பங்­குச்­சந்­தையின் போக்கு அடிப்­ப­டை­யி­லான, ‘டிப்ஸ்’கள் பற்றி கவ­லைப்­ப­டாமல், முத­லீட்­டா­ளர்கள் தங்கள் இலக்கில் கவனம் செலுத்­து­வதே சரி­யாக இருக்கும் என, நிதி வல்­லு­னர்கள் வலி­யு­றுத்­து­கின்­றனர்.

மியூச்­சுவல் பண்ட் முத­லீட்­டா­ளர்­க­ளுக்கு இது சோதனை காலம் என, நிதி வல்­லு­னர்கள் கரு­து­கின்­றனர். பங்­குச்­சந்­தையின் போக்கோ அல்­லது அதனால் ஏற்­ப­டக்­கூ­டிய பாதிப்போ இதற்கு காரணம் இல்லை. மாறாக, இந்த இரண்டின் அடிப்­ப­டையில், சந்­தையில் சொல்­லப்­படும் ஆலோ­ச­னை­களால், முத­லீட்­டா­ளர்கள் தவ­றான முடி­வுக்கு தள்­ளப்­படும் நிலையை மனதில் கொண்டே, இவ்­வாறு சொல்­கின்­றனர். பல முத­லீட்­டா­ளர்கள் தவ­றான ஆலோ­ச­னை­களால் குழப்பம் அடைந்­தி­ருப்­ப­தோடு, அவ­ச­ர­மான முடி­வு­களை எடுப்­ப­தா­கவும் நிதி வல்­லு­னர்கள் கவலை தெரி­விக்­கின்­றனர்.

கரெக் ஷன் எப்­போது?
இந்தாண்டு பங்­குச்­சந்தை புதிய உச்­சத்தை தொட்­டி­ருக்­கி­றது. கடந்த வாரம் சரிவை சந்­தித்­தாலும், அண்மை காலங்­களில் சென்செக்ஸ், நிப்டி இரண்டு குறி­யீ­டு­க­ளுமே, 32 ஆயிரம் புள்­ளிகள் மற்றும் 10 ஆயிரம் புள்­ளி­களை கடந்­து உள்ளன. சந்­தையின் இந்த போக்­கிற்கு பல கார­ணங்கள் உள்­ளன. இவை தொடர்­பான அல­சல்கள் ஒரு­பக்கம் இருக்க, பங்­குச்­சந்தையின் போக்கை அடிப்­படை­யாக கொண்டு நடை­பெறும் விவா­தங்­களும், ஆலோ­ச­னை­களும் சிறு முத­லீட்­டா­ளர்­களை, குறிப்­பாக மியூச்­சுவல் பண்ட் முத­லீட்­டா­ளர்­களை கவ­லையில் ஆழ்த்­து­வ­தாக அமைந்­துள்­ளன.

பங்­குச்­சந்தை போக்கு தொடர்­பான கணிப்பின் அடிப்­ப­டையில், விரைவில் கரெக் ஷன் நிக­ழலாம் என, ஒரு­த­ரப்­பினர் கூறி வரு­கின்­றனர். கரெக் ஷன் என்­பதை, உச்­சத்தை தொட்ட சந்­தையில் ஏற்­படும் சரிவு என புரிந்து கொள்­ளலாம். இத்­த­கைய கரெக் ஷன் தொடர்­பான ஆரூடங்கள் மட்டும் அல்­லாமல், அப்­படி நிகழ்­வ­தற்கு முன் லாபம் பார்க்க வேண்டும் என கூறப்­படும் ஆலோ­சனை, முத­லீட்­டா­ளர்­களை பாதித்­துள்­ளது. அதிலும் குறிப்­பாக, புதிய முத­லீட்­டா­ளர்­களை பதற்­றத்தில் ஆழ்த்­தி­யுள்­ளது. அவர்­களில் சிலர், தாங்கள் முத­லீடு செய்­துள்ள திட்­டங்­களில் இருந்து வெளி­யே­று­வது அல்­லது முத­லீட்டு வாய்ப்பை மறு­ப­ரி­சீ­லனை செய்­வது போன்­ற­வற்றில் ஈடு­பட்­டி­ருப்­ப­தாக, நிதி வல்­லு­னர்கள் கூறு­கின்­றனர். இன்னும் பலர், மாதக்­க­ணக்கில் இத்­த­கைய கரெக் ஷன் எதிர்­பார்த்து குழப்­பத்­துடன் இருப்­ப­தா­கவும் சொல்­கின்­றனர்.

