பதிவு செய்த நாள்
03 ஏப்2017
00:50
நீங்கள் செய்யும் முதலீடு, மிகச்சிறந்த பலனை அளிக்க வேண்டும் என்றால், அவை உங்களுக்கு ஏற்றதாக இருக்க வேண்டும். இதை உறுதி செய்து கொள்ள முதலீடு செய்யத் துவங்கும் முன், உங்களை பற்றியும், உங்கள் நிலை பற்றியும், அடிப்படையான சில தகவல்களை தெரிந்து கொண்டு செயல்பட வேண்டும். இதற்கு, உங்களை நீங்களே கேட்டுக் கொள்ள வேண்டிய சில கேள்விகள்:
இலக்கு என்ன?* உங்கள் தனிப்பட்ட இலக்குகள் மற்றும் கனவுகள் என்ன என, கேட்டுக் கொள்ளுங்கள் * இலக்குகளும், கனவுகளுமே எந்த வகையான முதலீடுகளை தேர்வு செய்ய வேண்டும் என, தீர்மானிக்கின்றன. உதாரணத்திற்கு, 20 ஆண்டுகளுக்கு பின், உங்கள் குடும்பத்திற்கு நிலையான வருமானம் வர வேண்டும் என நினைத்தால், அதற்கேற்ற நீண்ட கால முதலீட்டை நாட வேண்டும்* இந்த கேள்விக்கான பதில்கள் மூலம், உங்களுக்கான முதலீட்டு சாதனங்கள் மற்றும் அதற்கு எவ்வளவு சேமிக்க வேண்டும் என, தீர்மானிக்கலாம்.
எத்தனை பேர்?* உங்களை சார்ந்திருப்பது எத்தனை பேர்?* சேமிப்பும், முதலீடும் எதிர்கால நலனுக்கானது தானே! எனவே, முதலீட்டின் அளவை தீர்மானிப்பதில், குடும்பம் முக்கிய பங்கு வகிக்கிறது. அதாவது, உங்களை எத்தனை பேர் சார்ந்திருக்கின்றனர் என்பதற்கு ஏற்ப, முதலீடு அமைய வேண்டும்* படிக்கும் வயதில் பிள்ளைகள் இருந்தால், உங்களுக்கு டெர்ம் இன்சூரன்ஸ் பாதுகாப்பு அவசியம். வயதான பெற்றோர் இருந்தால், மருத்துவ காப்பீடு அவசியம்.
வருமானம் என்ன?* நீங்கள் எவ்வளவு சம்பாதிக்கிறீர்கள் என்பதும், அதில் எவ்வளவு தொகை அத்தியாவசிய தேவைக்காக செல்கிறது என்பதும் முக்கியமானது* வருமானம் தான் உங்கள் செலவுகளையும், சேமிப்பையும் தீர்மானிக்கிறது. வருமானத்திற்கும், செலவுகளுக்குமான இடைவெளி அதிகம் இருந்தால், உங்களால் அதிகம் சேமிக்க முடியும்* உங்களால் எவ்வளவு சேமிக்க முடியும் என தெரிந்தவுடன், அதை செயல்படுத்த வேண்டும். போதுமானதாக இல்லையெனில், சேமிப்பை அதிகரிக்கும் வழிகளை தேட வேண்டும்.
சீரான வருமானமா?* உங்கள் வருமானம் சீரானதா அல்லது ஏற்ற, இறக்கம் கொண்டதா என்பதும் முக்கியமானது* சீரான வருமானம் அதாவது, மாதச்சம்பளம் பெறுபவர் எனில், திட்டமிட்டபடி குறிப்பிட்ட தொகையை சேமித்து முதலீடு செய்யலாம். ‘ப்ரீலான்சர்’ போன்றவர் எனில், வருமானத்தில் ஏற்ற, இறக்கம் நிலவலாம் * ப்ரீலான்சர் அல்லது சுய தொழில் செய்பவர் எனில், முதலில் அவசரத் தேவைக்கான நிதியை உருவாக்குவதில் கவனம் செலுத்த வேண்டும்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|