பதிவு செய்த நாள்
21 ஜூலை2017
08:23
நாங்கள், பிளஸ் 2க்கு, ‘நீட்’ தேர்விற்கு பயிற்சி வகுப்புகள் தனியாக எடுத்து வருகிறோம். மாணவர்களுக்கு அளிக்கக் கூடிய இந்த சேவைக்கு, ஜி.எஸ்.டி., உண்டா? நாங்கள், ஜி.எஸ்.டி., பதிவு பெற வேண்டுமா?– ஷியாம், பாலக்காடுஜி.எஸ்.டி., சட்டத்தின்படி, கல்வி நிறுவனம் எனும் வரம்பிற்குள், நீங்கள் வராத காரணத்தால், உங்களுடைய ஆண்டின் மொத்த வழங்கல்கள், 20 லட்சம் ரூபாயை தாண்டும் போது, நீங்கள் பதிவு பெற வேண்டும். பதிவு பெற்ற பின், 18 சதவீதம் வரி வசூல் செய்து, அரசுக்கு செலுத்த வேண்டும்.
நான், ‘இன்சூரன்ஸ்’ துறையில் முகவராக உள்ளேன். நான் பதிவு பெற வேண்டுமா? ஆம் எனில், எத்தனை சதவீதம் வரி வசூல் செய்ய வேண்டும்? – கோகுலகிருஷ்ணன், கொச்சின்நீங்கள், காப்பீட்டு துறையில் முகவராக உள்ள காரணத்தால், ஜி.எஸ்.டி., பதிவு செய்ய வேண்டிய அவசியமில்லை. உங்களுடைய சேவையின் மதிப்பிற்கு, இன்சூரன்ஸ் நிறுவனம், ‘ரிவெர்ஸ் சார்ஜ்’ முறையில் வரி செலுத்த வேண்டும். இதனால், உங்களுக்கு எந்த பாதிப்பும் இல்லை.
சார், நாங்கள், ‘மைக்ரேஷன்’ மூலம் பதிவை பெறும் போது, எஸ்.ஏ.சி., குறியீட்டை தாக்கல் செய்ய மறந்து விட்டோம். இப்போது, அதில் மாற்றம் செய்ய இயலுமா?– புகழேந்தி, வாணியம்பாடிஉங்களின் பதிவில், ‘ஆன்லைன்’ மூலம் திருத்தம் செய்து, எஸ்.ஏ.சி., குறியீடுகளை மாற்றம் செய்து கொள்ளலாம்.
சார், ஜி.எஸ்.டி., சட்டத்தின்படி, ‘ரிட்டர்ன்’ படிவ தாக்கலின் தவணை தேதிகள் குழப்பமாக உள்ளது. இதை சற்று விபரமாக கூறவும்.– ரவிச்சந்திரன், சத்தியமங்கலம்ஜி.எஸ்.டி., சட்டத்தின்படி, ‘ரிட்டர்ன்’ தாக்கல் செய்வதில், எந்த குழப்பமும் இல்லை. பெரும்பாலானோரின் சந்தேகம் இதுவாக இருப்பதால், இதை பற்றி, சற்று விரிவாக விளக்கமளிக்கிறேன். கலவை வரி திட்டத்தை தேர்வு செய்யாத வணிகர், பின்வரும் தேதிகளில், மாதாந்திர ரிட்டர்ன் தாக்கல் செய்ய வேண்டும்.
படிவம் எண் தாக்கல் செய்ய வேண்டிய தேதி விபரங்கள் அமைப்புஜி.எஸ்.டி.ஆர்., 1 அடுத்த மாதம், 10க்குள் விலைப் பட்டியல் வாரியான விற்பனை விபரங்கள் விபரங்கள் பதிவேற்றம் செய்ய வேண்டும்ஜி.எஸ்.டி.ஆர்., 2 அடுத்த மாதம், 15க்குள் கொள்முதல் விபரங்கள் தானாகவே விபரங்கள் ‘ஆன்லைன்’ மூலம் வந்துவிடும்ஜி.எஸ்.டி.ஆர்., 3 அடுத்த மாதம், 20க்குள் மாதாந்திர விற்பனை மற்றும் கொள்முதல் விபரங்கள் தானாகவே விபரங்கள் ‘ஆன்லைன்’ மூலம் வந்துவிடும்.‘காம்போசிஷன்’ வணிகர்களுக்கு:படிவம் எண் தாக்கல் செய்ய வேண்டிய தேதி விபரங்கள் அமைப்புஜி.எஸ்.டி.ஆர்., 4, 4 ஏ காலாண்டுக்கு, அடுத்த மாதம், 18க்குள் காலாண்டுக்கு கொள்முதல் மற்றும் விற்பனை விபரங்கள் பதிவேற்றம் செய்ய வேண்டும்
அனைத்து ரிட்டர்ன்களையும், ‘ஆன்லைன்’ மூலம் தாக்கல் செய்ய வேண்டும்.ஜி.எஸ்.டி., புதிய சட்டத்திற்கு மக்களை தயார் செய்து கொள்ள வேண்டிய காரணத்தால், ஜூலை – ஆக., மாதங்களில் வழங்கிய வழங்கல்களுக்கு, விலைப் பட்டியல் வாரியாக, ரிட்டர்ன் தாக்கல் செய்வதற்கு பதிலாக, எளிமைப்படுத்தப்பட்ட தகவல்களை, ஜி.எஸ்.டி.ஆர்., 3(பி) எனும் படிவத்தில், முறையே, ஆக., மற்றும் செப்., 20க்குள் தாக்கல் செய்ய வேண்டும். மேலே குறிப்பிட்ட விலைப் பட்டியல் வாரியான விபரங்கள் அடங்கிய, ஜி.எஸ்.டி.ஆர்., 1 எனும் படிவத்தை, செப்., 5க்குள் (ஜூலை மாதத்திற்கான வழங்கல்கள்) மற்றும் செப்., 20க்குள் (ஆக., மாதத்திற்கான வழங்கல்கள்) தாக்கல் செய்ய வேண்டும்.
‘ரிட்டர்ன்’ தாக்கலின் போது, பதிவு செய்யப்பட்ட நபர், பதிவு செய்யாத நுகர்வோரிடம் செய்த விற்பனையின் விபரங்களை, விலைப் பட்டியல் வாரியாக தெரிவிக்க வேண்டுமா?– ஆனந்தி, கரூர்நுகர்வோருக்கு செய்யும் விற்பனையின் விபரங்களை, விலைப் பட்டியல் வாரியாக பதிவேற்றம் செய்ய வேண்டிய அவசியமில்லை. இதுவே, வெளி மாநிலத்தில் உள்ள நுகர்வோருக்கு விற்பனை செய்யும் போது, ஒரு விலைப் பட்டியலின் தொகை, 2.50 லட்சம் ரூபாயை தாண்டினால், அதன் விபரத்தை, ‘ரிட்டர்ன்’ தாக்கலின் போது தெரிவிக்க வேண்டும்.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|