பதிவு செய்த நாள்
02 செப்2017
00:19
சார், நாங்கள், ஜி.எஸ்.டி., ஆர்.3பி ரிட்டர்ன் தாக்கல் செய்யும் போது, சி.ஜி.எஸ்.டி., மற்றும் எஸ்.ஜி.எஸ்.டி., தொகைக்கு பதிலாக, ஐ.ஜி.எஸ்.டி., என்று தவறாக பதிவேற்றம் செய்து விட்டோம். இதை திருத்திக்கொள்ள வழி உள்ளதா?–அப்லாண்ட் கார்ப்போரேட், சென்னை
நீங்கள் தாக்கல் செய்த ரிட்டர்ன் படிவத்தில் மாற்றங்கள் செய்ய இயலாது. ஜூலை மாத வழங்கல்களுக்கு, மாத ரிட்டர்ன் ஜி.எஸ்.டி ஆர்.1 தாக்கல் செய்யும்போது, சரியான விபரத்தை குறிப்பிட்டு கணக்கை சரி செய்து கொள்ளலாம்.
*********
சார், ஜி.எஸ்.டி., ஆர்.3பி ரிட்டர்ன் ஒவ்வொரு மாதமும் தாக்கல் செய்ய வேண்டுமா?–மாதவன், நிலக்கோட்டை
ஜி.எஸ்.டி., எனும் புதிய சட்டத்திற்கு வணிகர்களை தயார் செய்வதற்கு ஏதுவாக, அனைத்து தகவல்களும் அடங்கிய முழுமையான ரிட்டர்ன் படிவத்திற்கு பதில், எளிமைப்படுத்தப்பட்ட, ஜி.எஸ்.டி., ஆர்.3பி ரிட்டர்ன் தாக்கல் செய்ய வேண்டும். இந்த ரிட்டர்ன், ஜி.எஸ்.டி., அமல்படுத்திய ஜூலை மாதத்திற்கான வழங்கல்களுக்கு மட்டும் பொருந்தும். இதை ஒவ்வொரு மாதமும் தாக்கல் செய்ய வேண்டாம்.
*********
பதிவு செய்யாத நபரிடம், ஜாப் ஒர்க் முறையில் சேவைகளை பெறும்போது, ரிவெர்ஸ் சார்ஜ் முறையில் வரி செலுத்தவேண்டும் என்று கூறியிருந்தீர்கள். இத்தகைய சேவைக்கான பில், நாங்கள் உருவாக்க வேண்டுமா, அல்லது ஜாப் ஒர்க் செய்யும் நபர் அளிக்க வேண்டுமா?திருவண்ணாமலை, அருப்புக்கோட்டை
வணிக ரீதியாக, ஜாப் ஒர்க் செய்யும் பதிவு பெறாத நபர், பில் அளிப்பார். அதற்கு நீங்கள் பணம் செலுத்துவீர்கள். இதில் மாற்றம் இல்லை. இத்தகைய பரிவர்த்தனைக்கு ரிவெர்ஸ் சார்ஜ் முறையில் ஜி.எஸ்.டி., வரி செலுத்துவதற்காக, நீங்கள் வரி விலைப் பட்டியலை உங்கள் பெயரில் உருவாக்கி வைத்துக்கொள்ள வேண்டும். இதை, ‘செல்ப் இன்வாய்சிங்’ என குறிப்பிடுவர்.
*********
ஐயா, என்னுடைய இருசக்கர வாகனத்தை பராமரிப்புக்காக, கம்பெனி சர்வீஸ் சென்டரில் கொடுத்த போது, பில்லில், ஜி.எஸ்.டி., தொகையை சேர்த்திருந்தனர். அந்த ஜி.எஸ்.டி., தொகையை நான் திரும்ப பெற முடியுமா? முடியுமெனில் அதற்கு என்ன செய்ய வேண்டும்?அருள்ஜோதி, திருப்பூர்
உங்களின் ஜி.எஸ்.டி., பதிவு குறித்து நீங்கள் எந்த விபரமும்அளிக்கவில்லை. ஒருவேளை, நீங்கள், ஜி.எஸ்.டி., பதிவு செய்யப்பட்ட நபர் என்றால், உங்களின் வணிகத்திற்காக வாகனத்தை உபயோகிக்கிறீர்கள் என்றால், அதன் பராமரிப்பு செலவில்,செலுத்திய ஜி.எஸ்.டி., வரியை உள்ளீட்டு வரிப் பயனாக பெறலாம். நீங்கள் உங்களின் பதிவு எண்ணை குறிப்பிட்டு பில் பெறவேண்டும். நீங்கள் பதிவு செய்யப்படாத நபராக இருப்பின், செலுத்திய தொகையை திரும்ப பெற இயலாது.
*********
நான் வெளிநாட்டு நிறுவனங்களுக்கு ஆலோசனை அளிக்கிறேன். ஜி.எஸ்.டி., பதிவும் பெற்றுவிட்டேன். வெளிநாட்டு நிறுவனங்கள், என் வங்கி கணக்கிற்கு பணத்தை டாலராக அனுப்புகின்றன, அதை இந்திய ரூபாயாக மாற்றுவதற்கு வங்கி கட்டணம் வசூலிக்கிறது. அதில் ஜி.எஸ்.டி., வரியும் விதிக்கின்றனர். அந்த வரி தொகையை நான் உள்ளீட்டு வரிப் பயனாக பெறலாமா?கணபதி, தி.நகர்
நீங்கள் வங்கி கட்டணத்தில் செலுத்திய, ஜி.எஸ்.டி., தொகையை உள்ளீட்டு பயனாகப் பெறலாம். இதற்கு தடையொன்றும் இல்லை.
*********
நாங்கள் திருவள்ளூர் அருகே, எங்களுடைய தொழிற்சாலையில் சுகாதார மையம் ஒன்றை வைத்துள்ளோம். அதில் உள்ள மருத்துவர் மற்றும் செவிலியர்களுக்கு ஒப்பந்தக்காரர்கள் மூலம் பணம் செலுத்துகிறோம். மருத்துவர் மற்றும் செவிலியர்களுக்கு செலுத்தும் தொகையில், ஜி.எஸ்.டி., வரி வருமா?கமலக்கண்ணன், திருவள்ளூர்
பதிவு பெற்ற மருத்துவரது சேவைக்கு, ஜி.எஸ்.டி., வரியிலிருந்து விலக்கு அளிக்கப்பட்டுள்ளது.
- ஜி.சேகர், எப்.சி.ஏ., ஆடிட்டர்
மேலும் பொது செய்திகள்
|
Advertisement
|
Advertisement
|
Advertisement
|
|
|
|