பதிவு செய்த நாள்
14 ஜன2017
03:44
புதுடில்லி:தொழில் துறை உற்பத்தி, 2016 நவம்பரில், முந்தைய நான்கு ஆண்டுகளில் இல்லாத அளவிற்கு, 5.7 சதவீதமாக வளர்ச்சி பெற்றுள்ளது; இது, 2015 நவம்பரில், 3.7 சதவீதம் பின்னடைவைக் கண்டிருந்தது. கடந்த, 2012 அக்டோபரில், தொழில் துறை உற்பத்தி, அதிகபட்சமாக, 8.4 சதவீதம் வளர்ச்சி கண்டிருந்தது. ‘பண மதிப்பு நீக்க நடவடிக்கையின் தாக்கம், நவம்பரில் எதிரொலிக்கவில்லை என்பதையே, இந்த வளர்ச்சி காட்டுகிறது’ என, ஆய்வாளர்கள் தெரிவித்துள்ளனர்.
மதிப்பீட்டு மாதத்தில், தயாரிப்பு, மின்சாரம் ஆகிய துறைகள், முறையே, 5.5 சதவீதம் மற்றும் 8.9 சதவீதம் உற்பத்தி வளர்ச்சியை கண்டுள்ளன. சுரங்கத் துறையின் உற்பத்தி, 3.9 சதவீதம் வளர்ச்சி கண்டுள்ளது; இது, முந்தைய அக்டோபரில், 1.07 சதவீதம் பின்னடைவில் இருந்தது. மின் துறையின் உற்பத்தி அதிகரித்ததால், ஒட்டுமொத்த தொழில் துறையின் உற்பத்தி வளர்ச்சி அதிகரித்துள்ளது. கடந்த இரண்டரை ஆண்டுகளில் இல்லாத அளவிற்கு, நுகர்வோர் விலை அடிப்படையிலான சில்லரை பணவீக்கம், 2016 டிசம்பரில், 3.41 சதவீதமாக குறைந்துள்ளது; இது, நவம்பரில், 3.63 சதவீதமாக இருந்தது.
கடந்த, 2014 மற்றும் 2015 டிச., மாதங்களில், சில்லரை விலை பணவீக்கம், முறையே, 3.27 சதவீதம் மற்றும் 5.61 சதவீதம் என்றஅளவில் இருந்தது. பண மதிப்பு நீக்க நடவடிக்கை, பழங்கள், காய்கறிகள் ஆகியவற்றின் வரத்து அதிகரிப்பு போன்றவற்றால், மதிப்பீட்டு மாதத்தில், உணவுப் பொருட்களின் விலை குறைந்துள்ளது. இதன் விளைவாக, சில்லரை விலை பணவீக்கம் குறைந்துள்ளது என, ஆய்வாளர்கள் தெரிவித்து உள்ளனர்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|