பதிவு செய்த நாள்
08 ஜன2017
02:18
பெங்களூரு:‘இந்திய பெயின்ட் சந்தையின் மதிப்பு, 2014 – 15ம் நிதியாண்டில், 40,300 கோடி ரூபாயாக இருந்தது; இது, 2019 – 20ம் நிதியாண்டில், 70,875 கோடி ரூபாயாக உயரும்’ என, ஐ.பி.ஏ., எனப்படும், இந்திய பெயின்ட் உற்பத்தியாளர்கள் கூட்டமைப்பு தெரிவித்துள்ளது. இக்கூட்டமைப்பின், 28வது ஆண்டு மாநாடு, பெங்களூரில் துவங்கியது. இதில், இந்திய பெயின்ட் துறை குறித்து, நீல்சன் கார்ப்பரேஷன் நிறுவனம் தயாரித்த ஆய்வறிக்கை சமர்ப்பிக்கப்பட உள்ளது.
வளர்ச்சி:
இந்த அறிக்கை குறித்து, ஐ.பி.ஏ., தலைவர் ஜலாஜ் தனி, செய்தியாளர்களிடம் பேசியதாவது:இந்தியாவில், பெயின்ட் துறை மிக வேகமாக வளர்ச்சி கண்டு வருகிறது. கடந்த, 2014 – 15ம் நிதியாண்டு நிலவரப்படி, வீடு, கட்டடங்கள், வணிக வளாகங்கள் உள்ளிட்டவற்றுக்கான அலங்கார பெயின்ட் சந்தையின் மதிப்பு, 30,385 கோடி ரூபாயாக உள்ளது.
இதே காலத்தில், தொழிற்சாலைகளில் பயன்படுத்தும் பெயின்ட் சந்தையின் மதிப்பு, 9,915 கோடி ரூபாய் என்றளவில் இருந்தது.அலங்காரம் மற்றும் தொழிற்சாலை பெயின்ட் சந்தைகள் முறையே, ஆண்டுக்கு சராசரியாக, 12.7 சதவீதம் மற்றும் 9.5 சதவீதம் என்றளவில் வளர்ச்சி காணும் என, மதிப்பிடப்பட்டு உள்ளது. ஒட்டுமொத்த பெயின்ட் சந்தை, 2011 – 12 முதல், 2014 – 15ம் நிதியாண்டுகள் வரை, ஆண்டுக்கு சராசரியாக, 12.9 சதவீதம் வளர்ச்சி கண்டுள்ளது.கடந்த, 2014 – 15ம் நிதியாண்டில், இந்தியாவில் தனிநபர் பெயின்ட் பயன்பாடு, 3.34 கிலோ என்றளவில் இருந்தது.
சவால்அலங்கார பெயின்ட்டுகளில், வெளிப்புறம் மற்றும் உட்புறத்திற்கான, ‘எமல்ஷன்’ பெயின்ட் பிரிவின் வளர்ச்சி சிறப்பாக உள்ளது. அது போல, தொழிற்சாலை பிரிவில், வாகனங்களுக்கான பெயின்ட் மற்றும் வண்ணப் பவுடர் பூச்சு பிரிவுகள், நல்ல வளர்ச்சியை கண்டு வருகின்றன.பெயின்ட் துறையின் வேகமான வளர்ச்சிக்கு ஈடு கொடுக்கும் வகையில், திறமையான பணியாளர்கள் கிடைப்பது சவாலாக உள்ளது.
இந்த பிரச்னையை சமாளிக்க, அடுத்த மூன்று ஆண்டுகளில், பெயின்ட் துறையில், மூன்று லட்சம் பேருக்கு பயிற்சி அளிக்க முடிவு செய்யப்பட்டு உள்ளது. இதற்காக, மத்திய அரசின் தேசிய திறன் மேம்பாட்டு கழகத்துடன், ஐ.பி.ஏ., ஒப்பந்தம் செய்து கொண்டுள்ளது. இக்கழகம், பெயின்ட் துறைக்கு தேவையான திறன் பயிற்சியை பணியாளர்களுக்கு வழங்கும். இதன் மூலம், பெயின்ட் துறையில், திறனுள்ள பணியாளர்களுக்கான தேவை, குறிப்பிடத்தக்க அளவிற்கு பூர்த்தியாகும் என, எதிர்பார்க்கப்படுகிறது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|