பதிவு செய்த நாள்
08 ஜன2018
00:07
நிதி திட்டமிடல் போலவே நிதி தீர்மானங்களும் முக்கியமானவை. நிதி தீர்மானங்கள், சேமிப்பு ஒழுங்கை ஏற்படுத்தி தருவதோடு, நிதி நிலையை மேம்படுத்திக்கொள்ளவும் உதவும். முதலீட்டு வாய்ப்புகளை சீர் துாக்கி பார்க்கவும் வழி செய்யும். இதற்காக, நீங்கள் பரிசீலிக்க வேண்டிய நிதி தீர்மானங்கள்:
சேமிப்பை அதிகமாக்கி கொள்வதற்கான எளிய வழி, செலவுகளை கட்டுப்படுத்துவது தான். வருமானத்திற்குள் செலவுகளை சுருக்கி கொள்ள வேண்டும். ஆடம்பர செலவுகள் செல்வ வளத்தின் அடையாளமாக இருக்காது. சிக்கனமும், சேமிப்புமே எதிர்கால வளத்திற்கு வழி செய்யும். செலவை குறைத்து, சேமிப்பை அதிகமாக்க உறுதி கொள்ளுங்கள். அதற்கான வழிகளை தேடி செயல்படுத்துங்கள்.
விழாக்கால தள்ளுபடிகள்,சலுகை அறிவிப்புகள் நல்ல பலனை அளிப்பது போல தோன்றலாம். இவற்றை பார்த்தவுடன் வாங்கவும் தோன்றலாம். ஆனால், 50 சதவீத தள்ளுபடியில் இரண்டு பொருட்களை வாங்கும் போது, விலை குறைவு பலனை விட நீங்கள் தேவைக்கு அதிகமாக ஒன்றை வாங்குகிறீர்கள் என்பதே உண்மை. எனவே தள்ளுபடி மோகத்தில் தேவையில்லாத பொருட்களை வாங்காமல் இருப்பது நல்லது.
தள்ளுபடியை விட, நல்ல நிலையில் உள்ள பயன்படுத்திய பொருட்களை நாடலாம், கார்கள், லேப்டாப்கள், கேட்ஜட்கள் என எல்லாமே இப்போது பயன்படுத்திய பொருட்களாக குறைந்த விலையில் கிடைக்கின்றன. புதிய பொருளின் ஈர்ப்பு இல்லாவிட்டாலும், இவை பணத்திற்கு ஏற்ற மதிப்பை தரும். புதிய சாதனங்களை வாங்குவதை விட, பயன்படுத்திய பொருட்களை வாங்கலாம். பல்வேறு இணையதளங்கள் இந்த சேவையை வழங்குகின்றன.
பலருக்கும் எதிர்காலத்தில் பணம் வரும் எனும் நம்பிக்கையில் செலவு செய்யும் பழக்கம் இருக்கிறது. ஆண்டு இறுதியில் போனஸ் கிடைக்கலாம், பங்குச்சந்தையில் அதிக பலன் கிடைக்கலாம் எனும் நம்பிக்கையில் இப்போது செலவு செய்கின்றனர். ஆனால் இந்த பணம் கிடைக்காமல் போனால் சிக்கல் ஏற்படலாம். எனவே எதிர்கால பணத்தின் அடிப்படையில் அல்லாமல், தேவைக்கேற்பவே செலவு செய்ய வேண்டும்.
அடிக்கடி பொருட்களை மாற்றாமல் இருப்பது நல்லது தான். ஆனால் அதற்காக வீட்டில் பழைய பொருட்களை பாதுகாத்து வைப்பதில் அர்த்தம் இல்லை. சரியான முறையில் செலவு செய்வது பலன் அளிப்பது, போல தேவையில்லாத பொருட்களை விற்பதும் பலன் தரும். இந்த தொகை சேமிப்பாக அமையும். இதற்கென இணையதளங்கள் இருக்கின்றன. விற்க விரும்பாவிடில் நன்கொடையாக அளிக்கலாம்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|