பதிவு செய்த நாள்
12 நவ2017
23:59
கச்சா எண்ணெய்
கச்சா எண்ணெய் விலை, தொடர்ந்து ஐந்து வாரங்களாக, உயர்ந்த வண்ணம் உள்ளது. சர்வதேச சந்தையில், ஒரு பேரல் கச்சா எண்ணெய் விலை, 57.90 டாலர் எனும், இரு ஆண்டு உச்சத்தை தொட்டது. ஒபெக் உறுப்பு நாடுகளில், அதிகளவு எண்ணெய் உற்பத்தி செய்யும் நாடு, சவுதி அரேபியா. ஒபெக் உறுப்பு நாடுகள் அமைப்பில் இல்லாத நாடுகளில், அதிகளவில் எண்ணெய் உற்பத்தி செய்யும் நாடு, ரஷ்யா. இந்த இரு நாடுகளும், தற்போது இணைந்து, உற்பத்தி குறைப்பை நீட்டிக்க முடிவு செய்துள்ளன.
இதற்கு முன், 2018 மார்ச் வரை, தினசரி, 1.8 மில்லியன் பேரல் அளவுக்கு, உற்பத்தியை குறைத்துக் கொள்வது என, முடிவெடுக்கப்பட்டு இருந்தது. இதை, மேலும் ஒன்பது மாதங்களுக்கு அதாவது, 2018 டிச., வரை நீட்டிக்க, சவுதியும், ரஷ்யாவும் விருப்பம் தெரிவித்து உள்ளன.இந்த அறிவிப்பை தொடர்ந்து, விலை சரசரவென உயர்ந்தது. ஒபெக் உறுப்பு நாடுகளின் அடுத்த கூட்டம், நவ., 30ல், வியன்னா நகரத்தில் நடைபெற உள்ளது. அப்போது, உற்பத்தி குறைப்பு குறித்த அதிகாரபூர்வ அறிக்கை வெளியாக இருக்கிறது.கடந்த வாரம், 7ம் தேதி நடைபெற்ற, உலக எண்ணெய் கண்ணோட்டம் குறித்த அறிக்கையில், 2018ல், தேவை உயரும் என்ற கருத்துக் கணிப்பும், விலை உயர்வுக்கு சாதகமாக அமைந்தது.
இதற்கிடையே, கடந்த மாதம், அமெரிக்காவில் ஏற்பட்ட சூறாவளியால் இயங்காமல் இருந்த, ஆழ்குழாய் கிணறுகள் இயங்கத் துவங்கி இருக்கின்றன. இதையடுத்து, அமெரிக்காவின் தினசரி எண்ணெய் உற்பத்தி, தொய்வில் இருந்து மீண்டு, இயல்பு நிலைக்கு திரும்பும் என்ற எதிர்பார்ப்பு காரணமாக, எண்ணெய் விலை உயர்வு கட்டுக்குள் கொண்டு வரப்பட்டது. வரும் நாட்களில், எண்ணெய் விலை, சர்வதேச சந்தையில், 58.75 டாலர் மற்றும் 60 டாலர் வரை உயர வாய்ப்பு உள்ளது. இருப்பினும், 60 டாலரை கடந்து உயர்ந்து செல்ல, வாய்ப்பு குறைவாகவே காணப்படுகிறது.
பொருள் வணிக முன்பேர சந்தையின் அளவுகள்:
சந்தை எஸ் 1 எஸ் 2 ஆர் 1 ஆர் 2
எம்.சி.எக்ஸ்., (ரூபாய்) 3,665 3,580 3,755 3,870
என்.ஒய்.எம்.இ.எக்ஸ். (டாலர்) 56.10 54.80 58.75 60.00
தங்கம், வெள்ளி
தங்கம், வெள்ளி ஆகியவை, முந்தைய மூன்று வார சரிவுக்கு பின், கடந்த வாரம், விலை உயர்ந்து வர்த்தகமாகின. இருப்பினும், வெள்ளியன்று சரிவு ஏற்பட்டு, வர்த்தகம் முடிவுற்றது.சர்வதேச சந்தையில், தங்கம் மூன்று வாரங்களாக, ஒரு அவுன்ஸ், 1,260 – 1,290 டாலர் என்ற விலையில், அதாவது, 30 டாலர் மாற்றத்துக்குள் சீரான வர்த்தகத்தை சந்தித்தது. இந்த அளவுகளில், ஏதேனும் ஒரு பக்கம் கடக்கும் நிலையில், அதன் போக்கு நிச்சயிக்கப்படும்.
