பதிவு செய்த நாள்
13 பிப்2018
02:28
புதுடில்லி:தொழில் துறை உற்பத்தி வளர்ச்சி, 2017 டிசம்பரில், 7.1 சதவீதமாக சரிவடைந்து உள்ளது. இது, முந்தைய நவம்பரில், 25 மாதங்களில் இல்லாத அளவில், 8.4 சதவீதமாக உயர்ந்திருந்தது.தொழில் துறை உற்பத்தி குறியீட்டை கணக்கிடுவதில், தயாரிப்புத் துறை, நான்கில் மூன்று பங்கை கொண்டுள்ளது. 2017 டிசம்பரில், தயாரிப்புத் துறை உற்பத்தி வளர்ச்சி, 8.4 சதவீதமாக குறைந்துள்ளது. இது, நவம்பரில், 10.2 சதவீதமாக இருந்தது.
அதே சமயம், இதே காலத்தில், பொறியியல் சாதனங்கள் துறை உற்பத்தி வளர்ச்சி, 9.8 சதவீதத்தில் இருந்து, 16.4 சதவீதமாக உயர்ந்துள்ளது.இதே காலத்தில், நுகர்வோர் சாதனங்கள் துறை உற்பத்தி வளர்ச்சி, 2.9 சதவீதத்தில் இருந்து, 0.9 சதவீதமாக குறைந்து உள்ளது. சுரங்கத் துறை உற்பத்தி வளர்ச்சி, 1.1 சதவீதத்தில் இருந்து, 1.2 சதவீதமாக உயர்ந்துள்ளது.நுகர்வோரின் உணவு சாரா பயன்பாட்டு பொருட்கள் உற்பத்தி வளர்ச்சி, 16.5 சதவீதமாக அதிகரித்துள்ளது. இது, 2016 டிசம்பரில், 3.3 சதவீதமாக இருந்தது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|