புதுடில்லி : டி.வி.எஸ். ஜூப்பிட்டர் விற்பனையில் இந்தியாவில் புதிய மைல்கல்லை எட்டியுள்ளது. இந்தியாவில் வெளியான நான்கே ஆண்டுகளில் 20 லட்சம் பேர் டி.வி.எஸ். ஜூப்பிட்டரை வாங்கியுள்ளனர். ஹோன்டா ஆக்டிவா மாடலுக்கு அடுத்த இடத்தில் அதிகம் விற்பனையாகும் ஸ்கூட்டராக டி.வி.எஸ். ஜூப்பிட்டர் இருக்கிறது.
இந்தியாவில் பிரபல இரண்டு மற்றும் மூன்று சக்கர வாகன தயாரிப்பு நிறுவனமாக டி.வி.எஸ். மோட்டார் கம்பெனி அறிமுகம் செய்த அபாச்சி, ஆர்டிஆர், விக்டர் மற்றும் ஜூப்பிட்டர் உள்ளிட்டவை நல்ல வரவேற்பை பெற்று வருகின்றன. அந்தவகையில், வெளியான நான்கே ஆண்டுகளில் 20 லட்சம் ஜூப்பட்டர்களை விற்றுள்ளதாக டி.வி.எஸ். தெரிவித்துள்ளது.
2013-ம் ஆண்டு இந்திய சந்தையில் அறிமுகம் செய்யப்பட்ட டி.வி.எஸ். ஜூப்பிட்டர் அதிவேகமாக 10 லட்சம் யுனி்ட்களை விற்பனை செய்த ஸ்கூட்டர் என்ற பெருமையை பெற்றது. வெளியான முப்பது மாதங்களில் 10 லட்சம் யுனிட்களை விற்பனையானது. போட்டி நிறுவன வாகனங்களுடன் ஒப்பிடும் போது பல்வேறு அம்சங்களை முதலில் வழங்கிய பெருமையை ஜூப்பிட்டர் பெற்றிருந்தது.
டி.வி.எஸ். ஜூப்பிட்டர் மாடல் 110 சிசி இன்ஜின் கொண்டு 7.99 பிஎஸ் மற்றும் 8 என்எம் செயல்திறன் கொண்டுள்ளது. ஸ்கூட்டர் மாடல்களில் அதிக மைலேஜ் வழங்கும் மாடலாக விளஙக்கும் ஜூப்பிட்டர் லிட்டருக்கு 62 கிலோமீட்டர் வரை செல்லும் என தெரிவிக்கப்பட்டது. இத்துடன் டி.வி.எஸ். காப்புரிமை பெற்ற எக்னோமீட்டர் மூலம் இகோ மோட் மற்றும் பவர் மோட் கொண்டுள்ளது. இத்துடன் சின்க் பிரேக்கிங் சிஸ்டம், எக்ஸ்டெர்னல் ஃபியூயல் ஃபில்லர் கேப், பாஸ் லைட் ஸ்விட்ச், மொபைல் சார்ஜர் மற்றும் எல்இடி டெயில் லேம்ப் உள்ளிட்டவை வழங்கப்பட்டுள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு செப்டம்பர் 28,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் செப்டம்பர் 28,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது செப்டம்பர் 28,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி செப்டம்பர் 28,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு செப்டம்பர் 28,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்