சந்­தையில் உலா வரும் கருத்­துக்­களின் அடிப்­ப­டையில், முத­லீட்டு முடிவை மேற்­கொள்­வது அல்­லது மாற்­று­வதை விட, தவ­றான செயல் வேறு இருக்க முடி­யாது என்­பதே, நிதி வல்­லு­னர்கள் உறு­தி­யாக தெரி­விக்கும் கருத்­தாக இருக்­கி­றது.

வழி­காட்டும் இலக்கு:
சந்தை உய­ரத்தில் இருக்கும் போது, பங்­கு­களை விற்று வெளி­யே­று­வது புத்­தி­சா­லித்­த­ன­மா­னது என கூறப்­பட்­டாலும், மியூச்­சுவல் பண்ட் முத­லீட்­டா­ளர்கள் இது போன்ற ஆலோ­ச­னை­களை போட்டு குழப்­பிக் ­கொள்­ளக்­கூ­டாது என்­கின்­றனர். மியூச்­சுவல் பண்ட் முத­லீட்­டா­ளர்கள், தாங்கள் முத­லீடு செய்­துள்ள திட்­டங்­களின் பலன் எதிர்­பார்த்த அள­வுக்கு அமை­யாத நிலையில் மட்டும் தான், தங்கள் முடி­வு­களை பரி­சீ­லனை செய்ய வேண்­டுமே தவிர, சந்­தையின் ஏற்ற இறக்­கத்­திற்கு ஏற்ப அல்ல என புரிந்து கொள்ள வேண்டும்.இது போன்ற நேரங்­களில், முத­லீட்­டா­ளர்­க­ளுக்கு அவர்­களின் இலக்கே வழி­காட்­டி­யாக அமைய வேண்டும் என்­கின்­றனர். பெரும்­பா­லான முத­லீட்­டா­ளர்கள், இலக்கு சார்ந்து முத­லீடு செய்­யா­ததே தவ­றான ஆலோ­ச­னை­களால் ஊச­லாட நேர்­கி­றது என்கின்றனர்.

இல­வச ஆலோ­சனை:
சம­பங்கு சார்ந்த மியூச்­சுவல் பண்ட் முத­லீடு எனில், நீண்ட கால நோக்கில் இருந்தால் நல்­லது. இடைப்­பட்ட காலத்தில் ஏற்­படும் ஏற்ற இறக்­கங்கள் குறித்து, அதிகம் அலட்டிக் கொள்ள வேண்டாம். உண்­மையில் முத­லீட்­டா­ளர்கள் தங்கள் நோக்­கத்­திற்கு ஏற்ப, நிதி திட்­டங்­களை தேர்வு செய்து முத­லீடு செய்ய வேண்டும். சந்­தையில் உலா வரும் இல­வச ஆலோ­ச­னைகள், தங்­க­ளுக்­கா­னவை அல்ல என்­பதை முத­லீட்­டா­ளர்கள் உணர வேண்டும். முத­லீட்டை முடித்துக் கொண்டு வெளி­யேற வேண்டும் என பரி­சீ­லிப்­பது, முத­லீட்­டிற்­கான இலக்கு, காலம் நெருங்கி வரும் நிலையில் தான் பொருத்­த­மாக இருக்கும் என்­கின்­றனர். புதிய முத­லீட்­டா­ளர்­க­ளுக்கு இது பொருந்­தாது. அதே போல, புதி­தாக முத­லீடு செய்­ப­வர்கள், சந்­தையின் உச்சம் பற்றி எல்லாம் கணக்கு போட்டுக் கொண்­டி­ருக்­காமல், முத­லீடு மூலம் தாங்கள் அடைய விரும்­பு­வது என்ன எனும் கேள்­விக்கு ஏற்ற நிதி­களில் முத­லீடு செய்­வதே, பொருத்­த­மாக இருக்கும் என்­கின்­றனர்.
நிரந்­தர ‘டிப்ஸ்’* சந்­தையின் ஏற்ற இறக்கம் தொடர்­பான கூச்­சலை அலட்­சியம் செய்க* முத­லீட்டை தொட­ரு­வது என்­பது, இலக்கு சார்ந்த முடி­வாக இருக்க வேண்டும்* இலக்கை நிறை­வேற்­றக்­கூ­டிய அம்­சங்­களின் அடிப்­ப­டையில், முத­லீடு வாய்ப்பை தேர்வு செய்ய வேண்டும்* நீண்ட கால முத­லீடே பலன் தரும்

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 14,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 14,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 14,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 14,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 14,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்