பதிவு செய்த நாள்
30 ஜூலை2017
01:25
எல்.ஐ.சி., பாலிசியின் கீழ், ஆயுள் காப்பீட்டு திட்டத்திற்கு,‘பிரீமியம்’ தொகை வசூல் செய்யும் போது அதற்கும், ஜி.எஸ்.டி., உண்டா? ஆம் எனில், இது நுகர்வோரை பாதிக்காதா?– நாராயணன், சேலம்ஏற்கனவே இருந்த சேவை வரியின் கீழ், இத்தகைய பரிவர்த்தனைக்கு வரி விதிக்கப்பட்டிருந்தது. அதே முறை, ஜி.எஸ்.டி., சட்டத்திலும் பின்பற்றி, இதற்கு வரி விதிக்கப்பட்டு உள்ளது. நீங்கள் கூறுவது போல், ஆயுள் காப்பீட்டு திட்டத்திற்கு வரியில்லாமல் இருந்தால், நுகர்வோருக்கு பலன்கிட்டும். இந்த கோரிக்கையை, தகுந்த முறையில் பிரதிநிதித்துவம் செய்தோமானால், வரியிலிருந்து விலக்களிக்க வாய்ப்புள்ளது.
சார், ஜி.எஸ்.டி., வந்த பின், சரக்கு விலைப் பட்டியலின் வரிசை எண்கள் முதலிலிருந்து துவங்க வேண்டுமா அல்லது ஏற்கனவே இருந்த, விலைப் பட்டியலின் வரிசை எண்ணை தொடரலாமா?– கண்ணப்பன், அரவங்காடுஜி.எஸ்.டி., வந்த பின், விலைப் பட்டியலின் எண்கள் முதலிலிருந்து துவங்க வேண்டுமென்ற கட்டாயம் இல்லை. நீங்கள், ஏற்கனவே பயன்படுத்தி வந்த வரிசை எண்ணை தொடரலாம்.
சேவை வழங்குனர், 18 சதவீதம், ஜி.எஸ்.டி., விதித்தால், அதற்கு பணம் செலுத்தும் போது, வருமான வரி சட்டம் – 194 ‘ஜெ’ பிரிவின் படி, பிடித்தம் செய்து, மீதித் தொகையை அளிக்கிறோம். விலைப் பட்டியலிலுள்ள, ஜி.எஸ்.டி., தொகைக்கும் வருமான வரி பிடித்தம் செய்ய வேண்டுமா?– சஞ்சய், மேட்டுப்பாளையம்சேவை வழங்குனருக்கு செலுத்த வேண்டிய தொகையில், ஜி.எஸ்.டி.,யின் மீது, வருமான வரி பிடித்தம் செய்யக் கூடாது.உதாரணமாக, சேவையின் மதிப்பு, 1 லட்சம் ரூபாய் என்றால், அவர், 18 ஆயிரம் ரூபாய், ஜி.எஸ்.டி., சேர்த்து, விலைப்பட்டியல் வழங்குவார். நீங்கள், 194 ‘ஜெ’ பிரிவின் கீழ், 10 சதவீத வருமான வரி பிடித்தம், 1 லட்சம் ரூபாய்க்கு தான் செய்ய வேண்டுமே தவிர, 1.18 லட்சம் ரூபாய்க்கு பிடித்தம் செய்யக் கூடாது. குறிப்பு: உங்களின் சேவை வழங்குனர், ஜி.எஸ்.டி.,யின் விபரத்தை, தன் வரி விலைப் பட்டியலில், தனியாக குறிப்பிட்டிருக்க வேண்டும். அவ்வாறு குறிப்பிடவில்லை என்றால், மொத்த மதிப்பிற்கும் வருமான வரி பிடித்தம் செய்ய வேண்டும்.
ஜி.எஸ்.டி., அமைப்பின் கீழ், ‘விலக்களிக்கப்பட்ட வழங்கல்’ என்றால் என்ன? இதில் வரியில்லா வழங்கலும் அடங்குமா?– ஜெகதீசன், தர்மபுரிஜி.எஸ்.டி., சட்டத்தின்படி, இந்த சொல்லிற்குதனியாக விளக்கம் உள்ளது. பின் வரும் வழங்கல்கள்,‘விலக்களிக்கப்பட்ட வழங்கல்’ என, கருதப்படும். ஐ.ஜி.எஸ்.டி., சட்டப் பிரிவு, 6/11ன் கீழ், வரியில் இருந்து முழுவதும் விலக்களிக்கப்பட்ட வழங்கல்கள் அல்லது வரியை ஈர்க்கக்கூடிய, ஆனால், வரி விகிதம் இல்லாத சரக்கு மற்றும் சேவையின் வழங்கல்கள் அல்லது வரி விதிப்பு இல்லாத வழங்கல்கள். இவை அனைத்தும், ‘விலக்களிக்கப்பட்ட வழங்கல்கள்’ என, கருதப்படும்.
நாங்கள், ‘ஸ்பின்னிங் மில்’ நடத்தி வருகிறோம். ஜூன் வரை, மத்திய கலால் வரி (சி.எஸ்.டி.,) 2 சதவீதம் கட்டி, வெளி மாநிலத்திலிருந்து பெறப்பட்ட பஞ்சு பேல்கள் ஸ்டாக் உள்ளன. இந்த, சி.எஸ்.டி., 2 சதவீத வரியை, உள்ளீட்டு வரி பயனாக பெறலாமா? அதற்கு, நாங்கள் என்ன நடைமுறைகளை மேற்கொள்ள வேண்டும்?– முருகராஜ், ராஜபாளையம்நீங்கள் செலுத்திய, 2 சதவீதம், சி.எஸ்.டி.,யை, உள்ளீட்டு வரி பயனாக பெற இயலாது. ஜி.எஸ்.டி., வருவதற்கு முன் இருந்த சட்டப் படி, இத்தகைய வரியை பயனாக பெற முடியாத காரணத்தால், இத்தகைய வரியை, உள்ளீட்டு வரி பயனாக பெற இயலாது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|