பதிவு செய்த நாள்
09 ஆக2017
08:15
சார், எங்களுடைய அலுவலகத்திற்கு, லாரி மூலம் தண்ணீர் சப்ளை செய்கின்றனர். ஒருமுறை சப்ளை செய்ய, 1,500 ரூபாய் வீதம், மாதம், 25 ஆயிரம் ரூபாய் – 30 ஆயிரம் ரூபாய் வரை, ‘பில்’ செய்கின்றனர். இதற்கு, ‘ரிவெர்ஸ் சார்ஜ்’ வரி முறை வருமா?– ஜெயலக் ஷ்மி, சென்னைதண்ணீர் சப்ளைக்கு, ஜி.எஸ்.டி., கிடையாது. எனவே, இதற்கு நீங்கள், ‘ரிவெர்ஸ் சார்ஜ்’ முறையில் வரி செலுத்த வேண்டிய அவசியம் இல்லை.
‘பி 2 பி’ சப்ளை என்றால் என்ன; ‘பி 2 சி’ சப்ளை என்றால் என்ன? தயவு செய்து விளக்கவும். உள்ளீட்டு வரி பயன் உண்டா?– தர்மராஜ், ராஜபாளையம்‘பி 2 பி’ சப்ளை என்பது, ஒரு வர்த்தகர் இன்னொரு வர்த்தகருக்கு வழங்கும் வழங்கலாகும். அதாவது, ‘பிசினஸ் டு பிசினஸ்’ ஆகும். அதுவே, ஒரு வர்த்தகர், நுகர்வோருக்கு வழங்கும் வழங்கல், ‘பி 2 சி’ அதாவது, ‘பிசினஸ் டு கன்ஸ்யூமர்’ என, அழைக்கப்படுகிறது. ‘பி 2 பி’ சப்ளை முறையில், உள்ளீட்டு வரி பயன் இருக்கும்.
ஐயா, யு.டி.ஜி.எஸ்.டி., மற்றும் ஐ.ஜி.எஸ்.டி., இவற்றிற்கு உள்ள வித்தியாசம் என்ன? யு.டி.ஜி.எஸ்.டி., எப்போது விதிக்க வேண்டும். இதில் சற்று குழப்பம் உள்ளது. இதை விளக்கவும்.
தமிழகத்தில், உள் மாநில வழங்கலில் ஈடுபடும் போது, சி.ஜி.எஸ்.டி., மற்றும் எஸ்.ஜி.எஸ்.டி., விதிக்க வேண்டும். இதுவே, யூனியன் பிரதேசங்களில், உள் மாநில வழங்கலில் ஈடுபடும் போது, சி.ஜி.எஸ்.டி., மற்றும் யு.டி.ஜி.எஸ்.டி., விதிக்க வேண்டும். தமிழகத்தில் நீங்கள் விற்பனையில் ஈடுபடும் போது, யு.டி.ஜி.எஸ்.டி., பற்றி கவலை வேண்டாம். ஒருங்கிணைந்த, ஜி.எஸ்.டி., வெளி மாநில வழங்களில் விதிக்கப்பட வேண்டும். ஒரு வழங்குனர், எந்த மாநிலத்தில் இருந்தாலும், வெளி மாநில வழங்கலில் ஈடுபடும் போது, ஐ.ஜி.எஸ்.டி., மட்டுமே விதிக்க வேண்டும்.
சார், ஜி.எஸ்.டி., சட்டத்தில், புதிய பதிவிற்காக பதிவு செய்யும் போது, இணைப்பு வரி நிலையை (காம்போசிஷன் திட்டத்தை) தேர்வு செய்ய முடியுமா அல்லது ஏற்கனவே, காம்போசிஷன் திட்டத்தில் உள்ளவர்கள் தான் இதில் சேர முடியுமா?– சாமிநாதன், மயிலாப்பூர்புதிய பதிவிற்காக நீங்கள் விண்ணப்பிக்கும் போது, காம்போசிஷன் திட்டத்தை தேர்வு செய்து கொள்ளலாம். ஏற்கனவே, இந்த திட்டத்தில் உள்ளவர்கள் தான், இதில் சேர முடியும் என்ற கூற்று தவறானது.
நாங்கள், தற்போது மூலதன பொருட்களை, வெளிநாட்டில் இருந்து இறக்குமதி செய்யும் போது, இ.பி.சி.ஜி., அனுமதியின் கீழ், வரி இல்லாமல் பெற்று வருகிறோம். ஜி.எஸ்.டி., வந்த பின், இதில் மாற்றம் இருக்குமா?– ராகவன், சென்னைஜி.எஸ்.டி., சட்டப்படி, இத்தகைய இறக்குமதிக்கு, ஒருங்கிணைந்த, ஜி.எஸ்.டி., விதிக்கப்படும். நீங்கள் அதை செலுத்தி, உள்ளீட்டு வரி பயன் பெறலாம் அல்லது அந்த தொகையை, அரசிடமிருந்து விண்ணப்பித்து திரும்ப பெறலாம்.
ஒரே நபர், இரண்டு மாநிலங்களில், ஜி.எஸ்.டி., பதிவு பெற்றிருந்தால், ஒரு மாநிலத்தில், காம்போசிஷன் திட்டத்தையும், மற்றொரு மாநிலத்தில் சாதாரண வரி நிலையையும் தேர்வு செய்ய இயலுமா?– மீனாக் ஷி கணேஷ், நங்கநல்லுார்அவ்வாறு தேர்வு செய்ய வழியில்லை. நீங்கள் காம்போசிஷன் திட்டத்தை தேர்வு செய்தால், அனைத்து மாநிலங்களிலுமே அதையே தேர்வு செய்ய வேண்டும்.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|