பதிவு செய்த நாள்
06 ஜூலை2017
00:58
நான், ஜாப் ஒர்க்கிற்கு பொருட்களை அனுப்பும் போது அதற்கு, ஜி.எஸ்.டி., விதிக்கப்படுமா?– ஹரிஹரன், திருச்சிஜாப் ஒர்க் முறையில், நீங்கள் பொருட்களை வேறொரு இடத்திற்கு அனுப்பும் போது, ஜி.எஸ்.டி., விதிக்கப்படமாட்டது. நீங்கள், டெலிவரி செலான் மூலம் பொருட்களை, ஜி.எஸ்.டி., இல்லாமல் அனுப்பலாம்.
சார், நான் ஜாப் ஒர்க்கிற்கு பொருட்களை அனுப்பும் நபர், ஜி.எஸ்.டி., பதிவு பெறவில்லை. இதனால், எனக்கு வரி விதிப்பில் பாதிப்பு இருக்குமா?– சாகர், கரூர்நீங்கள் பதிவு செய்யாத நபருக்கு, ஜாப் ஒர்க் முறையில் பொருட்களை அனுப்பினால், வரி விதிப்பில் எந்த பாதிப்பும் இல்லை. ஆனால், நீங்கள் கீழ்கண்ட விதிமுறைகளை பின்பற்ற வேண்டும். ஜாப் ஒர்க் வேலை செய்யும் இடத்தை, உங்கள் வணிகத்தின் கூடுதல் இடமாக பதிவு செய்து கொள்ள வேண்டும் ஜாப் ஒர்க் சார்ஜஸ் செலுத்தும் போது, ‘ரிவெர்ஸ் சார்ஜ்’ முறையில் வரி செலுத்தி, அதை உள்ளீட்டு பயனாக பெற்று விடலாம்.
ஐயா, என் வருமானம், 20 லட்சம் ரூபாய்க்கும் குறைவாக இருக்கும் தறுவாயிலும், நானாகவே முன்வந்து, ஜி.எஸ்.டி., பதிவு செய்துள்ளேன். இப்போது, என் முதல் வழங்கலில்இருந்து வரி வசூல் செய்ய வேண்டுமா அல்லது விற்பனை தொகை, 20 லட்சம் ரூபாயை தாண்டும் போது வரி வசூல் செய்ய வேண்டுமா?– செந்தில், சென்னைநீங்கள் பதிவு செய்துவிட்ட காரணத்தால், பதிவு செய்யப்பட்ட நபர் வழங்கக் கூடிய ஒவ்வொரு வழங்கல்களிலும், ஜி.எஸ்.டி., வசூல் செய்ய வேண்டும்.
வேறொரு மாநிலத்தில் வழங்கிய, சி.ஜி.எஸ்.டி., / எஸ்.ஜி.எஸ்.டி., பில்லில் உள்ள, மாநில, ஜி.எஸ்.டி.,யை தமிழகத்தில் செலுத்த வேண்டிய, மாநில, ஜி.எஸ்.டி., தொகைக்கு நிகராக சரி செய்து கொள்ள முடியுமா?– ருக்மணி, பொண்பாடிமுடியாது. வெளிமாநிலத்தில் செலுத்திய, எஸ்.ஜி.எஸ்.டி., தொகையை, உள் மாநிலத்தில் செலுத்த வேண்டிய, எஸ்.ஜி.எஸ்.டி., தொகையுடன் சரி செய்து கொள்ள இயலாது.
எங்கள் நிறுவன வேலையாட்கள், ஜாப் ஒர்க்கிற்காக வெளியூர் லாட்ஜில் தங்கினால், லாட்ஜ் ரசீதிலுள்ள சேவை வரி தொகையை, தற்போது உள்ளீட்டு பயனாக பெற்று வருகிறோம். இதே நடைமுறை, ஜி.எஸ்.டி.,யிலும் உண்டா?– ரஞ்சித், வேலுார்ஆம், உள்மாநிலத்தில் செலுத்திய லாட்ஜ் ரசீதிலுள்ள, சி.ஜி.எஸ்.டி., / எஸ்.ஜி.எஸ்.டி.,யை, முழு பயனாக பெறலாம். அதுவே, வெளிமாநிலத்தில் தங்கினால், அந்த ரசீதிலுள்ள, எஸ்.ஜி.எஸ்.டி., தொகையை உள்ளீட்டு பயனாக பெற முடியாது.
சிறப்பு பொருளாதார மண்டலங்கள் பகுதியில் இருந்து, சில நேரங்களில் நாங்கள் பொருட்களை பெறுகிறோம். தற்போது அதை இறக்குமதியாக கருத்தில் கொண்டு, சுங்கம் மற்றும் சி.வி.டி., வரி செலுத்தி வருகிறோம். இது, ஜி.எஸ்.டி.,யில் எவ்வாறு மாறும்?– பாபு, ஸ்ரீபெரும்புதுார்சிறப்பு பொருளாதார மண்டலங்களிலிருந்து பொருட்களை பெற்றால், முன்பு போலவே அது இறக்குமதியாக கருதப்படும். ஆனால், சி.வி.டி., வரிக்கு பதிலாக, நீங்கள் ஒருங்கிணைந்த, ஜி.எஸ்.டி., வரி செலுத்தி, உள்ளீட்டுப் பயன் பெறலாம்.
தற்போது எங்களிடத்தில் உள்ளீட்டு பயனாக, 20 ஆயிரம் ரூபாய் மதிப்புள்ள கிரிஷி கல்யாண் வரி தொகை உள்ளது. இதை ரிட்டர்ன் படிவத் தாக்கல் செய்து, ஜி.எஸ்.டி.,யில் பயனாக எடுத்துக் கொள்ளலாமா? – சாந்தா, விழுப்புரம்ஜி.எஸ்.டி., சட்டவிதியின் கீழ், முன்செலுத்திய செஸ்ஸை, உள்ளீட்டு வரிப்பயனாக பெற இயலாது. எனவே, நீங்கள் ரிட்டர்ன் படிவத்தை தாக்கல் செய்த போதிலும், கே.கே.சி.செஸ் தொகையை உள்ளீட்டுப் பயனாக பெற இயலாது.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|