நாட்டின் மிகப்­பெ­ரிய வரிச்­சீர்த்­தி­ருத்­த­மான, ஜி.எஸ்.டி., எனப்­படும், சரக்கு மற்றும் சேவை வரி; முத­லீடு, காப்­பீடு, வங்­கிச்­சேவை உள்­ளிட்ட நிதிச்­சே­வைகள் மீது, எப்­படி தாக்கம் செலுத்தும் என்­பது பற்றி ஒரு பார்வை:

சரக்கு மற்றும் சேவை வரி விதிப்பு (ஜி.எஸ்.டி.,) ஜூலை மாதம் முதல் அம­லுக்கு வரு­கி­றது. மிகப்­பெ­ரிய வரி சீர்த்­தி­ருத்தம் என குறிப்­பி­டப்­படும், ஜி.எஸ்.டி., வரி விதிப்பு, அனைத்து மறை­முக வரி­க­ளையும் ஒருங்­கி­ணைக்கும் வகையில் அமை­கி­றது. ஜி.எஸ்.டி., வரி விகிதம், பல்­வேறு வகை­யான பொருட்­க­ளுக்கு எப்­படி பொருந்தும் என்றும் அறி­விக்­கப்­பட்­டுள்­ளது. அதன்­படி, சில பொருட்­களின் விலை குறை­யவும், சில­வற்றின் விலை அதி­க­மா­கவும் வாய்ப்­புள்­ளது. நிதித்­து­றை­யிலும், ஜி.எஸ்.டி., வரி விதிப்பின் தாக்கம் இருக்கும். தற்­போது பல்­வேறு வகை­யான நிதிச்­சே­வைகள் சேவை வரிக்கு உட்­பட்­ட­வை­யாக இருக்­கின்­றன.

சேவை வரி, 15 சத­வீ­த­மாக இருக்­கி­றது. ஜி.எஸ்.டி.,யின் கீழ் நிதிச்­சே­வைகள், 18 சத­வீத வரி விதிப்­புக்கு உட்­பட்­டவை. முத­லீடு, காப்­பீடு, வங்­கிச்­சேவை உள்­ளிட்ட நிதிச்­சே­வைகள் மீது, ஜி.எஸ்.டி., தாக்கம் செலுத்தும். காப்­பீடு: ஜி.எஸ்.டி., அம­லாக்­கத்­திற்கு பின், ஆயுள் காப்­பீடு மற்றும் பொது காப்­பீட்டு பிரீ­மியம் உயரும் நிலை உள்­ளது. ஆயுள் காப்­பீட்டு பாலி­சி­களை பொறுத்­த­வரை, ஜி.எஸ்.டி.,யின் தாக்கம், பாலி­சியின் வகைக்கு ஏற்ப அமையும். டெர்ம் இன்­சூரன்ஸ், யூலிப்கள் மற்றும் எண்­டோமென்ட் பாலிசி என, மூன்று வகை­யான பாலி­சிகள் உள்­ளன. இவை ஒவ்­வொன்­றுக்கும், ஜி.எஸ்.டி.,யின் தாக்கம் வேறு­படும்.

துாய ஆயுள் காப்­பீட்டு பாலி­சி­களை பொறுத்­த­வரை, முழு பிரீ­மி­யத்­திற்கும் சேவை வரி உண்டு. மற்ற பாலி­சி­களில் விதிக்­கப்­படும் கட்­டண விகி­தத்­திற்கு மட்டும் சேவை வரி பொருந்தும். ஜி.எஸ்.டி.,க்குப்பின் டெர்ம் மற்றும் எண்­டோமென்ட் பாலி­சி­க­ளுக்­கான பிரீ­மியம் அதி­க­மாகும். 3 சத­வீதம் வரை இது இருக்­கலாம் என கரு­தப்­ப­டு­கி­றது. மருத்­துவ காப்­பீட்­டுக்கும் இது பொருந்தும். பொது காப்­பீடு பாலி­சியும், 18 சத­வீத வரியால் அதி­க­மாகும். எனினும், ஜி.எஸ்.டி., யின் கீழு பொருந்தும், இன்புட் டாக்ஸ் கிரெடிட் கார­ண­மாக, இந்த தாக்கம் ஓர­ளவு குறையும் வாய்ப்­பு உள்­ளது. புதிய மற்றும் ஏற்­க­னவே உள்ள பாலி­சி­தா­ரர்­க­ளுக்கு இது பொருந்தும்.

