ஜி.எஸ்.டி., போர்ட்­ட­லில், டிரான் – 1 படி­வம் வெளி­வந்து விட்­டதா? அது, போர்ட்­ட­லில் எந்த இடத்­தில் உள்­ளது. ‘வாட்’ இன்­வாய்சை, ‘ஸ்கேன்’ செய்து, ‘அப்­லோடு’ செய்ய வேண்­டுமா?– ராமச்­சந்­தி­ரன், மதுரை

ஜி.எஸ்.டி., போர்ட்­ட­லில், டிரான் – 1 படி­வம் தாக்­கல் செய்ய வழி­வகை செய்­யப்­பட்டு உள்­ளது. நீங்­கள், ‘ரிட்­டர்ன்’ எனும் பகு­திக்­குள்சென்­றால், டிரான் – 1 படி­வத்­தின் விப­ரங்­கள் வரும். அதை நிரப்பி, மின்­னணு மூலம் தாக்­கல் செய்­ய­லாம். நீங்­கள் குறிப்­பிட்­டதுபோல, ‘வாட்’ இன்­வாய்சை, ‘ஸ்கேன்’ செய்து, ‘அப்­லோடு’ செய்ய வேண்­டும் என்­கிற அவ­சி­ய­மில்லை. நீங்­கள், அதன் விப­ரங்­களை குறிப்­பிட்­டால் போது­மா­னது.

சார், நாங்­கள், 3பி ரிட்­டர்ன் தாக்­க­லின் போது, உள் வழங்­க­லின் விப­ரங்­க­ளுக்கு பதி­லாக, ‘ரிவெர்ஸ் சார்ஜ்’ விப­ரங்­களை தாக்­கல் செய்து விட்­டோம். இதை எவ்­வாறு சரி செய்­வது?– செந்­தில் குமார், துாத்துக்­குடி

இதை போன்று, பலர் கேள்வி எழுப்பி உள்­ள­னர். ஒரு­வேளை, 3பி ரிட்­டர்ன் தாக்­க­லில், தவ­றாக விப­ரங்­களை குறிப்­பிட்­டால், அதை, ‘ரிவைஸ்டு ரிட்­டர்ன்’ எனப்­படும், திருத்­தப்­பட்ட ரிட்­டர்ன் படி­வம் தாக்­கல் செய்ய இய­லாது. சட்­டத்­தில், அதற்கு வழி­வகை செய்­ய­வில்லை. அத்­த­கைய தவ­றான விப­ரங்­களை, நாம், ஜூலை மாதத்­திற்­கான, ஜி.எஸ்.டி.ஆர்., 1 அல்­லது ஜி.எஸ்.டி.ஆர்., 2 படி­வம் தாக்­கல் செய்­யும் போது, திருத்­திக் கொள்­ள­லாம். தவ­றான விப­ரங்­களை தாக்­கல் செய்­த­தற்­காக, அப­ரா­தம் விதிக்­கப்­பட மாட்­டாது.

சார், நாங்­கள், சமை­யல் பாத்­தி­ரங்­கள் விற்­ப­னை­யில் உள்­ளோம். இணக்க வரி நிலையை தேர்வு செய்­துள்­ளோம். நாங்­கள் விற்­பனை செய்­யும் அனைத்து வரி விலைப் பட்­டி­ய­லி­லும், எங்­க­ளது, ஜி.எஸ்.டி., எண்னை குறிப்­பிட வேண்­டுமா அல்­லது கம்­பெனி போன்ற பதிவு செய்­யப்­பட்ட நபர்­க­ளுக்கு அளிக்­கும் வழங்­க­லில் மட்­டும் குறிப்­பிட்­டால் போதுமா?– கரண், சென்னை

இணக்க வரி திட்­டத்தை தேர்வு செய்­தா­லும், நீங்­கள், பதிவு பெற்ற நபர் என்ற நிலையை பெறு­வீர்­கள். எனவே, நீங்­கள் எழுப்­பும் அனைத்து விலைப் பட்­டி­ய­லி­லும், தங்­க­ளு­டைய, ஜி.எஸ்.டி., எண்ணை குறிப்­பிட வேண்­டும். மேலும், தங்­க­ளால் வரி வசூல் செய்ய இய­லாது. எனவே, தங்­க­ளு­டைய விலைப் பட்­டி­ய­லில், ‘டாக்ஸ் இன்­வாய்’ என, குறிப்­பி­டு­வ­தற்கு பதில், ‘பில் ஆப் சப்ளை’ எனக் குறிப்­பிட்டு, வரி வசூல் செய்­யா­மல் வழங்க வேண்­டும்.

