பதிவு செய்த நாள்
07 மே2017
04:03
சென்னை : சென்னையைச் சேர்ந்த, ஸ்ரீராம் சிட்டி யூனியன் பைனான்ஸ் நிறுவனம், நிதிச் சேவையில் ஈடுபட்டு வருகிறது. இந்நிறுவனத்தின் நிகர லாபம், 2016 – 17ம் நிதியாண்டில், 5 சதவீதம் அதிகரித்து, 556 கோடி ரூபாயாக உயர்ந்துள்ளது. இது, முந்தைய நிதியாண்டில், 530 கோடி ரூபாயாக இருந்தது.இதே காலத்தில், இதன் செயல்பாட்டு வருவாய், 15.6 சதவீதம் உயர்ந்து, 4,432 கோடி ரூபாயாக அதிகரித்துள்ளது. நிகர வட்டி வருவாய், 18.2 சதவீதம் வளர்ச்சி கண்டு, 2,897 கோடி ரூபாயாக உயர்ந்துள்ளது.நிர்வகிக்கும் சொத்துகளின் மதிப்பு, 18.2 சதவீதம் அதிகரித்து, 23,132 கோடி ரூபாயாக ஏற்றம் கண்டுள்ளது. கடந்த மார்ச்சுடன் முடிந்த நான்காவது காலாண்டில், இந்நிறுவனத்தின் நிகர லாபம், 78 சதவீதம் குறைந்து, 12 கோடி ரூபாயாக உள்ளது. இது, முந்தைய நிதியாண்டின் இதே காலாண்டில், 55 கோடி ரூபாயாக இருந்தது. இதே காலத்தில், செயல்பாட்டு வருவாய், 13.5 சதவீதம் உயர்ந்து, 1,107 கோடி ரூபாயாகவும், அளிக்கப்பட்ட கடன்கள், 5,223 கோடி ரூபாயில் இருந்து, 6,245 கோடி ரூபாயாகவும் உயர்ந்துள்ளன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|