பதிவு செய்த நாள்
03 ஏப்2017
00:52
கச்சா எண்ணெய்
கடந்த வாரம், எண்ணெய் விலை, 7.24 சதவீதம் உயர்ந்து, ஒரு பீப்பாய், 50 டாலரை கடந்து வர்த்தகம்ஆனது. இது, அதற்கு முந்தைய இரு வாரங்களின் வியாபாரத்தை விட, அதிகபட்ச விலையாகும். கடந்த மூன்று வாரங்களாக, ஒரு பீப்பாய் கச்சா எண்ணெய், 47 டாலர் என்ற அளவிற்கு குறையாமல் வர்த்தகமானது குறிப்பிடத்தக்கது.கடந்த மார்ச், 23ல், குவைத்தில் நடைபெற்ற, ஒபெக் மற்றும் நான் ஒபெக் அமைப்புகளின் கூட்டத்தில், உற்பத்தி அளவினை குறைத்து, விலையேற்றத்தை அதிகரிக்கும் செயலுக்கு, அனைத்து நாடுகளும் உறுதி அளித்தன.ஒபெக்கில், 11 நாடுகளும், நான் ஒபெக்கில், மிகப்பெரிய நாடான ரஷ்யாவும், உற்பத்தி குறைப்பு நடவடிக்கையை மேற்கொண்டது, கடந்த, 15 ஆண்டுகளில் இல்லாத ஒரு செயலாகும். தற்போது, மொத்த உற்பத்தி, 1.8 மில்லியன் குறைவாக உற்பத்தி செய்யப்படுகிறது. அமெரிக்க பொருளாதாரத்தில் ஏற்பட்ட மாற்றங்களால், கடந்த வாரம் வெளிவந்த, இ.ஐ.ஏ., கச்சா எண்ணெய் இருப்பு விபரம் எதிர்பார்த்த அளவை விட, குறைவாக உயர்ந்தது. அதாவது, 1.4 மில்லியன் பீப்பாய் உயரும் என, எதிர்பார்க்கப்பட்டது. ஆனால், 8,67,000 பீப்பாய்களே உயர்ந்து, மொத்த இருப்பு, 533.98 மில்லியின் பேரல்களாக ஆனது. வரும் நாட்களில், கச்சா எண்ணெய் விலைக்கு, 51.50 டாலர் என்ற அளவில் ரெசிஸ்டென்ட் உள்ளது. அதை கடந்து வர்த்தகமானால், இது மீண்டும் உயரக்கூடும் என, எதிர்பார்க்கப்படுகிறது. மேலும், சப்போர்ட் விலையாக, 49.50 டாலர் இருக்கும். இந்த வார இறுதியில், வெள்ளிக்கிழமை வெளிவர உள்ள அமெரிக்க வேலைவாய்ப்பு நிலவரத்தை பொறுத்து, கச்சா எண்ணெய் விலையில் மாற்றங்கள் உருவாகும்.
பொருள் வணிக முன்பேர சந்தையின் அளவுகள் (1 பீப்பாய்)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 3,190 3,120 3,375 3,480என்.ஒய்.எம்.இ.எக்ஸ். (டாலர்) 49.50 48.30 51.50 52.70
தங்கம், வெள்ளி
இரு வாரங்களாக, விலை ஏற்றம் காணப்பட்ட தங்கம் விலை, கடந்த வாரம் சரிவைச் சந்தித்தது. ஆனால், வெள்ளி விலை உயர்ந்து காணப்பட்டது. கடந்த காலாண்டில், (ஜன., – மார்ச் வரை), தங்கம் விலை, 8.5 சதவீதம் உயர்ந்து, சர்வதேச சந்தையில் ஓர் அவுன்ஸ், 1,247 டாலராக வர்த்தகமானது. இது, 2016 – 2017ம் நிதியாண்டின் நல்ல ஓர் உயர்வாகும்.புதிதாக பொறுப்பு ஏற்ற, அமெரிக்க அதிபர் டொனால்டு டிரம்ப்பின் வரி, முதலீடு மற்றும் காப்பீட்டு திட்டங்கள் குறித்த கொள்கைகளால், அசாதாரண சூழ்நிலை ஏற்பட்டதால், முதலீட்டாளர்கள் தங்கத்தின் மீது ஆர்வம் காட்டினர். மேலும், நடைபெற உள்ள ஐரோப்பிய தேர்தல்கள் மற்றும் பிரிட்டன் வெளியேற்ற விவகாரம் ஆகியவை, இவ்விலையேற்றம் உண்டானதற்கு துணை நின்றன. பிப்., மாதத்தை காட்டிலும், மார்ச் மாதம், தங்கம், வெள்ளி அளவில் உயர்ந்திருந்தது.