பதிவு செய்த நாள்
20 ஏப்2017
00:09
புதுடில்லி : இந்தியாவின் உருக்கு இறக்குமதி, கடந்த நிதியாண்டில், 74 லட்சம் டன்னாக குறைந்துள்ளது.
சர்வதேச அளவில், கச்சா உருக்கு உற்பத்தியில், சீனா முதலிடத்தில் உள்ளது. இதை தொடர்ந்து, ஜப்பான், இந்தியா ஆகிய நாடுகள் உள்ளன. 2016 – 17ம் நிதியாண்டில், இந்தியா, 82 லட்சம் டன் விற்பனைக்கான உருக்கை ஏற்றுமதி செய்துள்ளது. இது, முந்தைய ஆண்டில், 42 லட்சம் டன்னாக குறைந்திருந்தது. இதே காலத்தில் உருக்கு இறக்குமதி, 36 சதவீதம் குறைந்து, 74 லட்சம் டன்னாக சரிவடைந்து உள்ளது.
கடந்த நிதியாண்டில், நாட்டின் கச்சா உருக்கு உற்பத்தி, 8.5 சதவீதம் உயர்ந்து, 9.73 கோடி டன்னாக அதிகரித்துள்ளது. இது, முந்தைய ஆண்டில், 8.97 கோடி டன்னாக குறைந்திருந்தது. இதே ஆண்டுகளில், உருக்கு பயன்பாடு, 8.15 கோடி டன்னில் இருந்து, 8.39 கோடி டன்னாக அதிகரித்துள்ளது. கடந்த மார்ச்சில், உருக்கு ஏற்றுமதி, 16 லட்சம் டன்னாகவும்; இறக்குமதி, 8 லட்சம் டன்னாகவும் இருந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|