போஸ்டன் : அமெரிக்காவின் மெரிலாண்ட் மாகாணத்தில் உள்ள போஸ்டன் பகுதியில் இந்திய பாரம்பரிய உணவு வகைகளை ருசித்து மகிழ்வதற்காக பிரத்யேக உணவகம் ஒன்று திறக்கப்பட்டுள்ளது. 6800 சதுரடி நிலப்பரப்பில் அமைந்துள்ள இந்த இந்திய உணவகம், இயற்கை எழில் சூழ்ந்த, இதமான உணர்வை ஏற்படுத்தும் வகையில் வடிவமைக்கப்பட்டுள்ளது.
உணவகத்தின் சிறப்புக்கள் : "தரணி வோபர்ன்" என பெயரிடப்பட்டுள்ள இந்த உணவகத்தில், திருமண வரவேற்பு, பிறந்தநாள் நிகழ்ச்சிகள், குடும்ப நிகழ்ச்சிகள், சமூக விழாக்கள் உள்ளிட்டவைகளை நடத்தும் வகையில் அரங்க வசதியும் உள்ளது. பாரம்பரிய கலைகளை உணர்த்தும் வகையில், உணவகம் முழுவதும் அலங்கரிக்கப்பட்டுள்ளது. பாரம்பரிய உணவுகள் அதன் சுவை மாறாமல் வழங்கப்படுவது இந்த உணவகத்தின் தனிச்சிறப்பாகும். இந்த உணவகத்தில் உள்ள ஒவ்வொரு உணவும் ஆத்மார்த்த உணர்வை ஏற்படுத்தும் விதமாக உள்ளது. சிக்கன் தம் பிரியாணியும், அதனுடன் வழங்கப்படும் கறி சுக்காவும் பாரம்பரியமும், நவீன சமையல் நுணுக்கங்களும் கலந்ததாக உள்ளது.
சிக்கன் தம் பிரியாணி, ஆந்திரா குதி வன்கயா, 18 வகையான தோசைகள் உள்ளிட்ட 50 க்கும் மேற்பட்ட உணவு வகைகள் இந்த உணவகத்தில் கிடைக்கிறது. இது தவிர பண்டிகை, சிறப்பு தினங்கள் உள்ளிட்டவைகளுக்கு ஏற்ப சிறப்பு உணவு வகைகளும் தயார் செய்து வழங்கப்படுகின்றன. தரணி உணவகத்தில் மதியம் மற்றும் இரவு உணவு வாரத்தின் அனைத்து நாட்களிலும் கிடைக்கும். தொலைப்பேசி மற்றும் இமெயில் மூலம் தொடர்பு கொண்டு உணவகம் குறித்த விபரங்களை தெரிந்து கொள்ளும் வசதியும் செய்யப்பட்டுள்ளது.
உணவகத்தின் முகவரி : DHARANI WOBURN474 Main St, Woburn, MA 01801Phone: (781) 277-6707 Email: woburn.ma@dharanius.comWebsite: www.dharanius.com/woburn/Facebook: www.facebook.com/woburndharani/