பதிவு செய்த நாள்
16 ஜன2017
03:03
முதலீடுகளின் செயல்பாட்டை ஆய்வு செய்து, அவற்றில் மாற்றம் தேவையா என, தீர்மானிக்க ஆண்டின் துவக்கம் சரியான தருணம்.
சரியான நிதி சாதனங்களை தேர்வு செய்து முதலீடு செய்வதோடு நின்றுவிடக்கூடாது. முதலீட்டின் செயல்பாடு குறித்து அவ்வப்போது பரிசீலனை செய்வது அவசியம். அப்போது தான் முதலீட்டின் பலன் இலக்குகளுக்கு ஏற்ப அமைந்திருக்கிறதா என கண்டறிய முடியும். இதற்கான ஏற்ற தருமணமாக புத்தாண்டு அமைகிறது. ஆண்டின் துவக்கத்தில் கடந்த ஆண்டு செயல்பாட்டை ஆய்வு செய்வதன் மூலம், முதலீட்டு உத்திகளில் மாற்றம் தேவையா என்றும், மேலும் மேம்படுத்திக்கொள்ள முடியுமா என்றும் அறிந்து கொண்டு அதற்கேற்ப திட்டமிடலாம்.
முதலீடு மற்றும் நிதி செயல்பாடுகளை பரிசீலனை செய்வதை நிதி இலக்குகளில் இருந்து துவங்கலாம். உங்களுக்கு என நிதி இலக்குகளை வகுத்திக்கொண்டிருந்தால் அவை குறித்து பரிசீலிக்கவும். நீண்ட கால இலக்குடன் மேலும் சில குறுகிய கால இலக்குகளை சேர்க்க வேண்டுமா என யோசியுங்கள். இலக்குகளை ஆய்வு செய்த பிறகு, முதலீடுகளின் செயல்பாடு அவற்றுக்கு ஏற்ப இருக்கின்றனவா என பார்க்க வேண்டும். இலக்குகளுக்கு அளிக்க வேண்டிய முன்னுரிமை குறித்தும் யோசிக்க வேண்டும். உங்களிடம் உள்ள வளங்கள் சரியான முறையில் முதலீடு செய்யப்பட்டிருப்பதை உறுதி செய்து கொள்ள இது உதவும்.
சேமிப்புஉங்கள் இலக்குகளுக்கான சேமிப்பு சாத்தியமாக வேண்டும் என்றால் உங்களுக்கு என பட்ஜெட் மிகவும் அவசியம். உங்கள் வரவு செலவுகளை ஆய்வு செய்யுங்கள். சேமிப்பு இலக்கிற்கு ஏற்ப செலவுகளை மாற்றி அமைக்க வேண்டிய தேவை இருக்கிறதா என பாருங்கள். இதுவரை உங்களுக்கென பட்ஜெட் இல்லாவிட்டால், அதை வகுத்துக்கொள்ள இது சரியான தருணம்.
கடனில் கவனம்சேமிப்புக்கு அடுத்தபடியாக கடன் நிர்வாகத்தில் கவனம் செலுத்த வேண்டும். நீங்கள் பெற்றுள்ள கடன்களை ஆய்வு செய்யுங்கள். கடன் சுமையை குறைப்பது தான் உங்கள் இலக்காக இருக்க வேண்டும். மேலும், கடனை அதிகமாக்குவது நல்லதல்ல. கடன்களுக்காக நீங்கள் செலுத்த வேண்டிய தொகை வருவாயில், 40 சதவீதத்திற்கு மிகாமல் இருப்பது நல்லது.
காப்பீடுஎந்த நிதி திட்டமிடலும் காப்பீடு இல்லாமல் நிறைவு பெறுவதில்லை. ஆயுள் காப்பீடு என்பது உங்கள் தற்போதைய வருவாய், செலவு மற்றும் இலக்குகளுக்கு ஏற்ப இருக்க வேண்டும். எனவே, ஆயுள் காப்பீட்டு நிலையை அவ்வப்போது ஆய்வு செய்வது அவசியம். போதுமான காப்பீடு இருக்கிறதா என உறுதி செய்து கொள்ள வேண்டும். மருத்துவ காப்பீட்டிலும் கவனம் தேவை. வீட்டு காப்பீடு போன்றவற்றையும் பரிசீலிக்க வேண்டும்.
அவசர கால நிதிஉங்களிடம் எப்போதும் நெருக்கடிகளை சமாளிப்பதற்கான அவசர கால நிதி இருப்பது அவசியம். மூன்று முதல் ஆறு மாதங்களுக்கான அடிப்படை தேவைகளை சமாளிக்க கூடிய நிதி கைவசம் இருப்பதையே இவ்வாறு குறிப்பிடுகின்றனர். உங்கள் செலவுகள் மற்றும் பொறுப்புகளுக்கு ஏற்ப இந்த நிதி போதுமானதா என ஆய்வு செய்வது நல்லது.
முதலீடு ஆய்வுநீங்கள் செய்துள்ள முதலீட்டின் பலன்கள் குறித்தும் ஆய்வு செய்ய வேண்டும். அவற்றின் செயல்பாடு நிதி இலக்குகளுக்கு ஏற்ப அமைந்துள்ளதா என பார்த்து மாற்றம் அல்லது மேம்பாடு தேவையா என தீர்மானிக்கவும். ஏதேனும் போதாமை இருந்தால் அவற்றை சரி செய்யும் வழிகளை நாட வேண்டும்.
ஆவணங்கள்நிதி விஷயங்கள் தொடர்பான ஆவணங்கள் அனைத்தும் ஓரிடத்தில் இருப்பது நல்லது. சொத்து பத்திரங்கள், காப்பீடு பாலிசிகள், வங்கி கணக்கு அறிக்கை, வரிச் சான்றிதழ்கள், பில்கள் இவற்றில் அடங்கும். தேவையில்லாத பில்கள் மற்றும் காலாவதியான அறிக்கைகளை அகற்றி விடலாம். இதன் மூலம் குழப்பத்தை குறைக்கலாம். முடிந்தால் இவற்றை டிஜிட்டல் மயமாக்கி பராமரிக்கலாம். இதற்கு அரசின், ‘டிஜி லாக்கர்’ வசதியையும் பயன்படுத்திக்கொள்ளலாம். முதலீடுகளுக்கான நாமினி நியமனம் போன்றவை குறித்தும் ஆய்வு செய்யுங்கள். ஆண்டு துவக்கத்தில் நிதி ஆய்வு மேற்கொண்டு, அதற்கேற்ப மாற்றங்களை செய்து சரியாக திட்டமிட்டால், நிதி இலக்கை நோக்கி தடையில்லாமல் முன்னேறலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|