எந்த ஒரு திட்டம் அல்­லது வியூ­கம் நிறை­வேற்­றப்­பட்டால் தான் அதற்­கான பலனை அளிக்கும். ஆனால், பல­ருக்கும் திட்­டங்­களை செய­லுக்கு கொண்டு வரு­வது தான் சிக்­க­லாக இருக்­கி­றது. இந்த தடையை வெற்­றி­க­ர­மாக எதிர்­கொள்ளும் வழி­களை, ‘தி 4 டிஸிப்ளின்ஸ் ஆப் எக்­ஸி­கி­யூஷன்’ புத்­த­கத்தில் கிறிஸ் மெக்­செஸ்னி, சீன் கோவே, ஜிம் ஹுலிங் விவ­ரித்­துள்­ளனர்.பொது­வாக வர்த்­தக நிறு­வ­னங்­ களில், தலைமை பத­வியில் உள்­ள­வர்கள் தங்கள் வியூ­கத்தை வெற்­றி­க­ர­மாக செயல்­ப­டுத்த, வழி­காட்டும் வகையில் இந்த புத்­தகம் எழு­தப்­பட்­டி­ருந்­தாலும், இதில் விவ­ரிக்­கப்­படும் அடிப்­படை அம்­சங்கள் இலக்­கு­களை அடைய நினைக்கும் எவ­ருக்கும் வழி­காட்­டக்­கூ­டி­யது: அடிப்­ப­டையில் பார்த்தால் அதிகம் செய்ய முயற்­சிக்கும் போது தான் நீங்கள் மிகவும் குறை­வாக செய்­கி­றீர்கள். இதை பலரும் மறந்து விடு­கின்­றனர். கவ­னத்தை குவிப்­பது தான் எதற்கும் முக்­கி­ய­மா­னது. கையில் உள்ள எல்லா விஷ­யங்­க­ளையும் செய்ய முயற்­சிப்­பதை விட, மிகவும் முக்­கி­ய­மான ஒரு இலக்கை தேர்வு செய்ய வேண்டும். மற்ற எல்லா விஷ­யங்­களும் தற்­போ­தைய அளவில் இருந்தால் கூட, அவை எல்­லா­வற்­றையும் இரண்டாம் பட்­ச­மாக ஆக்­கக்­கூ­டிய ஒரு இலக்கை தேர்வு செய்து, அதில் கவனம் செலுத்த வேண்டும். இதை மொத்­தத்தில் முக்­கிய இலக்கு என கொள்­ளலாம். அதா­வது இப்­போ­தைக்கு வேறு எவை பற்­றியும் கவ­லைப்­ப­டாமல் இதில் மட்டும் கவனம் செலுத்­து­வது என இருக்க வேண்டும்.பல இலக்­கு­களை நிறை­வேற்ற முயற்­சிக்கும் போது எதிலும் கவனம் செலுத்த முடி­யாமல் போகலாம். ஆனால், ஒன்று அல்­லது இரண்டு இலக்­கு­களை தீர்­மா­னிக்கும் போது அவற்றில் தீவிர கவனம் செலுத்­தலாம். இலக்­கு­களை நிறை­வேற்­று­வதில் இரண்டு வகை­யான செயல்கள் இருக்­கின்­றன. ஒன்று நீங்கள் விரும்பும் இலக்­கு­க­ளின் அள­வு­கோ­லாக அமையும் செயல்கள். மற்­றொன்று இலக்கை அடை­வ­தற்­காக உங்கள் செயல்­பாட்டின் அள­வு­ கோ­லாக அமையும் செயல்கள். இந்த வகை செயல்கள் தான் வெற்­றியை நோக்கி இயக்­கு­பவை. இவற்றில் அதிக கவனம் செலுத்த வேண்டும். தினமும் செய்­யக்­கூ­டிய செயல்­களில் கவனம் செலுத்தும் போது, இலக்கை அடை­வ­தற்­கான உறுதி மேலும் அதி­க­மாகும். நீங்கள் உட­ன­டி­யாக மேம்­ப­டுத்த வாய்ப்­பில்­லாத செயலை அள­விட முயற்சி செய்தால், இலக்கை நிறை­வேற்­று­வ­தற்­கான உத்­வேகம் இல்­லாமல் போகலாம்.இலக்கை நிறை­வேற்ற முயற்­சிக்கும் போது அதற்­கான எண்­ணிக்கை பல­கையை உரு­வாக்க வேண்டும். இந்த எண்­ணிக்­கையை பார்க்கும் போது இலக்கை நோக்கி முன்­னேறும் ஊக்கம் பிறக்கும். ஓர் அணியை இயக்கும் போது, மதிப்பெண் பெறா­தது அணியில் அங்கம் வகிக்கும் ஊழி­யர்­களை முடுக்­கி­விடும்.இதன் பிறகு வாராந்­திர அடிப்ப­டையில் செயல்­களை ஆய்வு செய்ய வேண்டும். ஆய்வு செய்யத் தயா­ரா­வதன் மூலம் இலக்கை நிறை­வேற்­று­வதில் உள்ள ஈடு­பாட்­டையும் உறுதி செய்து கொள்­கி­றீர்கள். ஆய்வுக் கூட்­டத்தில் பங்­கேற்­கும்­போது, பொது­வான விஷ­யங்­களை பேசு­வதை விட, பலனை அள­வி­டக் ­கூ­டிய குறிப்­பிட்ட செயல்­களில் தான் கவனம் செலுத்த வேண்டும்.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 24,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 24,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 24,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 24,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 24,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்