பதிவு செய்த நாள்
04 பிப்2018
02:07
மின் வழிச் சீட்டு என்றால் என்ன?
மின் வழிச் சீட்டு என்பது, சரக்குகளை எடுத்துச்செல்வதற்காக, பொது வலைதளத்தில்
உருவாக்கம் செய்ய வேண்டிய ஓர் ஆவணமாகும்.
மின் வழிச் சீட்டை உருவாக்கம் செய்வதற்கான, பொது வலைதளம் எது?
மின் வழிச் சீட்டை உருவாக்கம் செய்வதற்கான, பொது வலைதளம், http://ewaybill.nic.in ஆகும். இந்த வலைதளத்தில், தற்போது, மின் வழிச் சீட்டை உருவாக்கம் செய்து கொள்ளும் வசதி ஏற்படுத்தப்பட்டு உள்ளது. மின் வழிச் சீட்டு அமைப்பு, ewaybillgst.gov.in என்ற வலைதளத்திலும் செயல்படும்.
எந்த வகையான பரிவர்த்தனைகளுக்கு, மின் வழிச் சீட்டு தேவைப்படுகிறது?
சரக்குகளை எடுத்துச் செல்வதற்கான, அனைத்து வகையான பரிவர்த்தனைகளுக்கும், மின் வழிச் சீட்டு அவசியம். மாநிலங்களுக்கிடையே அல்லது ஒரு மாநிலத்துக்குள்ளே நடைபெறும், வெளிப்புற சரக்கு வழங்குதல், உள்புற சரக்கு வழங்குதல், பதிவு பெறாத நபரிடமிருந்து பெறப்படும் வழங்குதல் உட்பட அல்லது வழங்குதல் அல்லாத வேறு காரணங்களுக்காகவும் கூட, சரக்குகளை எடுத்துச் செல்லும் பரிவர்த்தனைகளுக்கு, மின் வழிச் சீட்டு கட்டாயம் தேவை.
நுகர்வோர் பொருட்களை வாங்கி, அவற்றை தன்னுடைய இடத்திற்கு, அவர்களே எடுத்துச் செல்வதற்கு, மின் வழிச் சீட்டு தேவையா?
ஆம், தேவை. விதிகளின்படி, 50 ஆயிரம் ரூபாய்க்கு அதிகமான மதிப்புள்ள சரக்குகளுக்கு, மின் வழிச் சீட்டு தேவை.இத்தகைய சூழ்நிலையில், நுகர்வோர், வரி செலுத்துபவரிடமோ அல்லது சரக்குகளை வழங்குபவரிடமோ, அவரது பில் அல்லது விலைப்பட்டியலின் அடிப்படையில், மின் வழிச் சீட்டை உருவாக்கித் தரும்படி கேட்டு பெற்றுக் கொள்ளலாம் அல்லது நுகர்வோரே, குடிமகனாக, ‘லாக் இன்’ செய்து, தன் பொருட்களை எடுத்துச் செல்வதற்காக, மின் வழிச் சீட்டை உருவாக்கலாம்.
சரக்குகளை வழங்குபவர் அல்லது சரக்குகளை பெறுபவரிடம், ஜி.எஸ்.டி.ஐ.என்., எண்
இல்லாத பட்சத்தில், அதை குறிப்பிட வேண்டிய இடத்தை, எவ்வாறு பூர்த்தி செய்ய வேண்டும்?
சரக்குகளை வழங்குபவர் அல்லது சரக்குகளை பெறுபவரிடம், ஜி.எஸ்.டி.என்., எண் இல்லாதபட்சத்தில், மின் வழிச் சீட்டை உருவாக்கும் போது, அந்த இடத்தில், யு.ஆர்.பி., (அன்ரிஜிஸ்டர்டு பெர்சன்) அதாவது, பதிவு செய்யப்படாத நபர் என, பூர்த்தி செய்ய வேண்டும்.
எடுத்துச் செல்லப்படும் சரக்குகளுடன், எந்தெந்த ஆவணங்களை எடுத்துச் செல்ல வேண்டும்?
