பதிவு செய்த நாள்
16 அக்2017
00:31
கடந்த, சாம்வாட் – 2073ம் ஆண்டு ( 2016 தீபாவளி முதல் 2017 தீபாவளி வரை) காலகட்டத்தில், தேசிய பங்குச் சந்தை குறியீடு, நிப்டி, சுமார் 1500 புள்ளிகள் அதாவது 17 சதவீதம் உயர்ந்துள்ளது.
உயர் பணமதிப்பு நீக்கம் மற்றும் பொருளாதார மந்த நிலை ஆகியவற்றுக்கிடையிலும் இவ்வளர்ச்சியைக் கண்டது குறிப்பிடத்தக்கது. இதற்கு உறுதுணையாக இருந்தது, சர்வதேச பங்குகளின் வளர்ச்சி மற்றும் உள்நாட்டு முதலீட்டு நிறுவனங்கள், பரஸ்பர நிதி நிறுவனங்கள் போன்றவையாகும். இவை கடந்த ஆறு மாதங்களில், தங்களது முதலீட்டை பன்மடங்கு அதிகரித்துள்ளன. மேலும், உலகின் வளர்ந்த நாடுகளின் வட்டிவிகித உயர்வும், அந்நாடுகளின் சந்தைகளுக்கு சாதகமாக அமைந்தது.
வரும் தீபாவளியன்று துவங்க இருக்கும், புதிய ஆண்டான, சாம்வாட் 2074 பல முக்கிய நிகழ்வுகளின் அடிப்படையில் அதன் போக்கு அமையும் என எதிர்பார்க்கப்படுகிறது.முக்கியமாக, உலக மத்திய வங்கிகளின் வட்டி விகிதத்தில் ஏற்படும் மாற்றங்கள், பொருளாதார வளர்ச்சி, உள்நாட்டில் நடைபெற உள்ள தேர்தல்கள், அரசியல் மாற்றங்கள், கொள்கை முடிவுகள், பணப்புழக்கம், கச்சா எண்ணெய் விலை மாற்றங்கள் மற்றும் சந்தை முதலீடுகள் போன்றவற்றின் அடிப்படையில், சந்தையின் போக்கு அமையும்.
அமெரிக்கா அந்நாட்டில் வரிவிகிதத்தில் மாற்றம் கொண்டுவர உள்ளது. நாடுகளுக்கிடையே நிலவி வரும் அசாதாரண சூழல் மற்றும் அதன் தாக்கங்கள் சந்தையில் பிரதிபலிக்கும்.நடப்பு நிதியாண்டின் அரை பாகம் முடிவுற்ற நிலையில் (ஏப்ரல் – செப்டம்பர்), அடுத்த பாகத்தில் நிறுவனங்களின் வளர்ச்சி மற்றும் நிதி அறிக்கைகள், வரவிருக்கும் 2018ம் ஆண்டின் மத்திய பட்ஜெட் போன்றவை, சந்தையில் மிக முக்கிய பங்காற்றும்.இந்த சாம்வாட் – 2074ம் ஆண்டில், நிப்டி ரெசிஸ்டென்ஸ், 10267 ஆகும். இதை கடக்கும் நிலையிலும், மாத முடிவு இதற்கு மேல் இருக்கும்பட்சத்திலும், அடுத்த இலக்கு 11,085 ஆகும்.
சாம்வாட் – 2074ம் ஆண்டில் கவனிக்க வேண்டிய பங்குகள்:
அட்வாஸ்டு என்ஸைம்ஸ், ஹெரிட்டேஜ் புட்ஸ், எஸ்.பி. அப்பாரல்ஸ், டாடா எலெக்ஸி, கிரீன்ப்ளை இண்டஸ்ட்ரீஸ்
-முருகேஷ் குமார்
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|