பதிவு செய்த நாள்
23 பிப்2017
20:38
மும்பை : ஸ்பெயின் நாட்டைச் சேர்ந்த, மேங்கோ நிறுவனம், உலகளவில், ஆயத்த ஆடைகள், அலங்கார பொருட்கள் உள்ளிட்டவற்றின் விற்பனையில் ஈடுபட்டு வருகிறது.
இந்நிறுவனம், இந்தியாவில் உள்ள, அதன் பிரத்யேக, ‘மேங்கோ’ பிராண்டு விற்பனை மையங்களை நிர்வகிப்பதற்கான உரிமையை, வலைதள நிறுவனமான, ‘மைந்த்ரா’வுக்கு வழங்கியுள்ளது. அத்துடன், இந்தியாவில், மேங்கோ நிறுவன வலைதளம் வாயிலான விற்பனையை நிர்வகிப்பதற்கான உரிமையும், மைந்த்ரா நிறுவனத்திற்கு கிடைத்துள்ளது. இது தொடர்பாக, இரு நிறுவனங்களுக்கும் இடையே ஒப்பந்தம் கையெழுத்தாகி உள்ளது.
பெங்களூரைச் சேர்ந்த, மைந்த்ரா நிறுவனம், வலைதளம் வாயிலாக, ஆடைகள், காலணிகள், அலங்கார சாதனங்கள் உள்ளிட்ட, பல்வேறு பொருட்களின் விற்பனையில் ஈடுபட்டு வருகிறது. மேங்கோ பிராண்டு ஒப்பந்தம் மூலம், இந்தியாவில், முதன்முதலாக, வலைதள நிறுவனமொன்று, விற்பனை மையங்களையும் நிர்வகிக்கும் சிறப்பை, மைந்த்ரா பெற்றுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|