பதிவு செய்த நாள்
13 டிச2017
00:18
புதுடில்லி:நாட்டின் சில்லரை விலை பணவீக்கம், 15 மாதங்களில் இல்லாத அளவிற்கு, நவம்பரில், 4.88 சதவீதமாக உயர்ந்து உள்ளது.
உணவுப் பொருட்கள், எரிபொருள் ஆகியவற்றின் விலை உயர்வால், பொருளாதார வல்லுனர்கள், சில்லரை பணவீக்கம், 4.20 சதவீதமாக உயரும் என, கணித்திருந்தனர். இதையும் விஞ்சி, பணவீக்கம் அதிகரித்துள்ளது.மத்திய புள்ளியியல் மற்றும் திட்ட அமலாக்க அமைச்சகத்தின் கீழ் செயல்படும், மத்திய புள்ளியியல் அலுவலகம், மாதந்திர சில்லரை விலை பணவீக்கத்தை வெளியிடுகிறது.
வீழ்ச்சி
இதன்படி, நவம்பரில், சில்லரை விலை பணவீக்கம் குறித்த புள்ளி விபரம், நேற்று வெளியிடப்பட்டது.அதில், நாட்டின் சில்லரை விலை பணவீக்கம், நவம்பரில், 4.88 சதவீதமாக அதிகரித்து உள்ளதாக தெரிவிக்கப்பட்டு உள்ளது. இது, 15 மாதங்களில் இல்லாத உச்சமாகும்.அக்டோபரில், சில்லரை விலை பணவீக்கம், 3.58 சதவீதமாக இருந்தது. 2016 ஆகஸ்டில், சில்லரை விலை பணவீக்கம், அதிகபட்சமாக, 5.05 சதவீதமாக இருந்தது.
அது முதல், படிப்படியாக குறைந்தது. செப்டம்பரில், சில்லரை விலை பணவீக்கம், 4.31 சதவீதமாக சரிவடைந்தது. இதைத் தொடர்ந்து, 14 மாதங்களில் இல்லாத அளவிற்கு, அக்டோபரில், 4.20 சதவீதமாக குறைந்தது. இது, நவம்பரில், 3.63 சதவீதமாக மேலும் வீழ்ச்சி கண்டது.
நிதி கொள்கை
இந்நிலையில், கச்சா எண்ணெய் விலை உயர்வு, கன மழையால், காய்கறிகள், பழங்கள் உள்ளிட்ட வேளாண் பொருட்கள் உற்பத்தி பாதிப்பு, ஜி.எஸ்.டி., தாக்கம், தொழில் துறை உற்பத்தி வளர்ச்சியில் மந்த நிலை போன்ற, பல்வேறு காரணிகள், பணவீக்க உயர்வுக்கு வழிவகுத்துள்ளன.ரிசர்வ் வங்கி, நடப்பு, 2017 -– 18ம் நிதியாண்டில், சில்லரை விலை பணவீக்க இலக்கை, 4 சதவீதமாக நிர்ணயித்துள்ளது.
இந்நிலையில், மத்திய அரசு ஊழியர்களின் வீட்டு வாடகை படி உயர்வு உள்ளிட்ட காரணங்களால், இரண்டாம் அரையாண்டில், பணவீக்கம், 4.2 – 4.6 சதவீதமாக இருக்கும் என, ரிசர்வ் வங்கி, சமீபத்தில் வெளியிட்ட நிதிக் கொள்கையில் தெரிவித்திருந்தது.இதன் காரணமாகவே, நிதிக் கொள்கையில், வங்கிகளின் குறுகிய கால கடனுக்கான, ‘ரெப்போ’ வட்டி விகிதத்தில், ரிசர்வ் வங்கி மாற்றம் ஏதும் செய்யவில்லை என்பது குறிப்பிடத்தக்கது.
எரிபொருள், உணவு பொருட்கள்
நவம்பரில், உணவுப் பொருட்களின் சில்லரை விலை பணவீக்கம், 4.42 சதவீதமாக உயர்ந்து
உள்ளது. இது, அக்டோபரில், 1.90 சதவீதமாகவும், 2016 நவம்பரில், 2.03 சதவீதமாகவும் இருந்தது.உணவு மற்றும் பானங்கள் பிரிவின், சில்லரை விலை பணவீக்கம், 4.41 சதவீதமாக உள்ளது. புகையிலை மற்றும் லாகிரி பொருட்கள் பணவீக்கம், 7.75 சதவீதம்; ஆயத்த ஆடை மற்றும் காலணிகள் பணவீக்கம், 4.96; வீட்டு வசதி, எரிபொருள் மற்றும் இதர பிரிவுகளின் பணவீக்கம், முறையே, 7.36 சதவீதம், 7.92 சதவீதம் மற்றும் 3.63 சதவீதம் என்ற அளவில் உள்ளன.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|