பதிவு செய்த நாள்
17 ஜூலை2017
00:14
நிதி வாழ்க்கையில் பாதுகாப்பை பெற சேமிப்பு இன்றியமையாதது. ஆனால், பலரும் சேமிக்க நினைத்தாலும், சேமிக்க முடியாமல் தடுமாறுகின்றனர். சேமிப்பின் அருமையை அறிந்திருந்தும், திட்டமிட்டபடி சேமிக்க முடியாமல் அவதிப்படுபவர்களில் நீங்களும் ஒருவரா... உங்கள் தடுமாற்றத்திற்கும், சேமிப்பை தள்ளிப்போடுவதற்கும் இந்த தடைகள் காரணமாக இருக்கலாம்.
வாழ்க்கைத்தரம்போனஸ் அல்லது எதிர்பாராத தொகை திடீரென கிடைத்தால் நீங்கள் என்ன செய்வீர்கள். அந்த தொகையை கொண்டு நீண்ட நாட்களாக வாங்க நினைத்த விலை உயர்ந்த பொருளை வாங்குவீர்களா... அப்படியெனில் அது தான் முதல் சிக்கல். வருமானத்திற்கு ஏற்ப வாழ்க்ைகத்தரத்தை உயர்த்திக் கொள்ள விரும்புவது சேமிப்பின் முதல் எதிரி. கூடுதல் தொகை கிடைத்தால் அதை சேமிப்பாக கருதுங்கள்.
தள்ளிப்போடுவது
சம்பளம் வந்தவுடன் முதல் செலவு உங்களுக்கானதாக இருக்க வேண்டும். அதாவது, சேமிப்பிற்கு என ஒதுக்க வேண்டும். குறைந்தது, 10 சதவீத தொகையை இவ்வாறு ஒதுக்கிவிட்டு தான் மற்ற செலவுகளை திட்டமிட வேண்டும். மாறாக அடுத்த மாதம் அல்லது பின்னர் பார்த்துக் கொள்ளலாம் என தள்ளிப்போட்டால், அதுவே தொடர் கதையாகி விடும்.
இந்த கணம்...
பலரும், எதிர்காலத்தை பிறகு பார்த்துக் கொள்ளலாம், இந்தக் கணத்தில் வாழ்க்கையை அனுபவிப்போம் என்ற மனநிலையை கொண்டுள்ளனர். இவர்கள் சேமிப்பை ஒரு சுமையாகவும் கருதுகின்றனர். ஆனால், இந்த கணத்தில் வாழும் வாழ்க்கை சிக்கலானதாக மாறலாம். எதிர் காலத்திற்கு சேமிக்கும் போது எந்த விருப்பத்தையும் திட்டமிட்டு நிறைவேற்றிக் கொள்ளலாம்.
தாராளம்
உறவினரோ, நண்பரோ கேட்டவுடன் பணம் கொடுத்துவிடும் தாராள மனம் கொண்டவரா நீங்கள். எனில், இதுவும் சேமிப்பை சிக்கலாக்கலாம். மற்றவர்களுக்கு உதவுவது அவசியம் தான். ஆனால், அது உங்கள் நிதி எதிர்காலத்தை பாதிக்கக் கூடாது. எனவே, முதலில் உங்களுக்கான தொகையை சேமியுங்கள். புகைப்பிடிப்பது, ஆடம்பரமாக செலவு செய்வது போன்ற மோசமான பழக்கங்களும் சேமிப்பை பாதிக்கலாம்.
ஒப்பீடு
மற்றவர்களுடன் உங்களை ஒப்பிட்டுக்கொள்வதும் சேமிப்பிற்கு வேட்டு வைக்கலாம். ஏனெனில், மற்றவர்கள் செய்யும் செலவுகள் அல்லது அவர்களிடம் உள்ள வசதிகளை பார்த்து உங்கள் தேவையை தீர்மானிக்கும் போது, அவை நிதி நோக்கில் மோசமான முடிவுகளாக அமையலாம். எனவே, எப்போதும் உங்கள் அளவுகோல்களுக்கு ஏற்பவே தேவைகளை தீர்மானியுங்கள். மற்றவர்கள் கடன் வாங்கி கூட செலவு செய்து கொண்டிருக்கலாம் என்பதை நினைவில் கொள்ளுங்கள்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|