பதிவு செய்த நாள்
10 செப்2017
23:47
இந்திய பங்குச் சந்தைகள், கடந்த வாரம் சரிவில் முடிவடைந்தன. தேசிய பங்குச் சந்தை குறியீடான, நிப்டி, 50 புள்ளிகள் குறைந்து, 9,934 என்ற நிலையில், கடந்த வெள்ளியன்று அதன் வர்த்தகம் முடிவுற்றது.
இந்த வாரம் சந்தை மற்றும் பங்குகளின் போக்கு, செவ்வாய் மற்றும் வியாழக் கிழமைகளில் வெளிவர உள்ள பொருளாதார காரணிகளை பொறுத்தே அமையும்.சர்வதேச சந்தையை பொறுத்தவரை, 2008 முதல் 2016 வரை ஏற்பட்ட பொருளாதார மந்த சூழல் தற்போது மாறி வருகிறது. அமெரிக்க மொத்த உள்நாட்டு உற்பத்தி, 3 சதவீதம் அளவுக்கு வளர்ச்சி அடைந்துள்ளது. மேலும், ஐரோப்பிய நாடுகள் மற்றும் சீனாவின் மொத்த உள்நாட்டு உற்பத்தியும் வளர்ச்சி காண்கிறது. இது சர்வதேச பங்குச் சந்தைகளை ஊக்குவிக்கும்.
இச்சூழலில், இந்திய பொருளாதார காரணியான, மொத்த உள்நாட்டு உற்பத்தி, கடந்த இரண்டு ஆண்டுகளைக் காட்டிலும் குறைவாக இருக்கிறது. மேலும், நடப்பு நிதியாண்டின், இரண்டாம் காலாண்டு மொத்த உற்பத்தி வளர்ச்சியும் இல்லை. வரும் செவ்வாயன்று வெளிவர உள்ள தொழிற்துறை வளர்ச்சி குறியீடான, ஐ.ஐ.பி., ஜூலை மாதத்தை பொறுத்தவரை, குறைவாகவே காணப்படும். ஜூன் மாதத்திலும் இக்குறியீடு, 0.1 சதவீதம் குறைவாகவே இருந்தது.
மேலும் வியாழன் அன்று வெளிவர உள்ள, ஆகஸ்ட் மாத மொத்த விலை குறியீடான, டபுள்யு.பி.ஐ., 2.1 சதவீதம் அளவுக்கு உயரும் என எதிர்பார்க்கப்படுகிறது.சி.பி.ஐ., மற்றும் டபுள்யு.ஐ.பி., இரண்டும் உயரும் போக்கு உள்ள நிலையில், வரும் அக்டோபர் மாதம் கூடும், ரிசர்வ் வங்கி கூட்டத்தில், வட்டிவிகிதம் குறைவதற்கான வாய்ப்பு இல்லை.தற்போது உள்நாட்டு முதலீட்டாளர்கள் அதிகளவில் பங்குகள் மீது முதலீடு செய்கின்றனர். இதன் காரணமாக சந்தை வலுவிழக்காமல், சராசரி நிலையில் வர்த்தகமாகிறது.
ஆகஸ்ட் 18 முதல் இதுவரை, நிப்டி 100 புள்ளிகள் அளவுக்கு ஏற்ற இறக்க நிலையில் உள்ளது. கடந்த ஆகஸ்ட் மாதத்தில், வெளிநாட்டு முதலீட்டாளர்கள், 20 ஆயிரம் கோடி ரூபாய் அளவுக்கு விற்பனை செய்ததும் அதே அளவிற்கு உள்நாட்டு முதலீட்டாளர்கள் கொள்முதல் செய்ததும் குறிப்பிடத்தக்கது.வடகொரியாவின் ஏவுகணை தாக்குதல் சந்தையில் பெரிய மாற்றத்தை உண்டாக்கும். இந்த வாரம், நிப்டி ரெசிஸ்டென்ஸ், 10,010 மற்றும் 10,050 ஆகும். ஏதேனும் பாதகமான செய்தி வந்து, நிப்டி குறையும்பட்சத்தில், 9,850 மற்றும் 9,685 நல்ல சப்போர்ட் ஆகும்.
கவனிக்க வேண்டிய பங்குகள்ஹேவல்ஸ், வொண்டர்லா, ஆர்.சி.எப்., ஐ.சி.ஐ.சி.ஐ., பேங்க், அசோக் லேலாண்டு
-முருகேஷ் குமார்
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|