இருப்பினும், அமெரிக்க டாலர் இன்டெக்ஸ் (டி.எக்ஸ்.ஒய்.,) கடந்த நான்கு மாதத்தில் குறைவான அளவில் இருந்து மீண்டு, 81.99 என்ற நிலையில் வர்த்தகமாகிறது. இதற்கு, அண்மையில் வெளிவந்த அமெரிக்க பொருளாதார காரணிகள் சாதகமாக அமைந்தது காரணமாகும். மேலும், பொதுவாக, டாலர் இன்டெக்ஸ் மற்றும் தங்கம், வெள்ளி விலைகள் எதிர்மறை பாதையில் நீங்கும். வரும் நாட்களில், தங்கம் விலையில் சர்வதேச சந்தையில், 1,265 டாலர் ரெசிஸ்டென்ஸ் ஆகும். இதை கடக்க இயலவில்லை எனில், சிறிது விலை சரிவு நிகழும் என, எதிர்பார்க்கப்படுகிறது. வெள்ளியை பொறுத்தவரை, 18 டாலர் ரெசிஸ்டென்ஸ் ஆகும். இதை கடந்து செல்லும் நிலையில், மீண்டும் வெள்ளி விலை உயரும்.
பொருள் வணிக முன்பேர சந்தையின் அளவுகள் (ஏப்., 17)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 28,290 28,150 28,600 28,785காம்எக்ஸ் (டாலர்) 1,238 1,225 1,265 1,280
பொருள் வணிக முன்பேர சந்தையின் அளவுகள் (மே 17)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 41,950 41,480 42,800 43,500காம்எக்ஸ் (டாலர்) 18 17.30 18.50 19.30
செம்பு
தொழிற்சாலை மூலப்பொருளான, செம்பு, அதன் உற்பத்தி மற்றும் தேவைகளை பொறுத்து விலை நிர்ணயம் ஆகிறது. சர்வதேச அளவில், சுரங்க உற்பத்தியில் ஏற்படும் சிக்கல்கள், தொழிலாளர் வேலைநிறுத்தம், அரசின் ஏற்றுமதி கொள்கை என, பல காரணங்களும் விலை நிர்ணயத்தில் குறிப்பிடத்தக்க பங்கு வகிக்கும்.கடந்த ஒரு மாதமாக, சிலி நாட்டின் மிகப்பெரிய சுரங்கமான, எஸ்கோன் சுரங்க தொழிலாளர் வேலைநிறுத்தம், இன்னும் சுமுகமான சூழ்நிலைக்கு வரவில்லை. இது, செம்பு உற்பத்தியை பாதிக்கிறது. இதனால், கடந்த வாரம், செம்பின் விலையில் உயர்வு ஏற்பட்டது. சர்வதேச சந்தையில் (எல்.எம்.இ.,) ஒரு டன், 620 டாலர் என்ற அளவுக்கு விலை ஒன்பது மாத உச்சத்தை அடைந்தது.மேலும், சீனாவின் சந்தையில், இதன் தேவை கூடும் என்ற எதிர்பார்ப்பும் விலை ஏற்றத்திற்கு காரணமாகும்.உலகளவிலான சுரங்க உற்பத்தி நிறுவன பிரதிநிதிகள், இன்று, சிலி நாட்டின் சாண்டிகோ நகரில் ஒன்றுகூடி, சுரங்க பிரச்னைகள் குறித்து கலந்து ஆலோசிக்க உள்ளனர்.பெரு நாட்டின் மிகப்பெரிய, பிரிபோர்ட் மெக்மொரான் நிறுவனத்தின், செரோ வெர்டே சுரங்கம், கடந்த வெள்ளியன்று, தன் இயல்பு நிலைக்குத் திரும்பியது. இதன் மூலம், தொழிலாளர்கள் வேலைநிறுத்தம் முடிவு பெற்றது. வரும் நாட்களில், இதன் உற்பத்தி அதிகரிக்கும் என, எதிர்பார்க்கப்படுகிறது.
பொருள் வணிக முன்பேர சந்தையின் அளவுகள் (ஏப்ரல் 17)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 378 372.5 387 395
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|