வரி விலைப்பட்டியல் அல்லது வழங்குதலுக்கான பில் அல்லது டெலிவரி சலான். இவற்றில் எது பொருத்தமோ அது மற்றும் மின் வழிச் சீட்டின் ஒரு நகல் அல்லது பொது வலைதளத்திலிருந்து உருவாக்கம் செய்யப்பட்ட மின் வழிச் சீட்டின் எண் ஆகியவை தேவை.
மின் வழிச் சீட்டின் பகுதி, ‘பி’யை பூர்த்தி செய்வது அவசியமா?
பகுதி, ‘பி’யை பூர்த்தி செய்தால் தான், மின் வழிச் சீட்டு முழுமையடையும். சரக்குகளை எடுத்துச் செல்வதற்கு பகுதி, ‘பி’ அவசியம். அதை பூர்த்தி செய்யாவிட்டால், சரக்குகளை ஏற்றிச் செல்வதற்கான, அச்சடித்த மின் வழிச் சீட்டு செல்லாததாகி விடும்.
ஒரு மின் வழிச் சீட்டின் பகுதி, ‘பி’யில், எத்தனை முறை வாகன எண்ணை புதுப்பிக்க செய்ய
முடியும்?
சரக்கு சென்று சேர வேண்டிய இடம் வரை, உபயோகிப்பாளர் எத்தனை முறை வேண்டுமானாலும், வாகன எண்ணை, ‘அப்டேட்’ செய்ய முடியும். எனினும், மின் வழிச் சீட்டு செல்லுபடி ஆகும் காலம் வரை மட்டுமே புதுப்பிக்க முடியும்.
யாரெல்லாம், மின் வழிச் சீட்டில் வாகன எண்ணை, ‘அப்டேட்’ செய்ய வேண்டும்?
சரக்குகளை எடுத்துச் செல்லும் வாகன எண்ணை, பொது வலைதளத்தில், ‘அப்டேட்’ செய்யாவிட்டால், மின் வழிச் சீட்டு செல்லுபடியாகாது. மின் வழிச் சீட்டை உருவாக்கம் செய்பவர் அல்லது அவரால் அந்த மின் வழிச் சீட்டிற்காக ஒதுக்கீடு செய்யப்பட்ட, போக்குவரத்து நிறுவன நபர், வாகன எண்ணை பதிவிடலாம் அல்லது புதுப்பிக்கலாம்.
– ஜி.எஸ்.டி., முதன்மை கமிஷனர் மற்றும் கலால் துறையின் சென்னை பிரிவு வெளியீடு. இந்த தகவல், பொதுவான கண்ணோட்டத்தில் வழங்கப்படுவதால், இது, சட்ட ஆலோசனையாக அல்லது கருத்தாக கருதப்படாது.
(அடுத்த ஞாயிறு சந்திப்போம்)
ஜி.எஸ்.டி., குறித்த சந்தேகங்களுக்கு, கீழ்கண்ட முகவரியில் செயல்படும், ஜி.எஸ்.டி., சேவை மையங்களை அணுகி விளக்கம் பெறலாம்.
1. முதன்மை கமிஷனர், ஜி.எஸ்.டி., & மத்திய கலால் வரி அலுவலகம் – நுங்கம்பாக்கம், சென்னை.
தொலைபேசி: ௦௪௪ – ௨௮௩௩ ௧௦௦௯. மின்னஞ்சல்: gstsevakchn@gmail.com
௨. உதவி கமிஷனர் அலுவலகம் – தேனாம்பேட்டை, சென்னை, தொலைபேசி: ௦௪௪ – ௨௪௩௨ ௧௯௯௪. மின்னஞ்சல்: tvtrdivision@gmail.com
3. உதவி கமிஷனர் அலுவலகம் – அம்பத்துார், சென்னை, தொலைபேசி: ௦௪௪ – ௨624 2744. மின்னஞ்சல்: ambattur37@gmail.com
௪. உதவி கமிஷனர் அலுவலகம் – அண்ணா நகர், சென்னை, தொலைபேசி: ௦௪௪ – ௨௬௧௪ ௨௮௫௧. மின்னஞ்சல்: gstnorthnewry@gmail.com
மேலும் பொது செய்திகள்
|
Advertisement
|
Advertisement
|
Advertisement
|
|
|
|