பதிவு செய்த நாள்
24 ஜூலை2017
02:10
வீட்டுக் கடனுக்கான மாதத் தவணையை செலுத்தி வருபவர்கள் ஏதேனும் ஒரு கட்டத்தில், அசலை முன்கூட்டியே அடைப்பது சரியாக இருக்குமா? என யோசிக்கலாம். கடன் தவணையை தொடர்ந்து செலுத்துவதை விட, முன்கூட்டியே அசலை அடைக்க முயற்சிப்பது எந்த அளவுக்கு பலன் தருவதாக இருக்கும் என்பதன் அடிப்படையிலேயே இந்த முடிவு அமைய வேண்டும். இதற்கு மூன்று முக்கிய அம்சங்களை பரிசீலிக்க வேண்டும் என, வல்லுனர்கள் வலியுறுத்துகின்றனர்.வட்டி விகிதம்வீட்டுக்கடன் அசலை அடைக்க தீர்மானிக்கும் முன் வட்டி விகிதத்தை கவனிக்க வேண்டும் என்கின்றனர். பொதுவாக, வீட்டுக் கடனுக்கான வட்டி விகிதம், மொத்தமாக முதலீடு செய்யும் தொகைக்கான பலனைவிட குறைவாக இருந்தால், வீட்டுக் கடனை தொடர்வதே சரியாக இருக்கும் என்கின்றனர். உதாரணத்திற்கு, 10 லட்சம் ரூபாய்க்கான வீட்டுக்கடன் இருக்கிறது என வைத்துக்கொள்வோம். இந்த தொகையை அடைத்து விட்டால், வீட்டுக் கடனுக்கான மாதாந்திர வட்டித் தொகையை மிச்சம் செய்யலாம். இப்படி மிச்சமாகும் வட்டித்தொகை, 8.5 சதவீதம் என வைத்துக்கொள்வோம். இப்போது கையில் உள்ள தொகையை ஏதேனும் நிதி சாதனத்தில் முதலீடு செய்வதன் மூலம், கடனுக்கான வட்டித்தொகையை விட கூடுதல் வட்டி வருமானம் கிடைக்கும் என்றால், அந்த தொகையை முதலீடு செய்துவிட்டு, கடன் தவணையை தொடர்வதே புத்திசாலித்தனமாக இருக்கும். கடனை அடைக்க முயற்சிக்கும் போது இந்த கூடுதல் பலனை இழக்க நேரலாம்.கடன் காலம்கடனுக்கான காலத்தையும் கணக்கில் எடுத்துக் கொள்ள வேண்டும். கடனை அடைப்பதற்கான காலம் ஐந்து ஆண்டிற்கும் குறைவாக இருந்தால், வட்டியை விட அசலில் அதிகம் செலுத்தும் வாய்ப்பு இருக்கிறது. அசலைவிட வட்டிக்கான பகுதி அதிகம் இருக்கும் போது தான் முன்கூட்டியே அடைப்பது பலன் மிக்கதாக இருக்கும். மேலும், கடனை அடைக்கும் தொகையை முதலீடு செய்தால் வட்டியை விட கூடுதல் பலன் பெறும் வாய்ப்பு இருக்கலாம். ஆனால், இத்தகைய முதலீட்டில் 5 முதல் 7 ஆண்டுகள் வரை முதலீடு செய்தால் தான் எதிர்பார்த்த பலன் கிடைக்கும் என்பதையும் நினைவில் கொள்ள வேண்டும்.வரிச்சலுகைவிட்டுக் கடனுக்கு வரிச்சலுகையும் இருக்கிறது. எனவே, வருமான வரி வரம்பில் வருபவர் என்றால், வரிச்சலுகையையும் கவனத்தில் கொள்ள வேண்டும். வரிச்சலுகையை பயன்படுத்திக் கொண்ட பின், கையில் உள்ள தொகையை முதலீடு செய்வதால் அதிக பலன் கிடைக்கும் என்றால் கடனை தொடர்வதே சரியாக இருக்கும்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|