பதிவு செய்த நாள்
09 அக்2017
00:00
கச்சா எண்ணெய்
கச்சா எண்ணெய் விலை, கடந்த வாரம் சரிவில் முடிவடைந்தது. துவக்கத்தில் ஏற்றம் காணப்படினும், வார இறுதி நாட்களில், விலை வீழ்ச்சியடைந்தது. ஒரு பேரல், 51.69 டாலரில் இருந்து, 49.10 டாலர் என்ற அளவுக்கு சரிந்தது. 16 மாதங்களுக்குப் பின் ஏற்பட்ட தொடர் உயர்வுக்குப் பின், வியாபாரிகள் லாபம் ஈட்டுதல் காரணமாகவும், சந்தையில் எண்ணெய் சப்ளை உயரும் என்ற கருத்துக்களாலும், விலை குறைய ஆரம்பித்தது.
இந்த ஆண்டில், இதுவரை உள்ள உச்ச விலை, 55.22 டாலர் ஆகும். இந்த உயர்வு, ஜனவரி மாதம் ஏற்பட்டதாகும். ஒபெக் கூட்டமைப்பில் உள்ள, மிகப் பெரிய எண்ணெய் உற்பத்தி நாடான, சவுதி அரேபியா மற்றும் ரஷ்யா ஆகிய நாடுகள் வெளியிட்டுள்ள அறிக்கையில், அடுத்த ஆண்டில் உற்பத்தியை குறைக்கப் போவதாக தெரிவிக்கப்பட்டது. இதனால் சந்தையில் விலை குறைவு கட்டுக்குள் கொண்டு வரப்பட்டது.
இந்த கூட்டமைப்பில் உள்ள பல சிறிய நாடுகள், உற்பத்தி குறைப்பு ஒப்பந்தத்தில் கையொப்பம் இட்டுள்ளனர். இதனால் அவர்களது நாட்டில் பொருளாதார வளர்ச்சி பாதிக்கப்பட்டுள்ளது. அரசுகளின் வருமானம் குறைந்துள்ளது. இந்நிலையில், அந்த நாடுகள் மீண்டும் ஒப்பந்தப்படி எண்ணெய் உற்பத்தி குறைப்பை மேற்கொள்ளுமா என்பது கேள்விக்குறியாகி உள்ளது.உலகின் எண்ணெய் இறக்குமதியில், இரண்டாவது பெரிய நாடான, இந்தியா, தற்போது அமெரிக்காவிடமிருந்து 1.5 மில்லியன் பேரல் கச்சா எண்ணெயை இறக்குமதி செய்தது. இது வளைகுடா நாடுகளுக்கு சவாலாக அமைந்தது.
காரணம், ஆசிய சந்தையில் வளைகுடா நாடுகளில் இருந்து இறக்குமதி செய்யப்படும்போது சந்தை விலையுடன் பிரீமியம் தொகையும் சேர்த்து கொடுக்க வேண்டியதிருந்தது.பெருகி வரும் அமெரிக்க ஏற்றுமதியும் வளைகுடா நாடுகளுக்கு சவாலாக உள்ளது என்பதில் எந்த சந்தேகமும் இல்லை. அதேசமயம், அமெரிக்கா – வட கொரியா நாடுகளுக்கு இடையேயான அசாதாரண சூழலும், இன்னும் நீடித்து வருகிறது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 3,188 3,105 3,265 3,340என்.ஒய்.எம்.இ.எக்ஸ்., (டாலர்) 48.90 48.00 49.70 50.90
தங்கம், வெள்ளி
தங்கம் மற்றும் வெள்ளி, தொடர்ந்து ஒரு மாதமாக விலை சரிந்து வியாபாரமாகிறது. செப்டம்பர் முதல் வாரத்தில், ஒரு அவுன்ஸ் தங்கம், 1,357 டாலர் என்ற நிலையில் இருந்து தற்போது, 1,260 டாலர் என்ற அளவுக்கு குறைந்தது. 100 டாலர் அளவுக்கு விலை குறைந்துவிட்டது.
தொடர் உயர்வுக்குப் பின், வியாபாரிகள் லாபம் ஈட்டுதல் காரணமாகவும் இந்த விலை சரிவு நிகழ்ந்தது. மேலும், அமெரிக்க நாணய குறியீடான, டாலர் இன்டெக்ஸ், அமெரிக்க பொருளாதார உயர்வு காரணமாக, பல மாத சரிவுக்குப் பின், சிறிதளவு உயர்ந்ததும், தங்கம் வெள்ளி விலை குறைய ஆரம்பித்தது. பொதுவாகவே, டாலரும் தங்கமும் எதிர்மறையான போக்கை கடைப்பிடிப்பவை ஆகும்.
கடந்த வெள்ளியன்று வெளிவந்த செய்தியில், ரஷ்யா தன் அறிக்கையில் வட கொரியா நாடு மீண்டும் ஒரு ஏவுகணை சோதனை செய்ய தயாராகி வருவதாக தகவல் வெளியிட்டது.இந்த ஏவுகணை தொலைதுாரம் சென்று தாக்க கூடிய வகையிலானதாகும். இந்த நிகழ்வுக்கு பின், தங்கம் விலை அச்சம் காரணமாக சிறிதளவு உயர்ந்தது. உடன் வெள்ளி விலையிலும் முன்னேற்றம் காணப்பட்டது. வரும் நாட்களில், ஏதேனும் ஒரு அசாதாரண சூழல் நிலவும்பட்சத்தில், மீண்டும் விலை உயர்வு நிகழ வாய்ப்புள்ளது.
மேலும், மாதம் ஒருமுறை வரும், அமெரிக்க பொருளாதார காரணியான என்.எப்.பி., எனப்படும் புதிதாக வேலையில் சேர்ந்தோர் எண்ணிக்கை, செப்டம்பர் மாதம் எதிர்பார்த்ததை விட குறைவாக வெளிவந்ததால், டாலர் இன்டெக்ஸ் குறைந்து, தங்கம் மற்றும் வெள்ளி விலை அதிகரிக்க ஆரம்பித்தது குறிப்பிடத்தக்கது.
தங்கம்:பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 29,270 29,150 29,410 29,660காம்எக்ஸ் (டாலர்) 1,260 1,252 1,269 1,280
வெள்ளி:பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 39,650 38,380 39,000 39,510காம்எக்ஸ் (டாலர்) 16.30 15.85 16.90 17.25
செம்பு
செம்பு விலை, கடந்த வாரத்தில் ஏற்றத்தில் முடிவடைந்தது. இதற்கு முந்தைய வாரங்களின் சரிவிலிருந்து மீண்டது. சர்வதேச சந்தையில், ஒரு பவுண்டு விலை, 2.92 டாலரில் இருந்து, 3.05 டாலர் என்ற அளவை எட்டியது.
உயர்ந்து வரும், அமெரிக்க மற்றும் ஐரோப்பிய பங்குச் சந்தையின் போக்கு காரணமாக, அந்நாடுகளின் பொருளாதார முன்னேற்றம் மற்றும் எதிர்காலத்தில் செம்பின் தேவை அதிகரிக்கும் என்ற எதிர்ப்பார்ப்பு காரணமாக விலை உயர்ந்து வருகிறது. பொருளாதார வளர்ச்சியில், தொழிற்சாலை உற்பத்தியானது பெரும்பங்கு வகிக்கிறது. இதனை சார்ந்து தொழிற்சாலை மூலப்பொருட்கள் விலைகளில் மாற்றம் ஏற்படும்.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 437.10 434.00 442.00 455.00
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|