பதிவு செய்த நாள்
14 ஆக2017
08:17
ஒன்றுக்கும் மேற்பட்ட பான்கார்டை வைத்திருப்பது தவறு என்பது உங்களுக்கு நிச்சயம் தெரிந்து இருக்கும். ஆனால், இரண்டு பான் கார்டு பெற்றிருப்பவர்கள் தங்கள் கூடுதல் பான் கார்டை ஒப்படைப்பது அவசியம் என்பது தெரியுமா...
வருமான வரிச் சட்டத்தின்படி, ஒருவர் ஒரு பான்கார்டு மட்டுமே வைத்திருக்கலாம். ஒன்றுக்கு மேற்பட்ட பான்கார்டு வைத்திருந்தால், அதற்கான வருமான வரித் துறை நடவடிக்கை எடுத்து, அபராதம் விதிக்கலாம். அண்மையில், ஒன்றுக்கும் மேற்பட்ட பான்கார்டு வைத்திருப்பவர்கள் மீது எடுக்கப்பட்ட நடவடிக்கையில், 11 லட்சத்திற்கும் மேற்பட்ட போலி பான்கார்டுகள் முடக்கப்பட்டதாக, மத்திய அரசு தெரிவித்தது.
நிரந்தர கணக்கு எண் என குறிப்பிடப்படும் பான்கார்டு, முக்கிய ஆவணமாக இருக்கிறது. வருமான வரி கணக்கு தாக்கல் செய்யும் போது மட்டும் அல்லாமல், பல பரிவர்த்தனைகளில் பான் எண்ணை குறிப்பிடுவது அவசியம். ஒருவரே பல கார்டுகளை வைத்திருந்து ஏமாற்றுவதை தடுக்க நடவடிக்கை எடுக்கப்பட்டு வருகிறது. ஒரு சிலர் தெரியாமலே கூட, ஒன்றுக்கும் மேற்பட்ட பான் கார்டுகள் வைத்திருக்கலாம். உதாரணமாக வெளிநாட்டு வாழ் இந்தியர்களில் சிலர், இந்தியா வருகை தரும் போது, வர்த்தக நோக்கில் பான் கார்டு பெறுகின்றனர்.
அதன் பின், சில ஆண்டுகள் கழித்து, மீண்டும் வரும் போது, அவர்கள் புதிதாக விண்ணப்பித்து, பான் கார்டு பெற முயற்சிக்கலாம். அல்லது, பழைய பான் கார்டு தொலைந்து போய்விடும் நிலையில், முகவரி மாற்றம் போன்ற பிரச்னைகள் இருந்தால், பழைய எண்ணுக்கு விண்ணப்பித்து பெறுவது சிக்கலாகலாம். எனவே, புதிதாக பான் கார்டுக்கு விண்ணப்பிக்கும் வழியையும் சிலர் நாடலாம். இது போல, எந்த காரணத்திற்காக ஒன்றுக்கு மேற்பட்ட பான் கார்டு பெற்றிருந்தாலும் சரி, கூடுதல் பான் கார்டை ஒப்படைத்துவிட வேண்டும்.
இதற்காக, விரிவான நடைமுறைகள் உள்ளன. இணையம் மூலம் அல்லது நேரடியாக இதை செய்யலாம். என்.எஸ்.டி.எல்., இணையதளத்திற்கு சென்று, பான் கார்டு திருத்தம் வாய்ப்பை தேர்வு செய்து, அதில் கொடுக்கப்பட்டுள்ள நடைமுறையை பின்பற்றவும். இதற்கான கட்டணத்தை செலுத்தி, அங்கீகாரத்தையும் பெற்றுக் கொள்ள வேண்டும். இதை அச்சிட்டு அஞ்சல் மூலமும் அனுப்பி வைக்க வேண்டும். மேலும், என்.எஸ்.டி.எல்., கரெக் ஷன் மையங்களுக்கு சென்று, முறையாக கடிதம் கொடுத்து, நேரிலும் கார்டை ஒப்படைக்கலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|