பதிவு செய்த நாள்
20 ஜூன்2017
00:28
புதுடில்லி : ‘டிவி, ரெப்ரிஜரேட்டர்’ உள்ளிட்ட, பெரும்பாலான நுகர்வோர் சாதனங்களுக்கு, ஜி.எஸ்.டி.,யில், 28 சதவீத வரி விதிக்கப்பட்டு உள்ளது. ‘ஏர் கூலர்’ போன்ற சில சாதனங்களுக்கு மட்டும், 18 சதவீத வரி நிர்ணயிக்கப்பட்டு உள்ளது.
இதன் காரணமாக, பானாசோனிக், எல்.ஜி., போன்ற தயாரிப்பு நிறுவனங்கள், ஜூலை, 1ல், ஜி.எஸ்.டி., அறிமுகமாவதற்கு முன், முகவர்கள் கையில் உள்ள நுகர்வோர் சாதனங்களை, விற்பனை செய்ய வசதியாக, தள்ளுபடி விலையை அறிவித்துள்ளன.
இது குறித்து, பானாசோனிக் இந்தியா நிறுவனத்தின் தலைவர் அஜய் சேத் கூறியதாவது: ஜி.எஸ்.டி., வர்த்தகர்களிடையே அசாதாரணமான சூழலை ஏற்படுத்தி உள்ளது. அவர்கள், புதிய வரி விதிப்பு அமலுக்கு வந்ததும், தங்கள் வர்த்தகத்தில் பணப்புழக்கம் குறையும் என, கவலைப்படுகின்றனர். அதற்காகவே, அவர்களின் கையிருப்பில் உள்ள சரக்குகளை விரைந்து விற்பதற்காக, 5 – 50 சதவீத தள்ளுபடி திட்டத்தை அறிமுகப்படுத்தி உள்ளோம். புதிய வரி விதிப்பு அமலுக்கு வந்த, 2 – 3 மாதங்களில், வர்த்தகம் இயல்பு நிலைக்கு திரும்பிவிடும். இவ்வாறு அவர் கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|