பதிவு செய்த நாள்
19 ஜூலை2017
06:16
நான், பங்கு வர்த்தக தரகு தொழில் செய்து வருகிறேன். இத்தகைய பரிவர்த்தனை, பொருட்களின் விற்பனையாக (ஸ்டாக்) கருதப்படுமா அல்லது சேவையாக கருதப்படுமா?– முகேஷ், கடலுார்இது, ஒரு சேவையாக கருதப்படும். உங்கள் தரகு வருமானம், நிர்ணயித்த உச்ச வரம்பை தாண்டும் போது, நீங்கள், ஜி.எஸ்.டி., பதிவு செய்ய வேண்டும்.
நாங்கள் வாங்கும், ‘ஆபீஸ்’ உபகரணங்களுக்கும், மூலதன சாமான்களுக்கும் உள்ளீட்டு வரி பயன் பெற முடியுமா?– ராகவன், அமராவதிஆம். உங்களின் வணிகம் சார்ந்த எந்த ஒரு செலவிலும், அவற்றை கொள்முதல் செய்யும் போது, ஜி.எஸ்.டி., செலுத்தியிருப்பின், அவற்றை உள்ளீட்டு வரி பயனாக பெறலாம். இதற்கு, ஒருசில நிபந்தனைகளும் உள்ளன.
ஜி.எஸ்.டி.ஆர்., 1 ரிட்டர்ன் படிவத்தை, வழங்கல் நடந்த, அடுத்த மாதம், 10ல் தாக்கல் செய்ய வேண்டுமா அல்லது அதற்கு முன்னரே தாக்கல் செய்யலாமா?– கிஷோர், சிட்லபாக்கம்நீங்கள், வழங்கல் நடந்த, அடுத்த மாதம், 10 வரை காத்திருக்க வேண்டிய அவசியமில்லை. வழங்கல் நடந்த உடனேயே, ஜி.எஸ்.டி.என்., போர்ட்டலில் விபரங்களை பதிவேற்றம் செய்ய ஆரம்பிக்கலாம். உதாரணமாக, ஜூலை வழங்கிய வழங்கல்களை, இம்மாதம், 24 முதல், ஜி.எஸ்.டி.என்., போர்ட்டலில் பதிவேற்றம் செய்யலாம்.
ஐயா, சி.ஜி.எஸ்.டி., – எஸ்.ஜி.எஸ்.டி., ஆகிய இரு வரிகளுக்கும், தனித்தனியே, ‘ரிட்டர்ன்’ தாக்கல் செய்யும் முறை உள்ளதா?– ரவி, கும்பகோணம்சி.ஜி.எஸ்.டி., – எஸ்.ஜி.எஸ்.டி., – ஐ.ஜி.எஸ்.டி., ஆகிய மூன்று வரிகளுக்கும் சேர்த்து, ஒரே ரிட்டர்ன் தாக்கல் செய்தால் போதும். தனித்தனியே ரிட்டர்ன் தாக்கல் செய்ய வேண்டாம்.
சார், நான் ஐஸ் கிரீம் உற்பத்தி செய்கிறேன். அதை வியாபாரிகளுக்கும் விற்பனை செய்கிறேன். மாதத்திற்கு, 2 லட்சம் ரூபாய் வரை விற்பனை இருக்கும். நான் கலவை வரி திட்டத்தை தேர்வு செய்தால், எத்தனை சதவீதம் வரி செலுத்த வேண்டும்?– சுந்தர், நாகப்பட்டினம்ஐஸ் கிரீம், புகையிலை, பான் மசாலா பொருட்கள் ஆகியவற்றை உற்பத்தி செய்யும் உற்பத்தியாளர்கள், கலவை வரி திட்டத்தை தேர்வு செய்ய இயலாது. எனவே உங்களால், காம்போசிஷன் முறையில் வரி செலுத்த இயலாது.
ஜி.எஸ்.டி., மைக்ரேஷன் முறையில் பதிவு எண் பெற்றுவிட்டேன். இப்போது, ஜி.எஸ்.டி., பதிவை ரத்து செய்ய முடியுமா?– மணிகண்டன், பவானிநீங்கள் பெற்ற பதிவை ரத்து செய்யலாம். நீங்கள் பதிவை ரத்து செய்வதற்கான, ஜி.எஸ்.டி., பதிவு 16 என்ற விண்ணப்பம் மூலம் விண்ணப்பிக்க வேண்டும்.
ஜி.எஸ்.டி., விதிப்பிற்கு முன், நாங்கள் விற்ற பொருட்களுக்கு இப்போது விலையேற்றம் செய்யலாமா? முன், ‘வாட்’ வரி வசூல் செய்திருந்தோம். இப்போது விலையேற்றம் செய்தால், அதில், ஜி.எஸ்.டி., விதிக்க வேண்டுமா?– நதியா, குன்னுார்விலையில் மாற்றம் செய்யலாம். நீங்கள் விலையேற்றம் செய்த, 30 நாட்களுக்குள், ‘டெபிட் நோட்’ அல்லது துணை விலைப் பட்டியல் மூலம், உரிய ஜி.எஸ்.டி., வசூல் செய்து, அவற்றை செலுத்த வேண்டும்.
நான், கன்னியாகுமரியில் வழக்கறிஞராக பணியாற்ற துவங்கி உள்ளேன். வழக்கறிஞர்கள், ஜி.எஸ்.டி.,யில் பதிவு செய்ய வேண்டுமா?– சோமு, நாகர்கோவில்வழக்கறிஞர்களுக்கு, ஜி.எஸ்.டி.,யின் பதிவிலிருந்து விலக்கு அளிக்கப்பட்டு உள்ளது. உங்களின் சேவைக்கு, சேவையை பெறுபவர், ‘ரிவெர்ஸ் சார்ஜ்’ முறையில் வரி செலுத்த வேண்டும். எனவே, நீங்கள் பதிவு பெற வேண்டிய அவசியம் இல்லை.
நாங்கள், ‘வாட்’ பதிவின் போது, கலவை வரி திட்டத்தில் இருந்தோம். தற்போது, ஜி.எஸ்.டி., திட்டத்திற்கு மாறி உள்ளோம். கலவை வரி திட்டத்தை தேர்வு செய்யவில்லை. எங்களிடம், ஜூன், 30ல் இருந்த கையிருப்பு சரக்கிற்கு, உள்ளீட்டு வரி பயன் உண்டா?– மனோகரன், காங்கேயம்முன், கலவை வரி திட்டத்தில் இருந்தாலும், தற்போது, ஜி.எஸ்.டி., வசூல் செய்து, அரசுக்கு செலுத்தும் முறையை தேர்ந்தெடுத்ததால், உங்களுக்கு ஜூன், 30ல் இருந்த கையிருப்பு சரக்கிலுள்ள உள்ளீட்டு வரி பயன் கிடைக்கும். அத்தகைய கையிருப்பு சரக்கு, ஜி.எஸ்.டி., விதிப்பிற்கு முன், ஓராண்டுக்குள் கொள்முதல் செய்ததாக இருக்க வேண்டும். அதற்குரிய விலைப் பட்டியல் உங்களிடம் இருக்க வேண்டும். அப்படியிருந்தால், அதற்குரிய அனைத்து உள்ளீட்டு வரி பயனும் கிடைக்கும்.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|