வங்­கிச்­சேவை: ஜி.எஸ்.டி., கீழ், 18 சத­வீத வரி விதிப்பில் வரு­வதால், நிதிச்­சே­வை­க­ளுக்­கான பரி­வர்த்­தனை கட்­டணம் அதி­க­ரிக்கும் வாய்ப்­புள்ளது. இது­வரை இந்த சேவைகள், 15 சத­வீத சேவை வரிக்கு உட்­பட்டு இ­ருந்­தன. தற்­போது, இது, 3 சத­வீதம் உயர்­கி­றது. குறிப்­பிட்ட அள­வுக்கும் மேலான, ஏ.டி.எம்., பரி­வர்த்­த­னைகள், குறைந்­த­பட்ச தொகையை பரா­ம­ரிக்­காமல் இருப்­ப­தற்­கான கட்­டணம் ஆகி­ய­வற்­றுக்கு சேவை வரி பொருந்தும். இவை மீது, 3 சத­வீத கூடுதல் வரி விதிக்­கப்­படும் என்­பதால், நிச்­சயம் நிதிச்­சே­வை­களுக்­கான கட்­டணம் ஓர­ளவு உயரும். எனினும் கிரெடிட் இன்புட் வசதி, இதை ஓர­ளவு ஈடு கட்ட உதவும் என எதிர்­பார்க்­கப்­ப­டு­கி­றது.

மியூச்­சுவல் பண்ட்:
இந்த பிரிவில், ஜி.எஸ்.டி., தாக்கம் குறை­வா­கவே இருக்கும் என கரு­தப்­ப­டு­கி­றது. நிதியின் மொத்த செலவு விகிதம் மீது, ஜி.எஸ்.டி., விதிக்­கப்­படும். இது, 3 சத­வீதம் உயரும். நிதியை பரா­ம­ரிக்க நிறு­வ­னத்­திற்கு ஆகும் செல­வாக இது அமை­கி­றது. எனினும், இந்த தொகைக்­கான வரம்பு இருக்­கி­றது.

ரியல் எஸ்டேட்:
இந்த துறை, மத்­திய மற்றும் மாநில அர­சு­களின், பல்­வேறு வகை­யான வரி­வி­திப்­புக்கு இலக்­கா­கி­றது. ஜி.எஸ்.டி., ஒருங்­கி­ணைந்த வரி விதிப்பை சாத்­தி­ய­மாக்கும் என எதிர்­பார்க்­கப்­ப­டு­கி­றது. எனினும், வீடு­களின் விலையின் மீதான தாக்­கத்தை பொறுத்­தி­ருந்து தான் பார்க்க வேண்டும் என, இத்­துறை வல்­லு­னர்கள் கரு­து­கின்­றனர். பெரும்­பா­லான பணி ஒப்­பந்­தங்கள், 12 சத­வீத பிரிவில் வந்­தாலும், கட்­டு­மா­னத்தில் பயன்­படும் பல பொருட்கள், 18 முதல் 28 சத­வீத பிரிவில் இருப்­பதை சுட்­டிக்­காட்­டு­கின்­றனர். மேலும், இன்புட் டாக்ஸ் கிரெடிட் வச­தியும், கணக்கில் கொள்­ளப்­பட வேண்டும்.

மேலும், ஜி.எஸ்.டி., தவிர, வேறு பல அம்­சங்­களும் விலையை தீர்­மா­னிப்­ப­தாக உள்­ளன. எனவே விலை மீதான தாக்கம் பற்றி, இப்­போது உறு­தி­யாக கூற முடி­யாத நிலையே உள்­ளது. பொது­வா­கவே, நிதிச்­சே­வைகள் மீதான, ஜி.எஸ்.டி.,யின் தாக்கம் தொடர்­பான முழு விபரம், அவை நடை­மு­றையில் அம­லுக்கு வரும் போதே தெரி­ய­வரும் என கரு­தப்­ப­டு­கி­றது.

ஜி.எஸ்.டி., முக்­கிய அம்­சங்கள்
* நாட்டின் மிகப்­பெ­ரிய வரிச்­சீர்­தி­ருத்­த­மாக அமை­கி­றது
* சில பொருட்­களின் விலை குறையும்; சில­வற்றின் விலை அதி­க­ரிக்கும்
* முத­லீடு மற்றும் நிதிச்­சே­வைகள் மீதும் தாக்கம் செலுத்தும்
* வரிச்­சீ­ர­மைப்பு வர்த்­த­கத்தை மேம்­ப­டுத்­தி, ஒட்­டு­மொத்த நோக்கில் பொரு­ளா­தா­ரத்­திற்கு உதவும் என கரு­தப்­ப­டு­கி­றது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 05,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 05,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 05,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 05,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 05,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்