பதிவு செய்த நாள்
30 அக்2017
01:05
கச்சா எண்ணெய் விலை, தொடர்ந்து கடந்த மூன்று வாரங்களாக உயர்ந்த வண்ணம் உள்ளது. ஒபெக் கூட்டமைப்பின் உறுப்பு நாடுகள் மற்றும் ரஷ்யா ஆகியவை இணைந்து, உற்பத்தி குறைப்பு நடவடிக்கையை எடுத்தது. அதன்படி, 2016 நவம்பர் முதல், 2017 ஜூன் வரை, 1.8 மில்லியன் பேரல் அளவுக்கு உற்பத்தி குறைக்கப்படும் என அறிவிக்கப்பட்டது. ஆனால், அச்சமயத்தில் பல உறுப்பு நாடுகள், உற்பத்தி குறைப்பை சரிவர செயல்படுத்தவில்லை. இதனால், சந்தையில் கச்சா எண்ணெய் விலை, எதிர்பார்த்த அளவுக்கு உயரவில்லை. கடந்த இரண்டு ஆண்டுகளாக ஒரு பேரல், 40 டாலர் முதல், 55 டாலர் என்ற அளவில் வர்த்தகமாகிக் கொண்டிருக்கிறது.
நைஜீரியா, லிபியா மற்றும் சில வளைகுடா நாடுகளும் உற்பத்தி குறைப்பை நடைமுறைப்படுத்த தவறிவிட்டது.இதன் பிறகு, ஒபெக் நாடுகளின் கூட்டத்தில் உற்பத்தி குறைப்பானது, 2018 மார்ச் மாதம் வரை நீட்டிக்கப்படும் என்ற அறிவிப்பு வெளியானது. இதன் பிறகு விலையில் சிறிய மாற்றம் காணப்பட்டது.அடுத்த மாதம், 7 மற்றும், 30 தேதிகளில் நடைபெற உள்ள, ஒபெக் கலந்தாய்வு கூட்டத்தில், உற்பத்தி குறைப்பு மேலும் நீட்டிக்கப்படும்; அதாவது, 2018 மார்ச் மாதம் வரை நீட்டிக்கப்படும் என்ற எதிர்பார்ப்பு நிலவுகிறது. இதற்கு ஏற்றாற்போல் உலகின் மிகப்பெரிய எண்ணெய் உற்பத்தி நாடான, சவுதியும் உற்பத்தி குறைப்புக்கு துணை நிற்கும் என்ற செய்தி பரவியது. சவுதி அரசர் கடந்த வியாழன் அன்று இதை உறுதிப்படுத்தினார். இதன் காரணமாக, சந்தையில் எண்ணெய் விலை திடீரென்று உயர்ந்தது.வரும் நாட்களில் கச்சா எண்ணெய் விலை உயர வாய்ப்புள்ளது. அடுத்த இலக்கு, 55 டாலர் மற்றும், 58 டாலர் ஆகும்.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 3,435 3,378 3,545 3,610என்.ஒய்.எம்.இ.எக்ஸ்., (டாலர்) 52.50 51.00 55.40 57.00
தங்கம், வெள்ளி:
தங்கம் மற்றும் வெள்ளி விலை, தொடர்ந்து இரண்டாவது வாரமாக சரிவை சந்தித்து, வியாபாரம் முடிந்துள்ளது. சர்வதேச சந்தையில், தங்கம் ஒரு அவுன்ஸ், 1,273 டாலர் மற்றும் வெள்ளி ஒரு அவுன்ஸ், 16.85 டாலர் என்ற அளவில் உள்ளது. இது செப்டம்பர் மாத உச்சத்தில் இருந்து, 5 சதவீதம் விலை குறைவாகும்.அமெரிக்க நாணய குறியீடான, டாலர் இண்டெக்ஸ், அதன் சரிவில் இருந்து மீண்டு, 11 மாத உச்சத்தை தொட்டதின் விளைவாக, தங்கம் மற்றும் வெள்ளி ஆகியவற்றின் விலை சரிய ஆரம்பித்தது. ஆனால், வார இறுதியில் சரிவிலிருந்து மீண்டன. கடந்த வெள்ளியன்று, ஸ்பெயின் நாட்டோடு இருந்து வந்த, கேட்டிலோனியா தன் சுதந்திரத்தை அறிவித்தது. இதையடுத்து, ஐரோப்பாவில் ஏற்பட்ட அசாதாரண சூழல் காரணமாக, முதலீட்டாளர்கள் தங்கம் மீது முதலீடு செய்தனர்.
கடந்த வியாழன் அன்று நடைபெற்ற, ஐரோப்பிய மத்திய வங்கியின் நிதி கூட்டத்தில், வட்டி விகிதம் மாற்றம் இல்லை என அறிவிக்கப்பட்டது. மேலும், அரசு கருவூலங்களின் கொள்முதல் நீட்டிக்கப்படும் என்ற அறிவிப்பும் வெளியானது. 2018ம் ஆண்டு, ஜனவரி முதல் செப்டம்பர் வரை மாதம், 30 மில்லியன் யூரோ பத்திரங்கள் வாங்கப்படும் என அறிவிக்கப்பட்டுள்ளது. பேங்க் ஆப் இங்கிலாந்தின் அடுத்த நிதிக் கூட்டம் நவம்பர் 2ம் தேதி நடைபெற உள்ளது. இக்கூட்டத்தில் வெளியாகும் அறிவிப்பு சந்தையில் மாற்றத்தை ஏற்படுத்தும்.அமெரிக்க அரசு கருவூலங்களின் ஆதாயம் குறையும் என எதிர்பார்க்கப்படுகிறது. அப்படி குறைந்தால், வரும் நாட்களில் தங்கம் மற்றும்வெள்ளி ஆகியவற்றின் விலைக்கு அது சாதகமாக அமையும்வரும் வெள்ளியன்று வெளிவர உள்ள, அமெரிக்க பொருளாதார காரணி (என்.எப்.பி.,)மற்றும் அதன் முடிவுகள் சந்தையில் அதிகப்படியான தாக்கத்தை உண்டாக்கும்.
தங்கம்:பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 29,210 29,010 29,380 29,650காம்எக்ஸ் (டாலர்) 1,262 1,250 1,280 1,291
வெள்ளி:பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 38,950 38,400 39,400 40,050காம்எக்ஸ் (டாலர்) 16.55 16.10 16.95 17.10
செம்பு:
செம்பு விலை, நான்கு வார தொடர் உயர்வுக்கு பின், கடந்த வாரம் சரிவில் முடிவடைந்தது. வியாபாரங்களில் மேற்கொண்ட, லாபத்தை எடுக்கும் முடிவு காரணமாக விலை சரிந்தது.இந்த ஆண்டின் துவக்கம் முதலே, செம்பின் விலை உயர்ந்தே இருந்தது. இன்னும் சொல்வதென்றால் கடந்த ஓர் ஆண்டாகவே விலை உயர்ந்து இருந்தது. அதாவது, 2016 அக்டோபர் முதல் இந்த அக்டோபர் வரை, 54 சதவீதம் அளவுக்கு விலை உயர்ந்துள்ளது. உலகின் பெரிய நாடுகளில் ஏற்பட்ட தொழிற்துறை வளர்ச்சி காரணமாகவும், சுரங்க உற்பத்தியில் ஏற்பட்ட சிறு தொய்வும் இதற்கு காரணமாக அமைந்தது. ஜூன் மாதம் முதல் கடந்த ஐந்து மாதங்களில் விலை அதிகப்படியான உயர்வை கண்டது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 443.50 438.00 450.00 456.00
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|