்தனை வங்கி கணக்கையும் இணைக்கலாம். நாள் ஒன்றுக்கு 20 பரிவர்த்தனைகள் மேற்கொள்ளலாம். எனினும், ஒரு லட்சம் உச்சவரம்பு உண்டு.
மேலும் பொது செய்திகள்
|
Advertisement
|
Advertisement
|
Advertisement
|
|
|
|