பதிவு செய்த நாள்
03 ஏப்2017
00:54
புதிய நிதியாண்டு துவங்கியதை அடுத்து, இம்மாதம் முதல், விலை குறையும் மற்றும் உயரப் போகும் பொருட்களை பற்றி பார்க்கலாம்...
விலை குறையும் பொருட்கள்:* ராணுவம், கடற்படை, விமானப் படை ஊழியர்களுக்கான குழும காப்பீடு திட்டங்களில், சேவை வரி வசூலிக்கப்படாது. * வீடுகளில் குடிநீர் சுத்திகரிப்பு சாதனம் மற்றும் அவற்றின் உதிரி பாகங்களுக்கு வரி குறைக்கப்பட்டதால், இச்சாதனங்களின் விலை குறையும்.* திரவ நிலை இயற்கை எரிவாயுவின் அடிப்படை சுங்க வரி, 5 சதவீதத்தில் இருந்து, 2.5 சதவீதமாக குறைக்கப்பட்டதால், அதன் விலை குறையும். * தோல் பொருட்களுக்கு அடிப்படை சுங்க வரி, 7.5 சதவீதத்தில் இருந்து, 5 சதவீதமாக குறைக்கப்பட்டதால், சமையல் சாதனங்களில் பயன்படும் தோல் பொருட்களின் விலை குறையும். * ஐ.ஆர்.சி.டி.சி., இணையதளம் வாயிலாக, டிக்கெட் முன் பதிவு செய்பவருக்கு, சேவை கட்டணம் திரும்ப பெற்றதால், இணையதள ரயில் டிக்கெட் கட்டணம் குறையும். * சூரிய மின் சக்தி சாதனங்களுக்கு சுங்க வரி குறைக்கப்பட்டதால், மேற்கூரை சூரிய சக்தி மின் உற்பத்தி தகடு, அதன் உதிரி பாகங்களின் விலை குறையும். * ‘பாயின்ட் ஆப் சேல்’ கருவி, விரல் ரேகை பதிவேடு இயந்திரம், அவற்றின் உதிரி பாகங்களின் விலையும் குறையும். * எரிபொருள் சார்ந்த மின் உற்பத்தி சாதனங்களுக்கான சுங்க வரி, 12.5 சதவீதத்தில் இருந்து, 6 சதவீதமாக குறைக்கப்பட்டதால், அதன் விலை சரிவடையும். விலை உயரும் பொருட்கள்* உள்நாட்டில் மொபைல் போன் உற்பத்தியை ஊக்குவிக்க, மொபைல், ‘சர்கியூட் போர்டு’ இறக்குமதிக்கு, 2 சதவீதம் வரி விதிக்கப்பட்டுள்ளது. இதனால், மொபைல் போன்களின் விலை உயரும்* எல்.இ.டி., லைட் அசெம்பிள் செய்யும் சாதனங்களின் வரி உயர்த்தப்பட்டதால், அதன் விலை உயரும். * முந்திரி பருப்பு இறக்குமதி வரி, 30 சதவீதத்தில் இருந்து, 40 சதவீதமாக உயர்த்தப்பட்டதால், அதன் விலை அதிகரிக்கும். * சிகரெட், புகையிலை, பீடி, பான்மசலா ஆகிய பொருட்களுக்கு கூடுதல் வரி விதிக்கப்பட்டதால், அவற்றின் விலை உயரும். * 99.9 சதவீதம் அல்லது அதற்கு மேல் துாய்மை உடைய, வெள்ளி பதக்கம், வெள்ளி நாணயங்களின் விலை உயரும்.* தொலைத்தொடர்பு துறையில் பயன்படுத்தப்படும், ‘ஆப்டிகல் பைபர்’ சாதனங்கள் விலை அதிகரிக்கும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|