பதிவு செய்த நாள்
22 மே2017
07:39
கச்சா எண்ணெய்
சர்வதேச சந்தையில், கச்சா எண்ணெய் விலை, கடந்த வாரம் உயர்ந்து, 50 டாலர் என்ற அளவில் வர்த்தகமானது. ஒபெக் நாடுகளின் கூட்டமைப்பு, வரும் 25ம் தேதி, வியன்னா நகரத்தில் ஒன்றுகூடி, தங்களது உற்பத்தி குறைப்பு நடவடிக்கை வரும் ஜூனில் முடிவடைவதால், அதை மேலும் ஆறு மாதங்கள் நீட்டிக்க வாய்ப்பு இருக்கும் என கருதியதன் காரணமாகவும், இந்த விலையேற்றம் நிகழ்ந்தது. மேலும் வாரம் ஒருமுறை வெளிவரும், இ.ஐ.ஏ., இருப்பு அளவு எதிர்பார்ப்பை விட அதிகமாக குறைந்ததால், சந்தையில் எண்ணெய் விலை சிறிது உயர்வை கண்டது. ஏ.பி.ஐ., எனப்படும், அமெரிக்க பெட்ரோலியம் இன்ஸ்ட்டிடியூட், கடந்த வியாழன் அன்று வெளியிட்ட அறிக்கையில், ’டிரைவிங் சீசன் துவங்கியது. இதன் காரணமாக பெட்ரோல் டீசல் தேவை அதிகரிக்கும்’ என்ற தகவலை வெளியிட்டது. மேலும் சவுதி அரேபியா கடந்த ஒன்பது மாதங்களாக குறைவான உற்பத்தியை மேற்கொண்டு வருகிறது. அல்ஜீரியா நாட்டின் உற்பத்தி தினமும் 55 ஆயிரம் பீப்பாய் குறைக்கப்பட்டது. சந்தையில் அமெரிக்க நாணயத்தின் வீழ்ச்சி காரணமாக, பொருள் வாணிபத்தில் சரக்குகள் விலையேற்றம் காணப்பட்டது. வரும் நாட்களில் கச்சா எண்ணெய் விலை 52.50 டாலர் வரை உயரக் கூடும் நிலையில், அதன் தாங்கு விலை, 49.50 டாலர் ஆகும்.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஜூன்) 3250 3205 3295 3350என்.ஒய்.எம்.இ.எக்ஸ். (டாலர்) 49.50 47.80 51.80 53.00
தங்கம், வெள்ளி
தொடர்ச்சியான நான்கு வார விலை சரிவுக்கு பின், கடந்த வாரம் தங்கம் மற்றும் வெள்ளி விலை உயர்ந்து வர்த்தகமானது. தங்கம் 5 சதவீதம் மற்றும் வெள்ளி 3 சதவீதம் உயர்ந்தது. கடந்த வாரம் பெரும்பாலான நாடுகளின் பங்கு வர்த்தகம் சரிவை சந்தித்தது. இதன் காரணமாக, முதலீட்டாளர்களின் தங்கம் மீதான முதலீட்டு ஆர்வம் அதிரித்தது. மேலும், அமெரிக்க அதிபர் டொனால்ட் டிரம்ப் அரசின் நிர்வாகத்தின் மீதான நம்பிக்கை குறித்து கேள்வி எழுந்துள்ளது. அதாவது, அவரின் முடிவான வரிகுறைப்பு மற்றும் கட்டுமானத்துறையில் அதிகமான செலவீட்டு தொகை ஒதுக்கீடு போன்றவற்றில் சரியான போக்கு காணப்படவில்லை என்ற அச்சம் உயர்ந்துள்ளது. இதன் விளைவாக, வார இறுதி நாட்களில், யு.எஸ்.டி., இன்டெக்ஸ் எனப்படும் அமெரிக்க நாணய குறியீட்டு எண் கடும் சரிவை சந்தித்தது. இதுவே தங்கம் மற்றும் வெள்ளி விலை உயர்வுக்கு வழிவகுத்தது.வரும் நாட்களில், சர்வதேச சந்தைகளில் தங்கத்தின் வியாபாரமானது, 1270 1245 டாலர் என்ற நிலையில் இருக்கும் என எதிர்பார்க்கப்படுகிறது. இதை கடக்கும் நிலையில், 1292 1238 டாலராக இருக்கும். வெள்ளி விலை 17.40 16.50 டாலர் வியாபார நிலை ஆகும்.
தங்கம்
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஜூன்) 28,450 28,100 28,800 29,050காம்எக்ஸ் (டாலர்) 1242 1,230 1,265 1,290
வெள்ளிபொருள் வணிக முன்பேர சந்தையின் அளவுகள் (மே 17)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) (ஜூலை) 38,800 38,380 39,450 39,900காம்எக்ஸ் (டாலர்) 16.80 16.00 17.15 18.00
செம்பு
செம்பு விலை கடந்த வாரம் உயர்ந்து காணப்பட்டது. பங்கு வர்த்தகம் உயர்வு, மற்றும் சீனாவின் தேவை கூடும் என்ற கணிப்பு போன்றவை, செம்பின் விலைக்கு சாதகமாக அமைந்தன.கடந்த வாரங்களில் வெளிவந்த, அமெரிக்க நாட்டின் பொருளாதார காரணிகளான புதிய மற்றும் பழைய வீடுகளின் விற்பனை, வேலை இல்லாதோருக்கான ஊக்க தொகை எண்ணிக்கை குறைவு மற்றும் புதிதாக வேலைக்கு சேர்ந்தோர் எண்ணிக்கை அதிகம் போன்றவை பொருளாதார வளர்ச்சிப் பாதையில் வெளிவந்ததால், செம்பு போன்ற தொழிற்சாலை இடுபொருட்களின் தேவை அதிகரிக்க கூடும் என்ற எதிர்பார்ப்பில் விலை உயர்ந்தது. வரும் நாட்களில் இந்த விலை உயர்வு கணிசமாக உயரக் கூடும்.
பொருள் வணிக முன்பேர சந்தையின் அளவுகள் (ஜூன் 17)சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 366.50 363 371 375
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|