பதிவு செய்த நாள்
07 ஜன2018
03:43
ராயல் என்பீல்டு நிறுவனம், அதன் பிரபல, ‘கான்டினென்டல் ஜி.டி.,’ 535 ‘சிசி’ பைக்கின் உற்பத்தியை நிறுத்தி உள்ளது. எனினும், கான்டினென்டல் ஜி.டி., என்ற பெயர், அதன் ரசிகர்கள் மனதில் பதிந்து விட்டது. அதனால், அடுத்து அறிமுகமாக உள்ள, 650 ‘சிசி’ திறனுடைய, புதிய மாடல் பைக்கிற்கு, கான்டினென்டல் ஜி.டி.,யின் பெயரை, ராயல் என்பீல்டு, ‘ரிசர்வ்’ செய்துள்ளது.
‘கபே ரேசர்’ ரகத்தைச் சேர்ந்த, கான்டினென்டல் ஜி.டி., 535 ‘சிசி’ பைக்கின் உற்பத்தி நிறுத்தப்பட்டாலும், அது சில டீலர்களிடம், ‘ஸ்டாக்’ இருப்பதால், அவை இன்னும் விற்பனைக்கு வைக்கப்பட்டு உள்ளன. புதிதாக அறிமுகமாக உள்ள இந்த, 650 ‘சிசி’ கபே ரேசர் ரக பைக்கில், ஆங்குலர் டேங்க், நீளமான இருக்கை என, 535 ‘சிசி’யில் இருந்த அம்சங்கள் தொடர்கின்றன. ஆனால் இதில், முன்னதை விட இன்னும், அழகாக வடிவமைக்கப்பட்டு இருக்கிறதாம். இதில், 47 எச்.பி., திறனை உருவாக்கும், 648 ‘சிசி’ ஏர் கூல்டு பேரலல் மோட்டார் இன்ஜின் பொருத்தப்பட்டு உள்ளது.
யமஹா
மூன்றாவது தலைமுறை பைக்
யமஹா நிறுவனம், அதன், ‘ஒய்.இசட்.எப்.,- ஆர்., 15’ பைக்கின், மூன்றாவது தலைமுறை பைக்கை, வெகு விரைவில், இந்தியாவில் அறிமுகம் செய்ய உள்ளது. இந்தியாவில், பைக் ரசிகர்கள் மத்தியில் பெரும் எதிர்பார்ப்பை ஏற்படுத்தி உள்ள, ஒய்.இசட்.எப்.,- ஆர்., 15, 3.0 பைக், இவ்வாரத்தில் ஏதேனும் ஒரு நாளில் அறிமுகம் செய்யப்படலாம் என, தகவல் கசிந்துள்ளது.
இதற்கு, யமஹா ரசிகர்களிடையே பெரும் எதிர்பார்ப்பு நிலவுவதால், சில டீலர்கள், முன்பதிவு செய்ய துவங்கி விட்டதாக தகவல் வெளியாகி உள்ளது. மிகவும் ஸ்டைலாக, இளைஞர்கள் விரும்பும் வகையிலும், இந்த பைக் வடிவமைக்கப்பட்டு உள்ளது. இதில், 155 ‘சிசி’ சிங்கிள் சிலிண்டர் இன்ஜின் பொருத்தப்பட்டு உள்ளது. இதிலிருந்து அதிகபட்சம்,
19 எச்.பி., திறன் கிடைக்கும். இது, லிக்விட் கூல்டு இன்ஜின், 6 ஸ்பீடு கியர்பாக்ஸ், ஸ்லிப்பர் கிளட்ச்’ உள்ளிட்டவற்றுடன் உருவாக்கப்பட்டு உள்ளது.
ஏப்ரிலியா
வருகிறது எஸ்.ஆர்., 125
இந்தியாவில், ‘ஏப்ரிலியா ஸ்கூட்டர்ஸ்’ நிறுவனத்தின் சக்தி வாய்ந்த, 150 ‘சிசி’ ஸ்கூட்டருக்கு, நல்ல வரவேற்பு கிடைத்தது. இந்நிலையில், அதை விட சற்று விலை குறைந்த, புதிய மாடல் ஸ்கூட்டரை, ‘ஏப்ரிலியா’ களமிறக்க முடிவு செய்துள்ளது. இது, 125 ‘சிசி’ இன்ஜின் திறனுடைய ஸ்கூட்டர். இந்த புதிய ஸ்கூட்டர், சில டீலர்களுக்கு ஏற்கனவே அனுப்பப்பட்டு விட்டதாக தெரிகிறது.
முந்தைய அறிமுகமான, 150 ‘சிசி’ ஏப்ரிலியாவின் விலை, 69,146 ரூபாயில் துவங்குவது குறிப்பிடத்தக்கது. அதில், புதிய பச்சை நிறம் ஓரிரு நாளில் அறிமுகமாக உள்ளது. வரவிருக்கும், 125 ‘சிசி’ ஸ்கூட்டரின் விலை, இன்னும் முடிவு செய்யப்படவில்லை என்றாலும், அதன், ஷோரூம் துவக்க விலை, 65,309 ரூபாயாக இருக்கலாம் என, எதிர்பார்க்கப்படுகிறது. இரு நிறங்களில் களம் காணவுள்ள, புதிய ஸ்கூட்டர் குறித்த வேறு தகவல்கள் வெளியிடப்படவில்லை என்றாலும், தோற்றத்தில், 150 ‘சிசி’ சகோதரனை போலவே, இந்த 125 ‘சிசி’ காட்சி அளிக்கிறது. ஓரிரு வாரங்களில், இது விற்பனைக்கு வரவுள்ளது.
மேலும் ஆட்டோமொபைல் செய்திகள்
|
Advertisement
|
Advertisement
|
Advertisement
|
|
|
|