நான், கணினி மென்­பொ­ருள் உரு­வாக்­கும் சேவை­யில், என் நிறு­வ­னத்­தின் மூலம் ஈடு­பட்­டு­ளேன். நான், வெளி­நாட்­டில் உள்ள நிறு­வ­னங்­க­ளுக்கு, ‘சாப்ட்­வேர்’ செய்து தரு­கி­றேன். இந்­தி­யா­வில், எந்த விற்­ப­னை­யும் இல்லை. நான், ஜி.எஸ்.டி., பதிவு செய்ய வேண்­டுமா?– தானப்­பன், சென்னை

நீங்­கள், இந்­தி­யா­வில் வழங்­க­லில் ஈடு­ப­ட­வில்­லை­யென்­றா­லும், வெளிநாட்­டிற்கு ஏற்­று­மதி செய்­வ­தால், அது, வெளி­மா­நில வழங்­க­லாக கரு­தப்­படும். எனவே, நீங்­கள், ஜி.எஸ்.டி., பதிவு செய்­தல் அவ­சி­யம். எனக்கு, ‘இன்­புட் டாக்ஸ்’ அதி­க­மாக உள்­ளது. உதா­ர­ண­மாக, உள்­ளீட்டு வரி, 3 லட்­சம் ரூபாய் உள்­ளது. ‘அவுட் புட் டாக்ஸ்’ 2 லட்­சம் ரூபாய் தான் உள்­ளது. அதி­கப்­ப­டி­யான உள்­ளீட்டு தொகையை, எவ்­வாறு திரும்­பப் பெறு­வது?– ஜெய­கு­மார், கோவை

தங்­க­ளி­டம் உள்ள அதி­கப்­ப­டி­யான உள்­ளீட்டு தொகையை திரும்­பப் பெற இய­லாது. நீங்­கள், அந்த தொகையை, அடுத்த மாதங்­களில் செலுத்த வேண்­டிய வரி­யு­டன் கழித்­துக் கொள்­ள­லாம். இதற்கு எந்த கட்­டுப்­பா­டும் இல்லை.
நாங்­கள், கள்­ளக்­கு­றிச்­சி­யில், ‘ரீடெய்ல்’ கடை நடத்தி வரு­கி­றோம். எங்­க­ளது ஆண்டு வரு­மா­னம், 60 லட்­சம் ரூபாய். நாங்­கள் இது­வரை, ஜி.எஸ்.டி., பதிவு பெற­வில்லை. தற்­போது, இணக்க வரி தேர்வு செய்ய இய­லுமா? 1 சத­வீ­தம் வரி வசூல் செய்ய முடி­யுமா?– பத்­மா­வதி ஏஜன்­சிஸ், கள்­ளக்­கு­றிச்சி

நீங்­கள், புதிய பதிவு பெறு­வ­தற்கு, மின்­னணு முறை­யில் விண்­ணப்­பிக்­க­லாம். அதில், இணக்க வரி நிலையை தேர்வு செய்­ய­லாம். இணக்க வரி தேர்வு செய்த, பதிவு செய்­யப்­பட்ட நபர், வரி வசூல் செய்­யக் கூடாது. சாதா­ரண வரி நிலையை தேர்வு செய்த நபர் மட்­டுமே, வரி வசூல் செய்து, அர­சுக்கு செலுத்த முடி­யும்.
நாங்­கள், வாட­கைக்கு கார் தரும் நிறு­வ­னம் நடத்தி வரு­கி­றோம். மும்பை நிறு­வ­னம் ஒன்று, தமி­ழ­கத்­திற்கு வரும் பிர­தி­நி­தி­க­ளுக்கு உப­யோ­கப்­ப­டுத்­தும் கார்­க­ளுக்கு, மும்பை விலா­சத்­தில், ‘பில்’ செய்­யும் போது, வரி எப்­படி வசூ­லிக்க வேண்­டும்?– சுப்­ர­ம­ணி­யன், கோவை

நீங்­கள், பதிவு செய்­யப்­பட்ட நப­ருக்கு வழங்­கும் இந்த சப்ளை, வெளி­மா­நில வழங்­க­லாக கரு­தப்­படும். எனவே, நீங்­கள், ஒருங்­கி­ணைந்த ஜி.எஸ்.டி., விதிக்க வேண்­டும்.
சார், இணக்க வரியை தேர்வு செய்த நபர், அவ­ரு­டைய உச்ச வரம்பு, 75 லட்­சம் ரூபாயை தாண்­டி­ய­வு­டன், சாதா­ரண வரி நிலைக்கு மாற்­றப்­பட்­டால், அவர் வழங்­கிய மொத்த வழங்­க­லுக்­கும், சாதா­ரண முறை­யில் வரி செலுத்த வேண்­டுமா அல்­லது அதி­கப்­ப­டி­யான தொகைக்கு மட்­டும், சாதா­ரண முறை­யில் வரி செலுத்­தி­னால் போதுமா?– ராக­வேந்­தி­ரன், சேலம்

அவர் வழங்­கிய அதி­கப்­ப­டி­யான வழங்­க­லுக்கு மட்­டும், ஜி.எஸ்.டி., வசூல் செய்து செலுத்த வேண்­டும். மொத்த வழங்­கல்­க­ளுக்­கும், சாதா­ரண நிலை­யில் வரி செலுத்த வேண்­டிய அவ­சி­ய­மில்லை.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஆகஸ்ட் 27,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஆகஸ்ட் 27,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஆகஸ்ட் 27,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஆகஸ்ட் 27,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஆகஸ்ட் 27,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்