பதிவு செய்த நாள்
27 ஜன2017
04:23
புதுடில்லி : கிராம்ப்டன் கிரீவ்ஸ் நிறுவனம் வெளியிட்டுள்ள அறிக்கை: நிறுவனத்தின் பெயரை மாற்ற, பெரும்பான்மையான பங்கு முதலீட்டாளர்கள் ஆதரவு அளித்துள்ளனர். அவர்கள் தங்களது ஒப்புதலை நேரடியாகவும், தபால் மற்றும் வலைதளம் மூலமாகவும் தெரிவித்துள்ளனர். இதன் மூலம், கிராம்ப்டன் கிரீவ்ஸ் நிறுவனத் தின் பெயர், சி.ஜி., பவர் அண்ட் இண்டஸ்டிரியல் சொல்யுசன்ஸ் என, மாற்றப்பட்டு உள்ளது. இவ்வாறு அதில் கூறப்பட்டுள்ளது.
கிராம்ப்டன் கிரீவ்ஸ் நிறுவனம், 1937 ஏப்., 27ல், ‘கிராம்ப்டன் பர்கின்சன் ஒர்க்ஸ் பிரைவேட் லிமிடெட் ’ என்ற பெயரில் துவங்கப்பட்டது. இந்நிறுவனம், பொதுத் துறை நிறுவனமாக, 1960 டிச., 28ல் மாறியதுடன், தன் பெயரை, ‘கிராம்ப்டன் பர்கின்சன் ஒர்க்ஸ்’ என, அப்போது மாற்றிக் கொண்டது. இதையடுத்து, 1966 ஆக., 2ல், ‘கிராம்ப்டன் கிரீவ்ஸ்' என, மீண்டும் பெயர் மாற்றம் செய்யப்பட்டது. இந்நிறுவனம், பெரிய நிறுவனங்களுக்கு மின் வினியோக சாதனங்களையும், நுகர்வோருக்கு, மின்விசிறி உள்ளிட்ட மின் சாதனங்களையும் தயாரித்து, விற்பனை செய்து வருகிறது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|