பதிவு செய்த நாள்
25 ஆக2017
07:47
இணக்க வரி திட்டத்தை, தவறுதலாக தேர்வு செய்து விட்டேன். தற்போது, நான், சாதாரண வரி நிலையை தேர்வு செய்ய விரும்புகிறேன். அதற்கு என்ன வழி?– மணி குமார், இளையான்குடிஇணக்க வரி திட்டத்தை தேர்வு செய்த நபர், அதை ரத்து செய்துவிட்டு, மீண்டும், சாதாரண வரி நிலையை தேர்வு செய்ய முடியாது. உங்களுடைய வழங்கல் தொகை, 75 லட்சம் ரூபாயை தாண்டும் போது, உங்களால், சாதாரண வரி நிலையை தேர்வு செய்ய முடியும்.
ஐயா, உங்களது இந்த சேவை, மேலும் சிறக்க வாழ்த்துகள். நாங்கள், ஜி.எஸ்.டி., பதிவு பெற்றுள்ளோம். எங்களது உற்பத்தி பொருளை, பதிவு பெறாத நபருக்கு சப்ளை செய்யும் போது, நாங்கள் செய்ய வேண்டியது என்ன? தயவுசெய்து விளக்கவும்.– எம்.ஆர்.அசோசியேட்ஸ், திருச்செங்கோடுவாழ்த்துக்கு நன்றி. பதிவு பெறாத நபருக்கு சப்ளை செய்யும் போது, ஜி.எஸ்.டி., சட்டத்தில், எந்த கட்டுப்பாடும் விதிக்கவில்லை. நீங்கள், உங்களுடைய வரி விலைப் பட்டியலில், வரி வசூலித்து, அரசுக்கு செலுத்த வேண்டும். பொதுவாக, பதிவு செய்யாத நபருக்கு விற்பனை செய்தால், உள்ளீட்டு வரி பயன் பெறுவதில், சிக்கல் இருக்கும் என, பலர் நினைக்கின்றனர். இது, முற்றிலும் தவறான கருத்து. பதிவு பெறாத நபருக்கு விற்பனை செய்தாலும், உங்களுடைய உள்ளீட்டு வரி பயனில், எந்த பாதிப்பும் இருக்காது.
சார், நாங்கள், கூட்டாண்மை நிறுவனம் ஒன்றை நடத்தி வருகிறோம். இதற்கு, ஜி.எஸ்.டி., பதிவு பெற்று விட்டோம். தற்போது, எங்களுடைய பார்ட்னர்களில் ஒருவர், தனியாக ஒரு நிறுவனத்தை, அவருடைய பெயரில் துவங்க இயலுமா? அதற்கு, ஜி.எஸ்.டி., பதிவு பெறுவதில் சிக்கல் ஏதேனும் இருக்குமா?– ஜெயராஜ், தேனிதாராளமாக துவங்கலாம். அவர், ஜி.எஸ்.டி., பதிவை பெறுவதில், எந்த சிக்கலும் இருக்காது. உங்களுடைய கூட்டாண்மை நிறுவனத்தின், ஜி.எஸ்.டி., பதிவெண் என்பது, அதன், ‘பான்’ எண்ணை பொறுத்து இருக்கும். தற்போது, உங்களுடைய பார்ட்னர் நிறுவனம் துவங்கினால், அதன், ஜி.எஸ்.டி., எண், அவருடைய, ‘பான்’ எண்ணை பொறுத்து இருக்கும்.
நான், தகவல் தொழில்நுட்ப நிறுவனத்தில், ‘அக்கவுன்ட்ஸ்’ துறையில் உள்ளேன். என் நிறுவனத்தின் துணை நிறுவனம், சிங்கப்பூரில் உள்ளது. அந்நிறுவனம், எங்களுக்கு இலவசமாக, சில தொழில்நுட்ப உதவிகளும், தொழில்நுட்ப அதிகாரிகளையும், இந்தியாவிற்கு அனுப்பி வருகிறது. அவர்கள் அளிக்கும் இந்த சேவைக்கு வரி உண்டா? ஆம் எனில், எத்தனை சதவீதம் செலுத்த வேண்டும்?– ஜம்புநாதன், உத்தண்டிசிங்கப்பூரில் உள்ள உங்களுடைய துணை நிறுவனம், உங்களுக்கு இலவசமாக, மேற்குறிப்பிட்ட சேவைகளை செய்தாலும், அதற்கு நீங்கள், ‘ரிவெர்ஸ் சார்ஜ்’ முறையில், ஒருங்கிணைந்த, ஜி.எஸ்.டி., செலுத்த வேண்டும். இதே விதமான சேவையை, தொடர்பு அல்லாத நபருக்கு, உங்கள் துணை நிறுவனம் செய்தால், எவ்வளவு தொகை சேவை கட்டணமாக விதிக்கப்படுமோ, அத்தகைய தொகையில், 18 சதவீதம் வரி செலுத்த வேண்டும். அதை, நீங்கள் உள்ளீட்டு வரி பயனாக பெற்றுக் கொள்ள முடியும்.
இ.பி.சி.ஜி., சலுகை முறையில், மூலதன இயந்திரங்களை இறக்குமதி செய்யும் போது, செலுத்த வேண்டிய அனைத்து வரியிலிருந்தும் விலக்கு அளிக்கப்படுமா?– பெஞ்சமின், பெங்களூருஇ.பி.சி.ஜி., சலுகை முறையில், இறக்குமதி செய்யும் போது, நீங்கள் செலுத்த வேண்டிய சுங்க வரியிலிருந்து விலக்கு அளிக்கப்படும். நீங்கள், ஒருங்கிணைந்த, ஜி.எஸ்.டி., செலுத்த வேண்டும். அதற்கு, விலக்கு இல்லை. ஆனால், அவ்வாறு செலுத்திய, ஒருங்கிணைந்த, ஜி.எஸ்.டி.,யை, 100 சதவீதம் உள்ளீட்டு வரி பயனாக பெறலாம்.
-ஜி.சேகர், எப்.சி.ஏ., ஆடிட்டர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|