வெள்ளி, ஒரு அவுன்ஸ், 16.55 – 17.25 டாலர் என்ற நிலையில், வர்த்தகமாகிக் கொண்டிருக்கிறது. அமெரிக்க அரசு கருவூலங்களின் ஆதாயம், வெள்ளியன்று உயர்ந்தது. இதன் காரணமாக, முதலீட்டாளர்கள், தங்கம் மீதான ஆர்வத்தை குறைத்து, கருவூலகங்களில் முதலீடு செய்தனர். மேலும், தனிநபர் மற்றும் நிறுவனங்களுக்கான வரி குறைப்பு நடவடிக்கையால், அமெரிக்க பொருளாதாரம் வலுப்படும் என்ற எதிர்பார்ப்பும், ‘டாலர் இண்டெக்ஸ்’ எனப்படும், அமெரிக்க நாணய குறியீடு உயர காரணமாகியது. இது, தங்கம் மற்றும் வெள்ளி விலைகளில் தாக்கத்தை ஏற்படுத்தி, சரிவை சந்திக்க வைத்தது. அமெரிக்க நிறுவனங்களுக்கான வரியானது, 35 சதவீதத்தில் இருந்து, 20 சதவீதமாக குறைக்கப்பட்டு உள்ளது.
இந்திய ஆபரண சந்தையில், டாலருக்கு நிகரான, இந்திய ரூபாயின் மதிப்பு சரிந்ததின் விளைவாக, விலை உயர்ந்தது. 10 கிராம், 30, 530 ரூபாய் என்ற நிலையில், வெள்ளியன்று வியாபாரமாகியது. உள்நாட்டு சந்தையில், தேவையானது அதிகரித்துள்ளது. இது, திருமணம் மற்றும் விசேஷங்களுக்காக, கொள்முதல் செய்யும் காலமாகும். அமெரிக்க மத்திய வங்கியின், வட்டி விகிதம் குறித்த கூட்டம், டிச., மாதம் நடைபெற உள்ளது. தற்போது, புதிதாக நியமனம் ஆகியிருக்கும், அமெரிக்க மத்திய வங்கியின் தலைவரான, ஜெரோம் போவல், வட்டி விகிதம் குறித்து எடுக்க உள்ள தீர்மானம் குறித்த எதிர்பார்ப்பும், சந்தையில் தற்போது நிலவி வருகிறது. இந்த முடிவுகள், விலைகளில் எதிரொலிக்கும்.
தங்கம்:
பொருள் வணிக முன்பேர சந்தையின் அளவுகள்
சந்தை எஸ் 1 எஸ் 2 ஆர் 1 ஆர் 2
எம்.சி.எக்ஸ்., (ரூபாய்) 27,775 27,450 28,150 28,350
காம்எக்ஸ் (டாலர்) 1,215 1,202 1,234 1,241
வெள்ளி:
பொருள் வணிக முன்பேர சந்தையின் அளவுகள்
சந்தை எஸ் 1 எஸ் 2 ஆர் 1 ஆர் 2
எம்.சி.எக்ஸ்., (ரூபாய்) 36,425 36,110 37,245 37,650
காம்எக்ஸ் (டாலர்) 15.45 14.95 16.30 16.55
செம்பு:
செம்பு விலை, கடந்த வாரம் சரிவில் முடிவடைந்தது. ஓராண்டு காலமாக, விலை உயர்ந்த வண்ணம் இருந்த செம்பு, வியாபாரிகள் லாபம் ஈட்டுதல் காரணமாக, இம்மாத துவக்கம் முதல், விலையில் சிறிய சரிவு காணப்படுகிறது. அமெரிக்க டாலர் இண்டெக்ஸ் உயர்வு மற்றும் சீன இறக்குமதி, சுத்திகரிக்கப்பட்ட செம்பு இறக்குமதி ஆகியவை, குறைந்ததன் விளைவாக, தற்போது விலை குறைந்து காணப்படுகிறது. வரும் நாட்களில், சர்வதேச சந்தையில், ஒரு பவுண்டு செம்பு, 3.05 டாலர் என்ற நிலை நல்ல சப்போர்ட் ஆகும். இதை கடக்கும் நிலையில், மீண்டும் விலை குறைய அதிக வாய்ப்புள்ளது.
பொருள் வணிக முன்பேர சந்தையின் அளவுகள்
சந்தை எஸ் 1 எஸ் 2 ஆர் 1 ஆர் 2
எம்.சி.எக்ஸ்., (ரூபாய்) 380.70 378.00 358.20 387.00
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|