பதிவு செய்த நாள்
03 ஜன2017
00:08
புதுடில்லி : கார்கள் உற்பத்தி மற்றும் விற்பனையில் முன்னணியில் உள்ள, மாருதி சுசூகியின், டிச., மாத விற்பனை சரிவை சந்தித்துள்ளது.
மாருதி சுசூகி நிறுவனம், கடந்த மாதம், 1.17 லட்சம் கார்களை விற்பனை செய்துள்ளது. இது, முந்தைய ஆண்டின் இதே காலத்தில், 1.19 லட்சமாக அதிகரித்து இருந்தது. குறிப்பாக, உள்நாட்டில் விற்பனை செய்த கார்கள், 4.4 சதவீதம் குறைந்து, 1.11 லட்சத்தில் இருந்து, 1.06 லட்சமாக சரிவடைந்து உள்ளது. இதே காலத்தில், சிறிய வகையைச் சேர்ந்த, ஆல்டோ, வேகன் ஆர் ஆகிய மாடல் கார்கள் விற்பனை, 15.3 சதவீதம் சரிவடைந்து, 37 ஆயிரத்து, 234 கார்களில் இருந்து, 31 ஆயிரத்து, 527 ஆக குறைந்துள்ளது. ஆம்னி, ஈகோ மாடல் கார் விற்பனை, 11 ஆயிரத்து, 122ல் இருந்து, 9,224 ஆக குறைந்துள்ளது.
ஸ்விப்ட், எஸ்டிலோ, ரிட்ஸ், டிசையர், பலேனோ மாடல் கார்கள் விற்பனை, 47 ஆயிரத்து, 354ல் இருந்து, 43 ஆயிரத்து, 295 கார்களாக சரிவடைந்து உள்ளது. அதே சமயம், சியாஸ் மாடல் கார் விற்பனை, 30.6 சதவீதம் உயர்ந்து, 3,711 ஆக அதிகரித்துள்ளது. ஜிப்சி, கிராண்ட் விட்டாரா, எர்டிகா, எஸ் கிராஸ், விட்டாரா பிரெஸ்ஸா ஆகிய மாடல் கார்கள் விற்பனை, 75.3 சதவீதம் அதிகரித்து, 9,168ல் இருந்து, 16 ஆயிரத்து, 072 ஆக உயர்ந்துள்ளது. மாருதி நிறுவனம், கடந்த மாதம், 11 ஆயிரத்து, 494 கார்களை ஏற்றுமதி செய்துள்ளது. இது, முந்தைய ஆண்டின் இதே காலத்தில், 7,816 ஆக இருந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|