பதிவு செய்த நாள்
27 அக்2017
23:40
புதுடில்லி : மாருதி சுசூகி இந்தியா நிறுவனத்தின் நிகர லாபம், நடப்பு, 2017 – 18ம் நிதியாண்டின், ஜூலை – செப்., வரையிலான, இரண்டாவது காலாண்டில், 3.4 சதவீதம் அதிகரித்து, 2,484 கோடி ரூபாயாக உயர்ந்துள்ளது.
இது, கடந்த நிதியாண்டின் இதே காலத்தில், 2,401 கோடி ரூபாயாக இருந்தது.இதே காலத்தில், இதன் நிகர விற்பனை, 21.8 சதவீதம் உயர்ந்து, 21,048 கோடி ரூபாயில் இருந்து, 21,438 கோடி ரூபாயாக அதிகரித்து உள்ளது. வாகன விற்பனை, 17.6 சதவீதம் உயர்ந்து, 4,92,118 ஆக அதிகரித்துள்ளது. கடந்த ஆண்டுடன் ஒப்பிடும் போது, முதலீடுகள் மீதான வருவாயின் தாக்கத்தால், நிறுவனத்தின் செயல் சாரா வருவாய் குறைந்து உள்ளது.
இதனால், 3.4 சதவீத அளவிற்கே, நிகர லாபம் உயர்ந்துள்ளது. இத்துடன், மூலப்பொருட்கள் விலை உயர்வு; விளம்பரச் செலவினங்கள் அதிகரிப்பு; வரி விகித உயர்வு போன்றவையும், நிகர லாப வளர்ச்சியில், தாக்கத்தை ஏற்படுத்தி உள்ளன என, மாருதி சுசூகி தெரிவித்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|