பதிவு செய்த நாள்
11 மே2017
08:20
பெங்களூரு : காக்னிஸன்ட், விப்ரோ நிறுவனங்களைத் தொடர்ந்து, இன்போசிஸ் நிறுவனமும், பல ஊழியர்களுக்கு தன் விருப்ப ஓய்வு கொடுக்க திட்டமிட்டுள்ளதாக கூறப்படுகிறது.
கடந்த வாரம், அமெரிக்காவைச் சேர்ந்த, காக்னிஸன்ட் நிறுவனம், அதன் சில பிரிவுகளின் இயக்குனர்கள், மூத்த துணை தலைவர்கள் உள்ளிட்டோருக்கு, 6 – 9 மாத ஊதியத்துடன், தன் விருப்ப ஓய்வு கொடுக்கும் திட்டத்தை அறிவித்தது.அது போல, விப்ரோ நிறுவனமும், 600 ஊழியர்களை, தன் விருப்ப திட்டத்தின் கீழ், வெளியேற்ற உள்ளது. எனினும், இந்த எண்ணிக்கை, 2,000 வரை இருக்கும் என, கூறப்படுகிறது.
தற்போது, இன்போசிஸ் நிறுவனமும், மத்திய மற்றும் மூத்த நிலை ஊழியர்களுக்கு, தன் விருப்ப ஓய்வு அளிக்க திட்டமிட்டுள்ளதாக கூறப்படுகிறது.அமெரிக்காவின் விசா கட்டுப்பாட்டின் தாக்கத்தால், செலவை குறைக்க, தகவல் தொழில்நுட்ப நிறுவனங்கள், இத்தகைய நிலைப்பாட்டை எடுப்பதாக தெரிகிறது. எனினும், இது வழக்கமான நடைமுறை தான் என, அந்த நிறுவனங்கள் தெரிவித்துள்ளன.
மேலும் பொது செய்திகள்
|
Advertisement
|
Advertisement
|
Advertisement
|
|
|
|